ഷൊർണൂർ റെ​യി​ൽ​വേ സ്റ്റേ​ഷ​നി​ൽ വാ​ഹ​ന പാ​ർ​ക്കിം​ഗ് ഫീ​സി​നെച്ചൊ​ല്ലി പ്ര​ശ്ന​ങ്ങ​ൾ പ​തി​വാ​കു​ന്നു
Thursday, September 5, 2024 1:56 AM IST
ഷൊർ​ണൂ​ർ: ജം​ഗ്ഷ​ൻ റെ​യി​ൽ​വേ സ്റ്റേ​ഷ​നി​ൽ വാ​ഹ​ന പാ​ർ​ക്കിം​ഗിന്‍റെ ഫീ​സി​നെ ചൊ​ല്ലി പ്ര​ശ്ന​ങ്ങ​ൾ പ​തി​വാ​കു​ന്നു. തോ​ന്നി​യ​പോ​ലെ​യാ​ണ് ഇ​വി​ടെ പാ​ർ​ക്കിം​ഗ് ഫീ​സ് ഈ​ടാ​ക്കു​ന്ന​തെ​ന്നാ​ണ് പ​രാ​തി. 24 മ​ണി​ക്കൂ​ർ കാ​ർ നി​ർ​ത്തി​യി​ടു​ന്ന​തി​ന് 100 രൂ​പ​യാ​ണ് ചാ​ർ​ജ്. 24 മ​ണി​ക്കൂ​റി​ന് ശേ​ഷം അ​ഞ്ചു​മി​നി​റ്റ് വൈ​കി​യാ​ൽ 100 രൂ​പ കൂ​ടി ന​ൽ​ക​ണ​മെ​ന്നാ​ണ് വ്യ​വ​സ്ഥ.

ഇ​ത് ക​രാ​റു​കാ​രു​ടെ തൊ​ഴി​ലാ​ളി​ക​ളു​മാ​യി യാ​ത്ര​ക്കാ​ർ നി​ര​ന്ത​രം ത​ർ​ക്ക​ത്തി​നി​ട​യാ​ക്കു​ക​യാ​ണ്. ഒ​രു​മ​ണി​ക്കൂ​റി​ന് 20 രൂ​പ​യാ​ണ് കാ​റു​ക​ൾ നി​ർ​ത്തു​ന്ന​തി​ന് ന​ൽ​കേ​ണ്ട​ത്. 24 മ​ണി​ക്കൂ​ർ ക​ഴി​ഞ്ഞെ​ത്തു​ന്ന യാ​ത്ര​ക്കാ​രി​ൽ​നി​ന്ന് വീ​ണ്ടും ഒ​രു​ദി​വ​സ​ത്തെ ചാ​ർ​ജ് ഈ​ടാ​ക്കു​ക​യാ​ണ്. ഇ​താ​ണ് ത​ർ​ക്ക​ത്തി​നി​ട​യാ​ക്കു​ന്ന​ത്. 100 രൂ​പ​യ്‌​ക്ക് പു​റ​മേ അ​ധി​ക​സ​മ​യ​ത്തി​ന് 20 രൂ​പ​കൂ​ടി ന​ൽ​കാ​ൻ യാ​ത്ര​ക്കാ​ർ ത​യ്യാ​റാ​ണെ​ങ്കി​ലും ഇ​തി​നും പാ​ർ​ക്കി​ംഗിലെ തൊ​ഴി​ലാ​ളി​ക​ൾ സ​മ്മ​തി​ക്കാ​റി​ല്ലെ​ന്നാ​ണ് പ​രാ​തി.

ക​ഴി​ഞ്ഞ​ദി​വ​സം രാ​ത്രി സ്റ്റേ​ഷ​നി​ൽ യാ​ത്ര​ക​ഴി​ഞ്ഞെ​ത്തി​യ സ്ത്രീ​ക​ളു​ൾ​പ്പെ​ടെ​യു​ള്ള കു​ടും​ബ​ത്തെ പാ​ർ​ക്കിംഗിലെ തൊ​ഴി​ലാ​ളി​ക​ൾ ത​ട​ഞ്ഞി​ട്ടു. ട്രെയിൻ വൈ​കി​യ​തി​നെ​ത്തു​ട​ർ​ന്നാ​ണ് പാ​ർ​ക്കി​ംഗി​ൽ​നി​ന്നും വ​ണ്ടി​യെ​ടു​ക്കാ​ൻ വൈ​കി​യ​തെ​ന്ന് പ​റ​ഞ്ഞെ​ങ്കി​ലും ഇ​തും ഇ​വ​ർ സ​മ്മ​തി​ച്ചി​ല്ല. 12 മി​നി​റ്റ് വൈ​കി​യ​തി​ന് അ​മി​ത​മാ​യി ഒ​രു​ദി​വ​സ​ത്തെ ചാ​ർ​ജു​കൂ​ടി വേ​ണ​മെ​ന്നാ​യി​രു​ന്നു തൊ​ഴി​ലാ​ളി​ക​ൾ ആ​വ​ശ്യ​പ്പെ​ട്ട​ത്. ഇ​ത് അം​ഗീ​ക​രി​ക്കാ​തി​രു​ന്ന​തോ​ടെ യാ​ത്ര​ക്കാ​ര​നും പാ​ർ​ക്കി​ംഗിലെ പി​രി​വു​കാ​ര​നു​മാ​യി വാ​ഗ്വാ​ദ​വും ത​ർ​ക്ക​വു​മാ​യി. പി​ന്നീ​ട് കു​ടും​ബ​മു​ള്ള​തി​നാ​ൽ അ​മി​തചാ​ർ​ജ് ന​ൽ​കി വാ​ഹ​ന​മെ​ടു​ക്കേ​ണ്ട അ​വ​സ്ഥ​യാ​യെ​ന്ന് യാ​ത്ര​ക്കാ​ര​ൻ പ​റ​ഞ്ഞു.


ഇ​ത്ത​ര​ത്തി​ൽ നി​ര​ന്ത​രം സം​ഭ​വി​ക്കു​ന്നു​ണ്ടെ​ന്ന് പാ​ർ​ക്കി​ംഗിലെ തൊ​ഴി​ലാ​ളി​ക​ളും പ​റ​യു​ന്നു. റെ​യി​ൽ​വേ​യു​ടെ ഭാ​ഗ​ത്ത് നി​ന്ന് കൃ​ത്യ​മാ​യ ഇ​ട​പെ​ട​ലു​ക​ൾ ഉ​ണ്ടാ​കാതി​രി​ക്കു​ന്ന​താ​ണ് പ്ര​ശ്ന​ങ്ങ​ൾ​ക്ക് കാ​ര​ണ​മെ​ന്ന് യാ​ത്ര​ക്കാ​ർ പ​റ​യു​ന്നു. എ​ന്നാ​ൽ പ​രാ​തി​ക​ൾ കി​ട്ടു​ന്നപ​ക്ഷം ന​ട​പ​ടി സ്വീ​ക​രി​ക്കു​മെ​ന്നാ​ണ് റെ​യി​ൽ​വേ​യു​ടെ നി​ല​പാ​ട്.