ചി​പ്സ് ക​ട​ക​ളി​ൽ രു​ചി​യു​ടെ ആ​വേ​ശം
Friday, September 13, 2024 1:30 AM IST
സി.​ജി. ജി​ജാ​സ​ൽ

തൃ​ശൂ​ർ: തി​ള​ച്ചു​മ​റി​യു​ന്ന വെ​ളി​ച്ചെ​ണ്ണ​യി​ൽ വ​റു​ത്തു​കോ​രു​ന്ന ന​ല്ല നാ​ട​ൻ കാ​യ​വ​റ​വി​ന്‍റെ മ​ണം രു​ചി​പ്രേ​മി​ക​ളു​ടെ നാ​വി​ൽ ക​പ്പ​ലോ​ടി​ക്കു​ന്ന ഓ​ണ​ക്കാ​ല​ത്ത് ചി​പ്സ് ക​ട​ക​ൾ ഏ​റെ ആ​വേ​ശ​ത്തി​ലാ​ണ്.

തൂ​ശ​നി​ല മു​റി​ച്ചു​വ​ച്ച് തു​ന്പ​പ്പൂ ചോ​റു​വി​ള​ന്പി ആ​ശി​ച്ച ക​റി​ക​ളെ​ല്ലാം നി​ര​ത്തി​വ​ച്ചാ​ലും ഇ​ല​യ്ക്ക​രി​കി​ൽ കാ​യ​വ​റ​വും ശ​ർ​ക്ക​ര ഉ​പ്പേ​രി​യും ഇ​ല്ലാ​തെ എ​ന്ത് ഓ​ണ​സ​ദ്യ​യെ​ന്ന് പ​റ​യു​ന്ന മ​ല​യാ​ളി​ക​ൾ​ക്കു മു​ൻ​പി​ലാ​ണ് രു​ചി​ക്കൂ​ട്ടു​ക​ളു​ടെ ക​ല​വ​റ​തു​റ​ന്നു ചി​പ്സ് ക​ട​ക​ൾ സ​ജീ​വ​മാ​കു​ന്ന​ത്. സ​ദ്യ​വ​ട്ട​ത്തി​ൽ സ്വ​ർ​ണ​വ​ർ​ണ​ത്തി​ലു​ള്ള കാ​യ​വ​റ​വും മ​ധു​രം​പ​ക​രു​ന്ന ശ​ർ​ക്ക​ര​വ​ര​ട്ടി​യും കാ​ഴ്ച​യി​ലും രു​ചി​യി​ലും മു​ൻ​പ​ന്തി​യി​ലാ​ണ്. മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച് ഇ​വ​യു​ടെ വി​ല കാ​ര്യ​മാ​യി ഉ​യ​രാ​ത്ത​തും രു​ചി​പ്രേ​മി​ക​ൾ​ക്ക് സ​ന്തോ​ഷ വാ​ർ​ത്ത​യാ​ണ്.


കാ​യ​വ​റ​വും പ​ഴം​വ​റ​വും ശ​ർ​ക്ക​ര ഉ​പ്പേ​രി​യും അ​ട​ക്ക​മു​ള്ള ചി​പ്സി​നു ഇ​ത്ത​വ​ണ 400 രൂ​പ​യാ​ണ് വി​പ​ണി​വി​ല. നാ​ലു​വ​റ​വി​നും കാ​ര്യ​മാ​യ വി​ല​ക​യ​റി​യി​ട്ടി​ല്ല. 420 രൂ​പ​യ്ണ് ഇ​ത്ത​വ​ണ വി​ല. നാ​ട​ൻ കാ​യ​യു​ടെ വ​ര​വ് വ​ർ​ധി​ക്കു​ക​യും കാ​യ​വി​ല കു​റ​യു​ക​യും ചെ​യ്ത സാ​ഹ​ച​ര്യ​ത്തി​ലാ​ണ് ചി​പ്സി​ന്‍റെ വി​ല​യും പോ​ക്ക​റ്റി​നു ഭാ​ര​മാ​കാ​തെ നി​ന്ന​ത്. ശു​ദ്ധ​മാ​യ വെ​ളി​ച്ചെ​ണ്ണ​യി​ൽ വ​റു​ത്തെ​ടു​ക്കു​ന്ന നാ​ട​ൻ കാ​യ​വ​റ​വി​നാ​ണ് ഇ​ത്ത​വ​ണ​യും ഡി​മാ​ന്‍​ഡ്. നാ​ട​ൻ​കാ​യ​യ്ക്ക് വി​ല കൂ​ടു​ത​ലാ​ണെ​ങ്കി​ലും അ​വ​യ്ക്ക് സ്വാ​ദു കൂ​ടു​ത​ലാ​ണെ​ന്നും ക​ച്ച​വ​ട​ക്കാ​ർ അ​ഭി​പ്രാ​യ​പ്പെ​ടു​ന്നു.

ചി​പ്സ് ക​ട​ക​ൾ​ക്കു​പു​റ​മെ കു​ടും​ബ​ശ്രീ​ക​ൾ, വി​വി​ധ സം​ഘ​ട​ന​ക​ൾ, സം​രം​ഭ​ക​ർ തു​ട​ങ്ങി​യ​വ​രും ഇ​ത്ത​രം വ​റ​വു​ക​ളു​മാ​യി വി​പ​ണി​യി​ൽ ക​ട​ന്നു​വ​ന്നി​ട്ടു​ണ്ട്.