റോ​ഡു​ക​ൾ ത​ക​ർ​ന്നുകി​ട​ക്കു​ക​യാ​ണ്, ഏ​തുസ​മ​യ​വും യാ​ത്ര മു​ട​ങ്ങാം...
Saturday, September 14, 2024 1:43 AM IST
വ​ട​ക്ക​ഞ്ചേ​രി: ഇ​ത്ത​വ​ണ ഓ​ണം അ​വ​ധി​ക്ക് കു​ടും​ബ​സ​മേ​തം വാ​ഹ​ന​ങ്ങ​ളി​ൽ യാ​ത്ര ചെ​യ്യു​ന്ന​വ​ർ കൂ​ടെ ഒ​രു മെ​ക്കാ​നി​ക്കി​നെ​യും ഒ​ന്നോ ര​ണ്ടോ സ്റ്റെ​പ്പി​നി ട​യ​റുകളുംകൂ​ടി ക​രു​തു​ന്ന​തു ന​ന്നാ​കും. വാ​ഹ​ന​വു​മാ​യി പു​റ​ത്തി​റ​ങ്ങാ​നാ​കാ​ത്തവി​ധം റോ​ഡു​ക​ളെ​ല്ലാം ത​ക​ർ​ന്നുകി​ട​ക്കു​ക​യാ​ണ്. അ​ത്യാ​വ​ശ്യ​ത്തി​നു പു​റ​ത്തുപോ​യി തി​രി​ച്ചുവ​ന്നാ​ൽ വാ​ഹ​ന​ത്തി​ന്‍റെ മെ​യി​ന്‍റ​ന​ൻ​സ് വ​ർ​ക്കി​നുത​ന്നെ വ​ലി​യൊ​രു തു​ക ക​ണ്ടെ​ത്തേ​ണ്ട ദു​ര​വ​സ്ഥ​യാ​ണി​പ്പോ​ൾ.

എ​ന്നാ​ൽ ടാ​റിം​ഗി​ന്‍റെ ക​റു​പ്പു​നി​റംപോ​ലും ഇ​ല്ലാ​ത്ത റോ​ഡു​ക​ളി​ൽ പോ​ലീ​സി​ന്‍റെയും മ​റ്റും പ​രി​ശോ​ധ​ന​യ്ക്ക് കു​റ​വി​ല്ല. ഓ​ണ​ത്തി​ന്‍റെ ടാ​ർ​ജ​റ്റ് തി​ക​യ്ക്കാ​നു​ള്ള തി​ര​ക്കി​ലാ​ണ് പ​രി​ശോ​ധ​നാവ​കു​പ്പു​കാ​രെ​ല്ലാം. പ​ഞ്ചാ​യ​ത്ത് റോ​ഡ് മു​ത​ൽ സം​സ്ഥാ​ന​പാ​ത​യും ദേ​ശീ​യ​പാ​ത​യു​മെ​ല്ലാം വാ​ഹ​നം ഓ​ടി​ക്കാ​നാ​നാ​കാ​ത്ത സ്ഥി​തി​യി​ലാ​യി. റോ​ഡി​ൽ പ​ല​യി​ട​ത്തും കി​ട​ങ്ങു​ക​ൾപോ​ലെ​യാ​ണ് കു​ഴി​ക​ൾ. ത​ക​ർ​ന്നു​കി​ട​ക്കു​ന്ന ഇ​ത്ത​രം റോ​ഡു​ക​ളി​ലൂ​ടെ അ​ത്യാ​സ​ന്നനി​ല​യി​ലു​ള്ള രോ​ഗി​ക​ളു​മാ​യി ആം​ബു​ല​ൻ​സു​ക​ൾ പാ​യു​ന്ന​തും അ​പ​ക​ട​ഭീ​ഷ​ണി​യി​ലാ​ണ്. ല​ക്ഷ്യ​സ്ഥാ​ന​ത്തു രോ​ഗി ജീ​വ​നോ​ടെ എ​ത്തി​യാ​ൽ ഭാ​ഗ്യം.

റോ​ഡി​ലെ കു​ഴി​ക​ളി​ലെ​ല്ലാം ഇ​റ​ങ്ങി​ക്കയ​റി പോ​കേ​ണ്ടിവ​രു​ന്ന​തി​നാ​ൽ എ​വി​ടെയും വാ​ഹ​ന​ക്കുരു​ക്കും രൂ​ക്ഷ​മാ​ണ്. ച​ര​ക്കുലോ​റി​ക​ൾ ഉ​ൾ​പ്പെ​ടെ നൂ​റു​ക​ണ​ക്കി​നു വാ​ഹ​ന​ങ്ങ​ൾ ച​ങ്ങ​ലക്കണ്ണി​പോ​ലെ പോ​കു​ന്ന മം​ഗ​ലം - ഗോ​വി​ന്ദാ​പു​രം സം​സ്ഥാ​ന​പാ​ത മു​മ്പൊ​ന്നും ഇ​ല്ലാ​ത്തവി​ധ​മാ​ണ് ത​ക​ർ​ന്നി​ട്ടു​ള്ള​ത്. കു​ഴി​ക​ളി​ൽ ചാ​ടാ​തെ ഈ ​റോ​ഡി​ലൂ​ടെ പോ​കാ​നാ​കി​ല്ല. പാ​ത തു​ട​ങ്ങു​ന്ന മം​ഗ​ലം​പാ​ലം ജം​ഗ്ഷ​നി​ൽ വ​ലി​യ കു​ള​ങ്ങ​ളാ​ണി​പ്പോ​ൾ.


വ​ള്ളി​യോ​ട് തേ​വ​ർ​കാ​ട് ക​ൺ​വ​ൻ​ഷ​ൻ സെ​ന്‍റ​റി​നു സ​മീ​പം റോ​ഡ് പോ​ലും ഇ​ല്ലാ​താ​യി. അ​ത്ര​മേ​ൽ ത​ക​ർ​ന്നി​രി​ക്കു​ക​യാ​ണ് സം​സ്ഥാ​ന​പാ​ത. ഇ​ട​യ്ക്കി​ടെ മ​ണ്ണും മെ​റ്റ​ലും നി​റ​ച്ച് കു​ഴി​യ​ട​യ്ക്കും. ര​ണ്ടു മ​ഴ​പെ​യ്താ​ൽ പ​ഴ​യ സ്ഥി​തി​യി​ലാ​കും. മ​ല​യോ​ര​മേ​ഖ​ല​യി​ലേ​ക്കു​ള്ള മു​ട​പ്പ​ല്ലൂ​ർ - മം​ഗ​ലം​ഡാം റോ​ഡി​ന്‍റെ സ്ഥി​തി​യും മ​റി​ച്ച​ല്ല.

വ​ട​ക്ക​ഞ്ചേ​രി - മ​ണ്ണു​ത്തി ആ​റു​വ​രി ദേ​ശീ​യ​പാ​ത​യി​ലും മ​ര​ണ​ക്കിണ​റു​ക​ളാ​ണ്. സൂ​ക്ഷി​ച്ചു​പോ​യി​ല്ലെ​ങ്കി​ൽ വ​ലി​യ അ​പ​ക​ടം സം​ഭ​വി​ക്കും. ക​ഴി​ഞ്ഞ വേ​ന​ലി​ൽ റോ​ഡുപ​ണി​ക​ൾ ന​ട​ക്കാ​ത്ത​തി​നാ​ൽ പ​ഞ്ചാ​യ​ത്ത് റോ​ഡു​ക​ളും ഗ​താ​ഗ​ത​യോ​ഗ്യ​മ​ല്ലാ​താ​യി. കേ​ടു വ​രാ​തി​രു​ന്ന റോ​ഡു​ക​ൾ അ​ടു​ത്തൊ​ന്നും ന​ട​പ്പി​ലാ​കാ​ത്ത മം​ഗ​ലം​ഡാം കു​ടി​വെ​ള്ള പ​ദ്ധ​തി​യു​ടെ പൈ​പ്പി​ടാ​നാ​യി വെ​ട്ടിപ്പൊ​ളി​ച്ച് ചാ​ലു​ക​ളാ​ക്കി ന​ശി​പ്പി​ക്കുകയും ചെയ്തു.