മഞ്ചേരി: നഗരസഭാ ആരോഗ്യവിഭാഗം ജീവനക്കാരിയെ അസഭ്യം പറഞ്ഞതിന് സിപിഎം കൗണ്‍സിലര്‍ക്കെതിരേ പരാതി. രാമംകുളം ഡിവിഷന്‍ കൗണ്‍സിലര്‍ കരീമിനെതിരേയാണ് പാരാതി. കൗണ്‍സിലര്‍ക്കെതിരേ നടപടി വേണമെന്ന് ആവശ്യപ്പെട്ട് ജീവനക്കാര്‍ നഗരസഭാ സെക്രട്ടറിക്ക് പരാതി നല്‍കി.
കഴിഞ്ഞ ദിവസം രാവിലെയാണ് സിപിഎം അംഗത്തിനെതിരേ ജെപിഎച്ച്എന്‍ പരാതി നല്‍കിയത്. വാര്‍ഡ് സാനിറ്റേഷന്‍ ഫണ്ട് ചെലവഴിച്ചതിന്‍റെ ഫണ്ട് നല്‍കണമെന്നാവശ്യപ്പെട്ട് അംഗം ജീവനക്കാരിയെ സമീപിച്ചു. എന്നാല്‍ പ്രവൃത്തി പൂര്‍ത്തിയാക്കി എന്നതിന് രേഖകള്‍ സമര്‍പ്പിക്കാന്‍ ജീവനക്കാരി ആവശ്യപ്പെട്ടു. ഇതോടെയാണ് കൗണ്‍സിലര്‍ അസഭ്യം പറയാന്‍ തുടങ്ങിയത്.