കോഴിക്കോട്: കേരളം കള്ളക്കടത്തിന്റെയും കൊലപാതകത്തിന്റെയും പറുദീസയാക്കി മാറ്റിയ മുഖ്യമന്ത്രി പിണറായി വിജയൻ രാജിവയ്ണമെന്ന് ആവശ്യപ്പെട്ടു കോഴിക്കോട് ഡിസിസിയുടെ നേതൃത്വത്തിൽ പ്രകടനവും മുഖ്യമന്ത്രിയുടെ കോലം കത്തിക്കലും നടത്തി.
ഡിസിസി പ്രസിഡന്റ് കെ. പ്രവീണ്കുമാർ ഉദ്ഘാടനം ചെയ്തു. ഡിസിസി ജനറൽ സെക്രട്ടറി വിനോദ് പടനിലം അധ്യക്ഷത വഹിച്ചു. കെപിസിസി രാഷ്ട്രീയകാര്യസമിതി അംഗം എൻ. സുബ്രഹ്മണ്യൻ, വിദ്യാ ബാലകൃഷ്ണൻ, കെ. രാമചന്ദ്രൻ, സുൽഫിക്കർ അലി, കെ.എം. അഭിജിത്ത്, വി.ടി. സൂരജ്, രാജേഷ് കീഴരിയൂർ, എൻ. ഷെറിൽ ബാബു എന്നിവർ പ്രസംഗിച്ചു.