വെ​ള്ള​മു​ണ്ട സ്നേ​ഹ​ദീ​പം ന്യൂ​ട്രി​മി​ക്സ് ഉ​ത്പാ​ദ​ന കേ​ന്ദ്ര​ത്തി​നു സ്വ​ന്തം കെ​ട്ടി​ട​മാ​യി
Friday, September 13, 2024 4:43 AM IST
വെ​ള്ള​മു​ണ്ട: പ​ഞ്ചാ​യ​ത്തി​ലെ എ​ട്ടേ​നാ​ല് സ്നേ​ഹ​ദീ​പം ന്യൂ​ട്രി​മി​ക്സ് ഉ​ത്പാ​ദ​ന കേ​ന്ദ്ര​ത്തി​ന് സ്വ​ന്തം കെ​ട്ടി​ട​മാ​യി. വി​വി​ധ ഘ​ട്ട​ങ്ങ​ളാ​യി ജി​ല്ലാ പ​ഞ്ചാ​യ​ത്ത് അ​നു​വ​ദി​ച്ച 40 ല​ക്ഷം രൂ​പ വി​നി​യോ​ഗി​ച്ചാ​ണ് കെ​ട്ടി​ടം പ​ണി​ത​ത്. ജി​ല്ലാ പ​ഞ്ചാ​യ​ത്ത് ക്ഷേ​മ​കാ​ര്യ സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​മാ​ൻ ജു​നൈ​ദ് കൈ​പ്പാ​ണി ഉ​ദ്ഘാ​ട​നം ചെ​യ്തു.

യ​ന്ത്ര​ങ്ങ​ളു​ടെ സ്വി​ച്ച് ഓ​ണ്‍ ക​ർ​മം പ​ഞ്ചാ​യ​ത്ത് പ്ര​സി​ഡ​ന്‍റ് സു​ധി രാ​ധാ​കൃ​ഷ്ണ​ൻ നി​ർ​വ​ഹി​ച്ചു. പ​ഞ്ചാ​യ​ത്ത് ക്ഷേ​മ​കാ​ര്യ സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​പേ​ഴ്സ​ണ്‍ ഇ.​കെ. സ​ൽ​മ​ത്ത് അ​ധ്യ​ക്ഷ​ത വ​ഹി​ച്ചു. പ​ഞ്ചാ​യ​ത്തം​ഗം റം​ല മു​ഹ​മ്മ​ദ്, സി​ഡി​എ​സ് ചെ​യ​ർ​പേ​ഴ്സ​ണ്‍ സ​ജ്ന ഷാ​ജി, എ​ൻ.​കെ. മോ​ഹ​ന​ൻ, വി​നോ​ദ് പാ​ലി​യാ​ണ, ഷൈ​നി ജോ​സ്, റോ​സ്ലി ബേ​ബി, മേ​ഴ്സി സ്റ്റീ​ഫ​ൻ എ​ന്നി​വ​ർ പ്ര​സം​ഗി​ച്ചു.


എ​ട്ടേ​നാ​ലി​ൽ 2006ൽ ​വാ​ട​ക​ക്കെ​ട്ടി​ട​ത്തി​ൽ പ്ര​വ​ർ​ത്ത​ന​മാ​രം​ഭി​ച്ച​താ​ണ് സ്നേ​ഹ​ദീ​പം ന്യൂ​ട്രി​മി​ക്സ് ഉ​ത്പാ​ദ​ന കേ​ന്ദ്രം. ബാ​ങ്ക് വാ​യ്പ​യെ​ടു​ത്തു വാ​ങ്ങി​യ 10 സെ​ന്‍റി​ലാ​ണ് കെ​ട്ടി​ടം പ​ണി​ത​ത്. സ​മീ​പ ഭാ​വി​യി​ൽ മൂ​ല്യ​വ​ർ​ധി​ത ഉ​ത്പ​ന്ന​ങ്ങ​ൾ നി​ർ​മി​ച്ച് വി​പ​ണി​യി​ൽ എ​ത്തി​ക്കാ​നാ​ണ് സ്നേ​ഹ​ദീ​പം പ്ര​വ​ർ​ത്ത​ക​രു​ടെ തീ​രു​മാ​നം.