കൊല്ലം: ഓയൂരിൽ ആറു വയസുകാരിയെ തട്ടിക്കൊണ്ടുപോയ കേസുമായി ബന്ധപ്പെട്ട് പിതാവിന്റെ രഹസ്യമൊഴി 23 ന് രേഖപ്പെടുത്തും. കൊട്ടാരക്കര ഒന്നാം ക്ലാസ് മജിസ്ട്രേറ്റ് കോടതി - രണ്ടിലെ മജിസ്ട്രേറ്റ് സി.ബി. രാജേഷ് മൊഴി രേഖപ്പെടുത്തും.
കേസ് അന്വേഷിച്ച ക്രൈം ബ്രാഞ്ച് സംഘത്തിന്റെ തലവൻ ഡിവൈഎസ്പി എം.എം. ജോസിന്റെ അപേക്ഷ പരിഗണിച്ചാണ് കോടതി പിതാവിന്റെ രഹസ്യ മൊഴി രേഖപ്പെടുത്തുന്നത്. മൊഴി കൊല്ലത്തെ വിചാരണ കോടതിക്ക് കൈമാറും.