‘മ​നു​ഷ്യ​നെ പൂ​ര്‍​ണ​ത​യി​ലേ​ക്ക് ന​യി​ക്കാ​ന്‍ വാ​യ​ന​യ്ക്ക് മാ​ത്ര​മേ സാ​ധി​ക്കൂ’
Monday, July 8, 2024 5:14 AM IST
തി​രൂ​ര്‍: മ​നു​ഷ്യ​നെ പൂ​ര്‍​ണ​ത​യി​ലേ​ക്ക് ന​യി​ക്കാ​ന്‍ വാ​യ​ന​യ്ക്ക് മാ​ത്ര​മേ സാ​ധി​ക്കൂ​വെ​ന്ന് മ​ന്ത്രി വി. ​അ​ബ്ദു​റ​ഹി​മാ​ന്‍. വാ​യ​ന​യെ പ്രോ​ത്സാ​ഹി​പ്പി​ക്കു​ന്ന ന​യ​മാ​ണ് സം​സ്ഥാ​ന സ​ര്‍​ക്കാ​ര്‍ എ​ക്കാ​ല​ത്തും പി​ന്തു​ട​രു​ന്ന​തെ​ന്നും മ​ന്ത്രി പ​റ​ഞ്ഞു. വാ​യ​നാ പ​ക്ഷാ​ച​ര​ണ പ​രി​പാ​ടി​ക​ളു​ടെ ജി​ല്ലാ​ത​ല സ​മാ​പ​നം തി​രൂ​ര്‍ തു​ഞ്ച​ന്‍ പ​റ​മ്പി​ലെ തു​ഞ്ച​ന്‍ സ്മാ​ര​ക ഓ​ഡി​റ്റോ​റി​യ​ത്തി​ല്‍ ഉ​ദ്ഘാ​ട​നം ചെ​യ്തു സം​സാ​രി​ക്കു​ക​യാ​യി​രു​ന്നു മ​ന്ത്രി.

മ​നു​ഷ്യ​രെ​യും സ​മൂ​ഹ​ത്തെ​യും ശ​രി​യാ​യി മ​ന​സി​ലാ​ക്കാ​നു​ള്ള ക​ഴി​വ് വാ​യ​ന​യി​ലൂ​ടെ മാ​ത്ര​മേ ആ​ര്‍​ജി​ക്കാ​നാ​വൂ. വാ​യ​ന​യു​ടെ പ്രാ​ധാ​ന്യം മ​ന​സി​ലാ​ക്കി ഓ​രോ വ​ര്‍​ഷ​വും ല​ക്ഷ​ക്ക​ണ​ക്കി​ന് രൂ​പ​യു​ടെ പു​സ്ത​ക​ങ്ങ​ളാ​ണ് എം​എ​ല്‍​എ ഫ​ണ്ട് ഉ​പ​യോ​ഗി​ച്ച് സം​സ്ഥാ​ന​ത്തെ വി​വി​ധ മ​ണ്ഡ​ല​ങ്ങ​ളി​ലെ സ്കൂ​ളു​ക​ളി​ലും ലൈ​ബ്ര​റി​ക​ളി​ലു​മാ​യി വി​ത​ര​ണം ചെ​യ്യ​പ്പെ​ടു​ന്ന​ത്.

പു​തു​ത​ല​മു​റ​യെ വാ​യ​ന​യു​ടെ ല​ഹ​രി​യി​ലേ​ക്ക് കൊ​ണ്ടു​വ​രാ​നു​ള്ള പ​രി​ശ്ര​മ​ങ്ങ​ളാ​ണ് വാ​യ​നാ പ​ക്ഷാ​ച​ര​ണ​ത്തി​ന്‍റെ ഭാ​ഗ​മാ​യി വി​ദ്യാ​ല​യ​ങ്ങ​ളി​ലും ലൈ​ബ്ര​റി​ക​ളി​ലും ന​ട​ക്കു​ന്ന​ത്. വി​ദ്യാ​ല​യ​ങ്ങ​ളി​ലും നാ​ട്ടി​ന്‍​പു​റ​ങ്ങ​ളി​ലു​മെ​ല്ലാ​മു​ള്ള ലൈ​ബ്ര​റി​ക​ള്‍ ഫ​ല​പ്ര​ദ​മാ​യി ഉ​പ​യോ​ഗ​പ്പെ​ടു​ത്താ​ന്‍ ന​മു​ക്കാ​ക​ണം. സാ​മൂ​ഹി​കാ​വ​ബോ​ധ​വും രാ​ഷ്ട്രീ​യാ​വ​ബോ​ധ​വും വ​ള​ര്‍​ത്തി മ​നു​ഷ്യ​നെ പൂ​ര്‍​ണ​ത​യി​ലേ​ക്ക് ന​യി​ക്കാ​ന്‍ വാ​യ​ന​യ്ക്ക് മാ​ത്ര​മേ ക​ഴി​യൂ​വെ​ന്നു അ​ദ്ദേ​ഹം പ​റ​ഞ്ഞു.

കേ​ര​ള​ത്തി​ല്‍ ഗ്ര​ന്ഥ​ശാ​ല​ക​ള്‍ സ്ഥാ​പി​ക്കാ​നും അ​വ​യെ കോ​ര്‍​ത്തി​ണ​ക്കാ​നും പ​രി​ശ്ര​മം ന​ട​ത്തി​യ പി.​എ​ന്‍. പ​ണി​ക്ക​രു​ടെ അ​നു​സ്മ​ര​ണ​ദി​നം ദേ​ശീ​യ വാ​യ​നാ ദി​ന​മാ​യി അം​ഗീ​ക​രി​ക്ക​പ്പെ​ട്ട​ത് മ​ല​യാ​ളി​ക​ള്‍​ക്ക് അ​ഭി​മാ​നി​ക്കാ​വു​ന്ന ഒ​ന്നാ​ണ്.


പി.​എ​ന്‍. പ​ണി​ക്ക​ര്‍ തു​ട​ങ്ങി​വ​ച്ച വാ​യ​നാ​വി​പ്ല​വം നാ​ട്ടി​ന്‍​പു​റ​ങ്ങ​ളെ സാം​സ്കാ​രി​ക​മാ​യി ഉ​യ​ര്‍​ത്തി. കേ​ര​ളാ മോ​ഡ​ലി​ലെ ശ്ര​ദ്ധി​ക്ക​പ്പെ​ടേ​ണ്ട ഒ​രു പ​ഴ​യ​കാ​ല മാ​തൃ​ക കൂ​ടി​യാ​ണി​ത്. വാ​യ​ന ഒ​രി​ക്ക​ലും മ​രി​ക്കി​ല്ല. മ​നു​ഷ്യ​ന്‍ നി​ല​നി​ല്‍​ക്കു​ന്നി​ട​ത്തോ​ളം വാ​യ​ന​യും നി​ല​നി​ല്‍​ക്കു​മെ​ന്നും അ​ദ്ദേ​ഹം പ​റ​ഞ്ഞു. മ​ല​യാ​ളം സ​ര്‍​വ​ക​ലാ​ശാ​ല മു​ന്‍ വൈ​സ് ചാ​ന്‍​സ​ല​ര്‍ ഡോ. ​അ​നി​ല്‍​വ​ള്ള​ത്തോ​ള്‍ മു​ഖ്യ​പ്ര​ഭാ​ഷ​ണം ന​ട​ത്തി.

ജി​ല്ലാ ഭ​ര​ണ​കൂ​ടം, ഇ​ന്‍​ഫ​ര്‍​മേ​ഷ​ന്‍ പ​ബ്ലി​ക് റി​ലേ​ഷ​ന്‍​സ്, പൊ​തു​വി​ദ്യാ​ഭ്യാ​സ വ​കു​പ്പു​ക​ളു​ടെ​യും സാ​ക്ഷ​ര​താ മി​ഷ​ന്‍, ജി​ല്ലാ ലൈ​ബ്ര​റി കൗ​ണ്‍​സി​ല്‍, വി​ദ്യാ​രം​ഗം, പി.​എ​ന്‍. പ​ണി​ക്ക​ര്‍ ഫൗ​ണ്ടേ​ഷ​ന്‍ തു​ട​ങ്ങി​യ​വ​യു​ടെ​യും സം​യു​ക്താ​ഭി​മു​ഖ്യ​ത്തി​ലാ​ണ് പ​രി​പാ​ടി സം​ഘ​ടി​പ്പി​ച്ച​ത്. കു​റു​ക്കോ​ളി മൊ​യ്തീ​ന്‍ എം​എ​ല്‍​എ അ​ധ്യ​ക്ഷ​ത വ​ഹി​ച്ചു.

ക​ള​ക്ട​ര്‍ വി.​ആ​ര്‍. വി​നോ​ദ് മു​ഖ്യാ​തി​ഥി​യാ​യി​രു​ന്നു. സാ​ക്ഷ​ര​താ​മി​ഷ​ന്‍ ജി​ല്ലാ കോ​ഓ​ര്‍​ഡി​നേ​റ്റ​ര്‍ സി. ​അ​ബ്ദു​ള്‍​റ​ഷീ​ദ് അ​വാ​ര്‍​ഡ് ജേ​താ​ക്ക​ളെ പ​രി​ച​യ​പ്പെ​ടു​ത്തി. ന​ഗ​ര​സ​ഭാ വാ​ര്‍​ഡ് കൗ​ണ്‍​സി​ല​ര്‍ ഷ​ബീ​റ​ലി നെ​ടും​പ​റ​മ്പി​ല്‍, വി​ദ്യാ​ഭ്യാ​സ ഉ​പ​ഡ​യ​റ​ക്ട​ര്‍ കെ.​പി. ര​മേ​ഷ് കു​മാ​ര്‍, തി​രൂ​ര്‍ താ​ലൂ​ക്ക് ലൈ​ബ്ര​റി കൗ​ണ്‍​സി​ല്‍ സെ​ക്ര​ട്ട​റി കെ.​എ. ഷ​റ​ഫു​ദ്ദീ​ന്‍,

പി.​എ​ന്‍ പ​ണി​ക്ക​ര്‍ ഫൗ​ണ്ടേ​ഷ​ന്‍ പ്ര​തി​നി​ധി ജാ​ഫ​ര്‍ ക​ക്കൂ​ത്ത്, വി​ദ്യാ​രം​ഗം ജി​ല്ലാ ക​ണ്‍​വീ​ന​ര്‍ പി. ​ഇ​ന്ദി​രാ​ദേ​വി തു​ട​ങ്ങി​യ​വ​ര്‍ പ്ര​സം​ഗി​ച്ചു. വാ​യ​ന പ​ക്ഷാ​ച​ര​ണ​ത്തി​ന്‍റെ ഭാ​ഗ​മാ​യി വി​ദ്യാ​രം​ഗം ക​ലാ​വേ​ദി​യും ജി​ല്ലാ സാ​ക്ഷ​ര​താ മി​ഷ​നും ന​ട​ത്തി​യ മ​ത്സ​ര​ങ്ങ​ളി​ലെ വി​ജ​യി​ക​ള്‍​ക്കു​ള്ള ഉ​പ​ഹാ​ര വി​ത​ര​ണ​വും മ​ന്ത്രി നി​ര്‍​വ​ഹി​ച്ചു.