അ​മ്പ​ല​പ്പു​ഴ​യു​ടെ വി​വി​ധ തീ​ര​ങ്ങ​ളി​ല്‍ ക​ട​ല്‍ ക​യ​റ്റം
Sunday, June 23, 2024 10:54 PM IST
അ​മ്പ​ല​പ്പു​ഴ: അ​മ്പ​ല​പ്പു​ഴ​യു​ടെ വി​വി​ധ തീ​ര​ങ്ങ​ളി​ല്‍ ക​ട​ല്‍ ക​യ​റ്റം ശ​ക്ത​മാ​യി. ഇ​ന്ന​ലെ രാ​വി​ലെ മു​ത​ലാ​ണ് ശാ​ന്ത​മാ​യ തീ​രം പ്ര​ഷ്ബു​ദ്ധ​മാ​യ​ത്. കേ​ന്ദ്ര കാ​ലാ​വ​സ്ഥ ഗ​വേ​ഷ​ണ കേ​ന്ദ്ര​ത്തി​ന്‍റെ മു​ന്ന​റി​യി​പ്പി​നെത്തു​ട​ര്‍​ന്നു മ​ത്സ്യ​ബ​ന്ധ​ന​ത്തി​നു പോ​യ ചി​ല​ വ​ള്ള​ങ്ങ​ള്‍ തോ​ട്ട​പ്പ​ള്ളി ഹാ​ര്‍​ബ​റി​ല്‍ അ​ടു​പ്പി​ച്ചു. പു​റ​ക്കാ​ട്, ക​രൂ​ര്‍, ആ​ന​ന്ദേ​ശ്വ​രം, കാ​ക്കാ​ഴം, വ​ള​ഞ്ഞ​വ​ഴി, വ​ണ്ടാ​നം മാ​ധ​വ​ന്‍ മു​ക്ക്, പൂ​മീ​ന്‍ പൊ​ഴി, പു​ന്നപ്ര​ച​ള്ളി, വി​യാ​നി, സ​മ​ര​ഭൂ​മി​ന​ര്‍ ബോ​ണ, പ​റ​വൂ​ര്‍ ഗ​ലീ​ലി​യ, വാ​ട​ക്ക​ല്‍ അ​റ​പ്പപൊ​ഴി മ​ത്സ്യ​ഗ​ന്ധി, വ​ട്ട​യാ​ല്‍ വാ​ട​പ്പൊ​ഴി തു​ട​ങ്ങി​യ തീ​ര​ങ്ങ​ളി​ലെ​ല്ലാം ക​ട​ല്‍​ ശ​ക്ത​മാ​ണ്.

ഇ​ന്ന​ലെ വൈ​കി​ട്ടോ​ടെ പ​ടി​ഞ്ഞാ​റ് പു​റം​ക​ട​ലി​ല്‍ രൂ​പ​പ്പെ​ട്ട കൂ​റ്റ​ന്‍ തി​ര​മാ​ല​ക​ള്‍ ശ​ക്തി​യാ​ര്‍​ജി​ച്ച് ക​ര​യി​ലേ​ക്ക് ആ​ഞ്ഞ​ടി​ക്കു​ക​യാ​ണ്. പു​ന്ന​പ്ര ച​ള്ളി ഫി​ഷ് ലാ​ന്‍​ഡ് സെ​ന്‍റ​ര്‍ ഭാ​ഗ​ത്ത് മീ​റ്റ​റു​ക​ളോ​ളം ക​ട​ല്‍ തീ​രം ക​വ​ര്‍​ന്ന് ഇ​ര​ച്ചു​ക​യ​റു​ന്ന​തു ഇ​വി​ടെ ക​യ​റ്റിവ​ച്ചി​രി​ക്കു​ന്ന വ​ള്ള​ങ്ങ​ള്‍​ക്കും പൊ​ന്തു​ക​ള്‍​ക്കും ഭീ​ഷ​ണി​യാ​യി. ക​ട​ല്‍​ക​യ​റ്റ​ത്തെ തു​ട​ര്‍​ന്ന് ച​ള്ളി തീ​ര​ത്തു നി​ലം പൊ​ത്താ​റാ​യ ഹൈ​മാ​സ്റ്റ് ലൈ​റ്റ് ക​ഴി​ഞ്ഞ ദി​വ​സം അ​ധി​കൃ​ത​ര്‍ ഇ​ള​ക്കി ഇ​വി​ടെനി​ന്നു മാ​റ്റി​യ​തി​നാ​ല്‍ ല​ക്ഷ​ങ്ങ​ളു​ടെ നാ​ശം ഒ​ഴി​വാ​യി. ഇ​നി ക​ട​ലെ​ടു​ത്ത തൂ​ണു​ക​ള്‍ മാ​ത്ര​മാ​ണ് അ​വ​ശേ​ഷി​ക്കു​ന്ന​ത്.

പു​ന്ന പ്ര​വി​യാ​നി തീ​ര​ത്തു ക​ട​ല്‍​ശ​ക്ത​മാ​ണ്. ഇ​വി​ടെ ക​ട​ല്‍ ഭി​ത്തി​യി​ല്ലാ​ത്ത​തുമൂ​ലം ശ​ക്തി പ്രാ​പി​ച്ച തി​ര​മാ​ല​ക​ള്‍ തീ​ര​ദേ​ശ റോ​ഡുവ​രെ ഇ​ര​ച്ചു​ക​യ​റി. വി​യാ​നി തീ​ര​ത്ത് ക​ട​ല്‍ ഭി​ത്തി​കെ​ട്ട​ണ​മെ​ന്നു​ള്ള നാ​ട്ടു​കാ​രു​ടെ ആ​വ​ശ്യ​ത്തി​ന് ഇ​തു വ​രെ പ​രി​ഹാ​രം കാ​ണാ​ന്‍ അ​ധി​കൃ​ത​ര്‍​ക്ക് ക​ഴി​ഞ്ഞി​ട്ടി​ല്ല.

Copyright @ 2022 , Rashtra Deepika Ltd.