മലമ്പുഴ: ജാർഖണ്ഡിൽ നടന്ന ഓൾഇന്ത്യ നവോദയ അത്ലറ്റിക് വിദ്യാലയ മീറ്റിൽ ഓവറോൾ ചാന്പ്യൻഷിപ്പ് നേടിയ കായികതാരങ്ങൾക്കും പരിശീലകനും ഉജ്വല സ്വീകരണമൊരുക്കി സ്കൂളധികൃതർ.
ഇന്നലെരാവിലെ ധൻബാദ്- ആലപ്പി എക്സ്പ്രസിൽ പാലക്കാട് റെയിൽവേ സ്റ്റേഷനിലെത്തിയ കായികതാരങ്ങൾക്കും കായികാധ്യാപകൻ സന്തോഷ്കുമാറിനും പ്രിൻസിപ്പൽ സി.വി. പ്രമീളയുടെ നേതൃത്വത്തിൽ പിടിഎയും രക്ഷിതാക്കളുമാണു സ്വീകരണം നൽകിയത്. അധ്യാപകരായ എ. ജോസഫ്, മഞ്ചുനാഥ്, രവി, രഞ്ജിത, രക്ഷിതാക്കളായ എം.ജയരാമൻ, വിനോദ് കുമാർ, പി. പ്രിൻസി, എ.എ.ജി ബു, സജിത എസ് കെ നായർ, കാഞ്ചന എന്നിവർ കായികതാരങ്ങളെ സ്വീകരിച്ചു. റിലേയിൽ അഞ്ചും വ്യക്തിഗത ഇനങ്ങളിൽ പതിനൊന്നും ഗോൾഡ് മെഡൽ, അഞ്ച് സിൽവർ, രണ്ടു വെങ്കലം എന്നിവ കരസ്ഥമാക്കിയാണു സ്കൂൾ ഓവർഓൾ ചാമ്പ്യൻമാരായത്. പതിമൂന്നു വിദ്യാർഥികളാണ് ദേശീയ കായികമേളയിൽ പങ്കെടുത്തത്.