വണ്ടൂര്‍: തോട്ടില്‍ നിന്ന് പകുതിയിലധികം അഴുകിയ മൃതദേഹം കണ്ടെത്തി. വണ്ടൂര്‍ കുമ്മാളിപ്പാടി പൊട്ടിപ്പാറയിലെ കാപ്പില്‍ തോട്ടില്‍ നിന്നാണ് ഇന്നലെ വൈകുന്നേരം ആറോടെയാണ് മരത്തിന്‍റെ വേരില്‍ തങ്ങിനില്‍ക്കുന്ന നിലയില്‍ മൃതദേഹം കണ്ടെത്തിയത്.
നാട്ടുകാര്‍ വിവരമറിയിച്ചതിനെ തുടര്‍ന്ന് വണ്ടൂര്‍ പോലീസ് സ്ഥലത്തെത്തി. തുടര്‍ന്ന് ട്രോമാകെയറിന്റെ സഹായത്തോടെ മൃതദേഹം കരക്കെത്തിച്ചു. മുക്കാല്‍ ഭാഗവും അഴുകിയ നിലയിലായിരുന്ന മൃതദേഹം പുരുഷന്‍റേതാകാമെന്ന നിഗമനത്തിലാണ് പോലീസ്. 50 വയസ് പ്രായം കണക്കാക്കുന്നു. മൃതദേഹം മഞ്ചേരി മെഡിക്കല്‍ കോളജിലേക്ക് മാറ്റി.