ക​ക്കാ​ടം​പൊ​യി​ല്‍-​കി​ണ​റ​ട​പ്പ​ന്‍ റോ​ഡ് ചെ​ളി​ക്കു​ള​മാ​യി: യാ​ത്രാ​ദു​രി​തം രൂ​ക്ഷം
Wednesday, September 4, 2024 5:01 AM IST
തി​രു​വ​മ്പാ​ടി: ക​ക്കാ​ടം​പൊ​യി​ല്‍-​പീ​ടി​ക​പ്പാ​റ-​പ​ന​മ്പി​ലാ​വ് -കി​ണ​റ​ട​പ്പ​ന്‍ റോ​ഡ് ചെ​ളി​ക്കു​ള​മാ​യ​തി​നെ തു​ട​ർ​ന്ന് കാ​ൽ​ന​ട യാ​ത്ര​ക്കാ​ർ പോ​ലും ദു​രി​ത​ത്തി​ൽ. പ​ന​മ്പി​ലാ​വ് മു​ത​ല്‍ പീ​ടി​ക​പ്പാ​റ വ​രെ​യു​ള്ള റോ​ഡി​ന്‍റെ പ​ല ഭാ​ഗ​ങ്ങ​ളി​ലും ടാ​റിം​ഗ് പൊ​ട്ടി​പ്പൊ​ളി​ഞ്ഞ് വ​ന്‍ കി​ട​ങ്ങു​ക​ള്‍ രൂ​പ​പ്പെ​ട്ടി​രി​ക്കു​ക​യാ​ണ്.

റോ​ഡ് ത​ക​ര്‍​ന്നു കി​ട​ക്കാ​ന്‍ തു​ട​ങ്ങി​യി​ട്ട് മൂ​ന്നു​വ​ര്‍​ഷ​മാ​യി​ട്ടും അ​ധി​കൃ​ത​ര്‍ ഒ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല. അ​റ്റ​കു​റ്റ​പ്പ​ണി​ക​ള്‍ പോ​ലും ന​ട​ത്താ​ന്‍ കാ​ല​താ​മ​സം നേ​രി​ടു​ക​യാ​ണ്. പി​ഡ​ബ്ല്യു​ഡി മ​ഞ്ചേ​രി ഡി​വി​ഷ​ന്‍റെ കീ​ഴി​ലാ​ണ് ഈ ​റോ​ഡ്. ഏ​റ​നാ​ട് നി​യോ​ജ​ക മ​ണ്ഡ​ല​ത്തി​ലൂ​ടെ ക​ട​ന്നു​പോ​കു​ന്ന റോ​ഡ് കോ​ഴി​ക്കോ​ട്-​മ​ല​പ്പു​റം ജി​ല്ല​ക​ളെ ബ​ന്ധി​പ്പി​ക്കു​ന്ന പ്ര​ധാ​ന പാ​ത​യാ​ണ്.

മ​ല​യോ​ര മേ​ഖ​ല​ക​ളി​ല്‍ നി​ന്നും ക​രി​പ്പൂ​ര്‍ വി​മാ​ന​ത്താ​വ​ള​ത്തി​ലേ​ക്കും, മ​ഞ്ചേ​രി, അ​രീ​ക്കോ​ട്, മ​ല​പ്പു​റം ഭാ​ഗ​ങ്ങ​ളി​ലേ​ക്കും എ​ളു​പ്പം എ​ത്തി​പ്പെ​ടാ​ൻ ക​ഴി​യു​ന്ന റോ​ഡ് വ​ര്‍​ഷ​ങ്ങ​ളാ​യി അ​വ​ഗ​ണി​ക്ക​പ്പെ​ട്ടു കി​ട​ക്കു​ക​യാ​ണ്.


വെ​റ്റി​ല​പ്പാ​റ, തോ​ട്ടു​മു​ക്കം, കൂ​മ്പാ​റ, അ​രീ​ക്കോ​ട്, മ​ഞ്ചേ​രി ഭാ​ഗ​ങ്ങ​ളി​ലേ​ക്ക് നൂ​റ് ക​ണ​ക്കി​ന് വി​ദ്യാ​ര്‍​ഥി​ക​ള്‍ നി​ത്യേ​ന ആ​ശ്ര​യി​ക്കു​ന്ന റോ​ഡ് കൂ​ടി​യാ​ണി​ത്. അ​മി​ത​ഭാ​രം ക​യ​റ്റി​യ വാ​ഹ​ന​ങ്ങ​ള്‍ ഈ ​റോ​ഡി​ല്‍ കൂ​ടി യാ​ത്ര ചെ​യ്യ​രു​തെ​ന്ന് പി​ഡ​ബ്ല്യു​ഡി എ​ന്‍​ജി​നി​യ​റു​ടെ ബോ​ര്‍​ഡ് പ​ല ഭാ​ഗ​ങ്ങ​ളി​ല്‍ സ്ഥാ​പി​ച്ചി​ട്ടു​ണ്ടെ​ങ്കി​ലും ഇ​ത്ത​രം വാ​ഹ​ന​ങ്ങ​ൾ സ​ദാ​സ​മ​യ​വും റോ​ഡി​ലൂ​ടെ പോ​കു​ന്ന കാ​ഴ്ച​യാ​ണ് കാ​ണു​ന്ന​ത്.

ഇ​തും റോ​ഡി​ന് ദോ​ഷ​ക​ര​മാ​യി ബാ​ധി​ക്കു​ന്നു​ണ്ട്. എ​ത്ര​യും വേ​ഗം റോ​ഡ് പ​ണി ആ​രം​ഭി​ക്ക​ണ​മെ​ന്നും ഇ​ല്ലെ​ങ്കി​ൽ പ്ര​ക്ഷോ​ഭം സം​ഘ​ടി​പ്പി​ക്കു​മെ​ന്നും പ​ന​മ്പി​ലാ​വ് ജ​ന​കീ​യ വേ​ദി ഭാ​ര​വാ​ഹി​ക​ൾ പ​റ​ഞ്ഞു.