ഓ​ണ​ത്തി​ന് സ്പെ​ഷ​ല്‍ ട്രെ​യി​നു​ക​ളി​ല്ല; യാ​ത്ര ദു​രി​ത​മാ​വും
Wednesday, September 4, 2024 4:45 AM IST
കോ​ഴി​ക്കോ​ട്: ഓ​ണ​ത്തി​ന് സം​സ്ഥാ​ന​ത്തു​നി​ന്ന് പ്ര​ധാ​ന ന​ഗ​ര​ങ്ങ​ളെ ബ​ന്ധി​പ്പി​ച്ചു​കൊ​ണ്ട് പ്ര​ത്യേ​ക ‌ട്രെ​യി​നു​ക​ൾ ഓ​ടി​ക്കാ​ന്‍ ദ​ക്ഷി​ണ റെ​യി​ല്‍​വേ ത​യാ​റാ​വാ​തി​രു​ന്ന​തോ​ടെ ഇ​ത്ത​വ​ണ യാ​ത്ര ദു​ഷ്‌​ക​ര​മാ​വും. സാ​ധാ​ര​ണ​നി​ല​യി​ല്‍ ഓ​ണ​ത്തി​നു സ്പെ​ഷ​ല്‍ ട്രെ​യി​നു​ക​ള്‍ അ​നു​വ​ദി​ക്കു​ന്ന​താ​ണ്. അ​തി​ന് പു​റ​മേ കൂ​ടു​ത​ല്‍ കോ​ച്ചു​ക​ളും അ​നു​വ​ദി​ക്കാ​റു​ണ്ട്.

ഇ​ത്ത​വ​ണ ഇ​തു ര​ണ്ടും റെ​യി​ല്‍​വേ നി​ഷ്‌​ക​രു​ണം ഒ​ഴി​വാ​ക്കി. യാ​ത്ര​ക്കാ​രെ ക​ടു​ത്ത വി​ഷ​മ​ത്തി​ലേ​ക്ക് ത​ള്ളി​വി​ടു​ന്ന​താ​ണ് ന​ട​പ​ടി. ഡ​ല്‍​ഹി, കോ​ല്‍​ക്ക​ത്ത, ചെ​ന്നൈ, ബം​ഗ​ളു​രു, മും​ബൈ എ​ന്നീ ന​ഗ​ര​ങ്ങ​ളി​ല്‍​നി​ന്ന് കേ​ര​ള​ത്തി​ലേ​ക്കും തി​രി​ച്ചും ഉ​ള്ള ട്രെ​യി​നു​ക​ല്‍ ടി​ക്ക​റ്റ് കി​ട്ടാ​നി​ല്ല. ബു​ക്കിം​ഗ് നേ​ര​ത്തെ തീ​ര്‍​ന്നു. ബു​ക്കിം​ഗ് തു​ട​ങ്ങി ദി​വ​സ​ങ്ങ​ള്‍​ക്കു​ള്ളി​ല്‍ ത​ന്നെ എ.​സി, ത്രീ ​ട​യ​ര്‍ എ​സി, ഫ​സ്റ്റ്ക്ലാ​സ് ടി​ക്ക​റ്റു​ക​ള്‍ നേ​ര​ത്തെ ത​ന്നെ തീ​ര്‍​ന്നു.

സെ​പ്റ്റം​ബ​ര്‍ 4,11,18,25 തി​യ​തി​ക​ളി​ല്‍ ഓ​ടാ​നി​രു​ന്ന ചെ​ന്നൈ-​കൊ​ച്ചു​വേ​ളി സ്പെ​ഷ​ല്‍ ട്രെ​യി​ന്‍ അ​വ​സാ​ന​ഘ​ട്ട​ത്തി​ല്‍ റ​ദ്ദാ​ക്കി. കൊ​ച്ചു​വേ​ളി​യി​ല്‍​നി​ന്ന് ചെ​ന്നൈ​ക്കു​ള്ള വ​ണ്ടി​യും റ​ദ്ദാ​ക്കി. സെ​പ്റ്റം​ബ​ര്‍ 5,12,19,26 തി​യ​തി​ക​ല്‍ നി​ശ്ച​യി​ച്ച ഷെ​ഡ്യൂ​ള്‍ ആ​ണ് ഒ​ഴി​വാ​ക്കി​യ​ത്. ഇ​തോ​ടെ ചെ​ന്നൈ​യി​ലേ​ക്കും തി​രി​ച്ചും ഓ​ണ​ത്തി​നു​ള്ള യാ​ത്ര കൂ​ടു​ത​ല്‍ പ്ര​യാ​സ​മാ​കും.

യാ​ത്ര വേ​ഗ​ത്തി​ലാ​ക്കു​ന്ന​തി​ന്‍റെ ഭാ​ഗ​മാ​യി അ​വ​ത​രി​പ്പി​ച്ച എ​റ​ണാ​കു​ളം-​ബം​ഗ​ളു​രു വ​ന്ദേ​ഭാ​ര​ത് പ്ര​ത്യേ​ക വ​ണ്ടി​യും ക​ഴി​ഞ്ഞ ദി​വ​സം ഓ​ട്ടം അ​വ​സാ​നി​പ്പി​ച്ചു. സെ​പ്റ്റം​ബ​ര്‍ 13ന് ​ചെ​ന്നൈ​യി​ല്‍​നി​ന്ന് കേ​ര​ള​ത്തി​ലേ​ക്കു​ള്ള വ​ണ്ടി​ക​ളി​ല്‍ സെ​ക്ക​ന്‍റ് ക്ലാ​സി​ല്‍ പോ​ലും റി​സ​ര്‍​വേ​ഷ​ന്‍ തീ​ര്‍​ന്നു. വെ​യി​റ്റിം​ഗ് ലി​സ്റ്റി​ല്‍ പോ​ലും ഇ​ട​മി​ല്ല.


കൊ​ച്ചു​വേ​ളി-​ബം​ഗ​ളു​രു റൂ​ട്ടി​ല്‍ ആ​ഴ്ച​യി​ല്‍ മൂ​ന്നു​ദി​വ​സം 16 കോ​ച്ചു​ള്ള പ്ര​ത്യേ​ക ട്രെ​യി​ന്‍ അ​നു​വ​ദി​ച്ചി​ട്ടു​ണ്ടെ​ങ്കി​ലും മു​ഴു​വ​ന്‍ കോ​ച്ചു​ക​ളും ത്രീ ​ട​യ​ര്‍ എ​സി​യാ​ണ്. ജ​ന​റ​ല്‍ ക​മ്പാ​ര്‍​ട്ടു​മെ​ന്‍റു​ക​ള്‍ ഇ​ല്ല. അ​തു​കൊ​ണ്ടു​ത​ന്നെ സാ​ധാ​ര​ണ​യാ​ത്ര​ക്കാ​ര്‍​ക്ക് പ്ര​യോ​ജ​നം ചെ​യ്യി​ല്ല. കോ​വി​ഡി​ന് മു​മ്പു​ണ്ടാ​യി​രു​ന്ന ട്രെ​യി​നു​ക​ള്‍ പ​ല​തും റ​ദ്ദാ​ക്കി​യി​രു​ന്നു. അ​വ ഇ​നി​യും പു​നഃ​സ്ഥാ​പി​ച്ചി​ട്ടി​ല്ല.

മ​റു​നാ​ട​ന്‍ മ​ല​യാ​ളി​ക​ള്‍​ക്ക് ഓ​ണ​ത്തി​ന് നാ​ട്ടി​ലെ​ത്താ​ന്‍ സ്വ​കാ​ര്യ ബ​സ് സ​ര്‍​വീ​സു​ക​ളെ ആ​ശ്ര​യി​ക്കേ​ണ്ടി​വ​രും. വ​ലി​യ ചാ​ര്‍​ജ്ജ് ന​ല്‍​കി​യാ​ണ് ബ​സു​ക​ളി​ല്‍ ടി​ക്ക​റ്റ് ബു​ക്ക് ചെ​യ്യു​ന്ന​ത്. ഓ​ണം സീ​സ​ണ്‍ മു​ത​ലെ​ടു​ത്ത് ബ​സു​ക​ളി​ല്‍ ക​ഴു​ത്ത​റ​പ്പ​ന്‍ ചാ​ര്‍​ജ് ഈ​ടാ​ക്കു​ന്ന​തും പ​തി​വാ​ണ്. ബം​ഗ​ളു​രു​വി​ലേ​ക്കു​ള്ള സ്വ​കാ​ര്യ​ബ​സു​ക​ളി​ല്‍ സെ​പ്റ്റം​ബ​ര്‍ 17 വ​രെ​യു​ള്ള ടി​ക്ക​റ്റു​ക​ളി​ല്‍ പ​കു​തി​യോ​ളം ഇ​പ്പോ​ള്‍ ത​ന്നെ ബു​ക്കിം​ഗ് ആ​യി​ട്ടു​ണ്ട്.