അഗളി: അട്ടപ്പാടി പുതൂർ ചെമ്പവട്ടക്കാട് ഊരിലെ തുളസിക്ക് പുലി പിടിച്ച് നഷ്ടമായ ആടുകൾക്ക് പകരം ആടുകളെയും കൂടും കൈമാറി. ഉമ്മൻ ചാണ്ടി സ്നേഹസ്പർശം പരിപാടിയുടെ ഭാഗമായി ഗ്ലോബൽ ഇന്ത്യൻ കൗൺസിൽ സെന്റർ ഓഫ് എക്സലൻസ് ഫോർ മാർജിനലൈസ്ഡ് കമ്യൂണിറ്റി എന്ന സംഘടനയാണ് സഹായിച്ചത്. സംഘടനയുടെ ഭാരവാഹിയും ഉമ്മൻചാണ്ടിയുടെ മകളുമായ മറിയ ഉമ്മൻ തുളസിയുടെ വീട്ടിലെത്തി ആടുകളെയും കൂടും കൈമാറി. കെപിസിസി മെംബർ പി.സി. ബേബി, എം.ആർ. സത്യൻ, പി.എൽ. ജോർജ്, ആർ. രങ്കസ്വാമി എന്നിവർ കൂടെയുണ്ടായിരുന്നു. 3 മാസം മുന്പാണ് തുളസിയുടെ ആടുകളെ പുലിപിടിച്ചത്.