കോയമ്പത്തൂർ: വയോധികയുടെ മൂന്നു പവൻ സ്വർണമാല മോഷ്ടിച്ചു. കോയമ്പത്തൂർ ഗണപതി സ്വദേശി മാരിയപ്പന്റെ ഭാര്യ പത്മാവതി (70)യുടെ മാലയാണ് മോഷ്ടിക്കപ്പെട്ടത്. കഴിഞ്ഞദിവസം രാത്രി വീടിനു സമീപത്തുവച്ചാണ് സംഭവം. ബൈക്കിൽ വന്ന ആൾ വയോധികയുടെ കഴുത്തിൽ നിന്നും മാല പൊട്ടിച്ച് രക്ഷപ്പെടുകയായിരുന്നു. പത്മാവതി ശരവണംപട്ടി പോലീസിൽ പരാതി നൽകി. പ്രദേശത്തെ സിസി ടിവി ദൃശ്യങ്ങൾ പരിശോധിച്ച് അന്വേഷണം ഊർജിതമാക്കി.