കഴിഞ്ഞ വർഷത്തെ ബുക്കർ പുരസ്കാര ജേതാവും ശ്രീലങ്കൻ എഴുത്തുകാരനുമായ ഷേഹാൻ കരുണതിലകയിൽനിന്നാണ് പോൾ ലിഞ്ച് പുരസ്കാരം ഏറ്റുവാങ്ങിയത്. ലണ്ടനിലെ ബില്ലിംഗ്സ്ഗേറ്റിലായിരുന്നു പുരസ്കാര വിതരണച്ചടങ്ങ് നടന്നത്.
ഇന്ത്യൻ വംശജയായ ചേതന മാരുവിന്റെ ‘വെസ്റ്റേൺ ലെയ്ൻ’ ഉൾപ്പെടെ ആറു കൃതികളിൽനിന്നാണു പോൾ ലിഞ്ചിന്റെ പ്രോഫെറ്റ് സോംഗ് ബുക്കർ പുരസ്കാരം നേടിയത്. സാറാ ബേൺസ്റ്റെയിന്റെ ‘സ്റ്റഡി ഫോർ ഒബിഡിയൻസ്’, ജൊനാഥൻ എസ്കോഫെറിയുടെ ‘ഇഫ് ഐ സർവൈവ് യു’, പോൾ ഹാർഡിംഗിന്റെ ‘ദ അതർ ഈഡൻ’, പോൾ മറെയുടെ ‘ദി ബീ സ്റ്റിംഗ്’ എന്നിവയാണു ചുരുക്കപ്പട്ടികയിലെത്തിയ മറ്റു കൃതികൾ.