കു​ള​പ്പു​ള്ളി-പ​ട്ടാ​മ്പി പ്രധാനപാ​ത​യി​ൽ ന​വീ​ക​ര​ണജോലിക​ൾ പു​ന​രാ​രം​ഭി​ച്ചു
Tuesday, September 3, 2024 12:37 AM IST
ഷൊർ​ണൂ​ർ: കു​ള​പ്പു​ള്ളി - പ​ട്ടാ​മ്പി റോ​ഡ് നി​ർ​മാ​ണം പു​ന​രാ​രം​ഭി​ച്ചു. പ്ര​ധാ​നപാ​ത​യി​ൽ ഏ​റ്റ​വു​മ​ധി​കം റോ​ഡ് ത​ക​ർ​ന്നുകി​ട​ക്കു​ന്ന ഓ​ങ്ങ​ല്ലൂ​ർമു​ത​ൽ പ​ട്ടാ​മ്പി​വ​രെ​യു​ള്ള ന​വീ​ക​ര​ണ​മാ​ണ് തു​ട​ങ്ങി​യ​ത്. നി​ല​വി​ൽ ഓ​ങ്ങ​ല്ലൂ​ർ സെന്‍ററി​ൽ​നി​ന്നും പ​ഴ​യ​റോ​ഡ് പൊ​ളി​ച്ച് നി​ര​പ്പാ​ക്ക​ലാ​ണ് പു​രോ​ഗ​മി​ക്കു​ന്ന​ത്. ഓ​ങ്ങ​ല്ലൂ​ർ​മു​ത​ൽ പ​ട്ടാ​മ്പി​വ​രെ​യു​ള്ള പ്ര​വൃ​ത്തി​യാ​ണ് ഇ​നി ന​ട​ത്താ​നു​ള്ള​ത്.

മ​ഞ്ഞ​ളു​ങ്ങ​ലി​ൽ ഓ​വു​ചാ​ൽ നി​ർ​മാ​ണ​വും ഇ​തി​ന്‍റെ ഭാ​ഗ​മാ​യി ന​ട​ത്തും. പ​ട്ടാ​മ്പി നി​ള ആ​ശു​പ​ത്രി​മു​ത​ൽ കു​ള​പ്പുള്ളി ഐപിടി വ​രെ​യാ​ണ് ആ​ധു​നി​ക രീ​തി​യി​ൽ ന​വീ​ക​രി​ക്കു​ന്ന​ത്.

നി​ല​വി​ൽ ആ​ദ്യ​ഘ​ട്ട ടാ​റി​ംഗിന്‍റെ ഭാ​ഗ​മാ​യി വാ​ടാ​നാം​കു​റു​ശിമു​ത​ൽപോ​ക്കു​പ്പ​ടി​വ​രെ​യും ചു​വ​ന്ന​ഗേ​റ്റ് ഭാ​ഗ​വും ന​ട​ന്നി​ട്ടു​ണ്ട്. കി​ഫ്ബി ഫ​ണ്ടി​ൽ​നി​ന്ന് 85 കോ​ടി​രൂ​പ ചെ​ല​വ​ഴി​ച്ചാ​ണ് ന​വീ​ക​ര​ണം. കേ​ര​ള റോ​ഡ്ഫ​ണ്ട് ബോ​ർ​ഡി​നാ​ണ് (കെആ​ർഎ​ഫ്ബി) നി​ർ​മാ​ണ​ച്ചു​മ​ത​ല. ര​ണ്ടു​വ​ർ​ഷ​മാ​ണ് റോ​ഡ് ന​വീ​ക​ര​ണ​കാ​ലാ​വ​ധി. പ​ട്ടാ​മ്പി ടൗ​ണി​ല​ട​ക്കം റോ​ഡ് വീ​തി​കൂ​ട്ടി​യാ​ണ് ന​വീ​ക​രി​ക്കു​ക. സ്ഥ​ല​ല​ഭ്യ​ത​യു​ള്ളി​ട​ത്ത് 15 മീ​റ്റ​ർ വീ​തി​യി​ലും, മ​റ്റു​സ്ഥ​ല​ങ്ങ​ളി​ൽ പ​ത്ത് മീ​റ്റ​ർ വീ​തി​യി​ലു​മാ​വും റോ​ഡ് ന​വീ​ക​രി​ക്കു​ക. ആ​വ​ശ്യ​മാ​യ സ്ഥ​ല​ങ്ങ​ളി​ൽ അ​ഴു​ക്കു​ചാ​ലും നി​ർ​മി​ക്കും. 11.400 കി​ലോ​മീ​റ്റ​ർ പാ​ത​യാ​ണ് ന​വീ​ക​രി​ക്കു​ക. ന​വീ​ക​ര​ണ​ഭാ​ഗ​മാ​യി പ​ട്ടാ​മ്പി-​കു​ള​പ്പു​ള്ളി റോ​ഡി​ൽ ഗ​താ​ഗ​ത​ത​ട​സവും രൂ​ക്ഷ​മാ​ണ്.


പ​ട്ടാ​മ്പി​പാ​ല​ത്തി​ൽ ഗ​താ​ഗ​ത​നി​യ​ന്ത്ര​ണ​വും ഏ​ർ​പ്പെ​ടു​ത്തി​യ​തോ​ടെ ബ​സു​ക​ൾ പ​ല​തും വ​ഴി​തി​രി​ഞ്ഞാ​ണ് പോ​കു​ന്ന​ത്. രാ​വി​ലെ​യും വൈ​കുന്നേരവും പ​ട്ടാ​മ്പി പ​ട്ട​ണ​ത്തി​ലെ കു​രു​ക്ക് ബ​സ് യാ​ത്ര​ക്കാ​ർ​ക്ക് ത​ല​വേ​ദ​ന​യാ​യി മാ​റു​ന്ന സ്ഥി​തി​യാ​ണ്.

ന​വീ​ക​ര​ണ​ഭാ​ഗ​മാ​യി പ​ട്ടാ​മ്പി പ​ട്ട​ണ​ത്തി​ലെ കൈ​യേ​റ്റ​ങ്ങ​ൾ ഒ​ഴി​പ്പിച്ചാ​ൽ മാ​ത്ര​മേ ഗ​താ​ഗ​തം സു​ഗ​മ​മാ​കുക​യു​ള്ളൂ. ഇ​തി​നാ​യി സ​ർ​വേ ​ന​ട​പ​ടി​ക​ൾ പു​രോ​ഗ​മി​ക്കു​ന്നു​ണ്ട്. മ​ഴ കു​റ​ഞ്ഞ​തോ​ടെ സ​മ​യ​ബ​ന്ധി​ത​മാ​യി റോ​ഡ് നി​ർ​മാ​ണം പൂ​ർ​ത്തീ​ക​രി​ക്കാ​നാ​ണ് ഉ​ദ്ദേ​ശി​ക്കു​ന്ന​ത്.