ന​​​​​ല്ല വാ​​​​​ക്കു​​​​​ക​​​​​ൾ​​​​​കൊ​​​​​ണ്ടും ഐ​​​​​ക്യ​​​​​ദാ​​​​​ർ​​​​​ഢ്യം​​​​​കൊ​​​​​ണ്ടും മാ​​​​​ത്ര​​​​​മ​​​​​ല്ല, ചി​​​​​ല​​​​​പ്പോ​​​​​ഴെ​​​​​ങ്കി​​​​​ലും സ്നേ​​​​​ഹം
പ്ര​​​​​ക​​​​​ടി​​​​​പ്പി​​​​​ക്കേ​​​​​ണ്ട​​​​​ത് പ​​​​​ണംകൊ​​​​​ണ്ടുമാണ്. വ​​​​യ​​​​നാ​​​​ടി​​​​നെ നാം ​​​​മ​​​​ഴ​​​​യ​​​​ത്തു​​​​ നി​​​​ർ​​​​ത്ത​​​​രു​​​​ത്.

"ഉ​ള്ളു​പൊ​ട്ടി' എ​ന്ന ത​ല​ക്കെ​ട്ടി​ൽ വ​യ​നാ​ട് ദു​ര​ന്ത​ത്തി​ന്‍റെ വേ​ദ​ന പ​ങ്കു​വ​യ്ക്കാ​ൻ ശ്ര​മി​ക്കു​ക​യാ​യി​രു​ന്നു ഇ​ന്ന​ലെ ദീ​പി​ക ഉ​ൾ​പ്പെ​ടെ കേ​ര​ള​ത്തി​ലെ മാ​ധ്യ​മ​ങ്ങ​ൾ. ആ​റു പ​ത്ര​ങ്ങ​ൾ ഒ​രേ ത​ല​ക്കെ​ട്ട് ഉ​പ​യോ​ഗി​ച്ച ച​രി​ത്ര​ദി​നം! ന​മു​ക്ക് തു​ല്യ​ദുഃ​ഖ​മാ​യി​രു​ന്നു.

പ​ക്ഷേ, വാ​ർ​ത്ത വാ​യി​ച്ചും ക​ണ്ടും സ​ഹ​ത​പി​ച്ചും സ​മൂ​ഹ​മാ​ധ്യ​മ​ങ്ങ​ളി​ൽ കു​റി​പ്പു​ക​ളി​ട്ടും അ​വ​സാ​നി​പ്പി​ക്കാ​നു​ള്ള​ത​ല്ല, ന​മ്മു​ടെ ഉ​ത്ത​ര​വാ​ദി​ത്വം. ഉ​രു​ൾ​പൊ​ട്ട​ലി​ൽ ഒ​ലി​ച്ചു​പോ​യ വ​യ​നാ​ട്ടി​ലെ മ​ല​യോ​ര​ഗ്രാ​മ​ങ്ങ​ൾ​ക്ക് ഇ​നി ന​മ്മു​ടെ ക​രു​ണ​യാ​ണു വേ​ണ്ട​ത്; ക​ണ്ണീ​ര​ല്ല.

പൊ​ട്ടി​യ ഉ​ള്ള​ങ്ങ​ൾ പൊ​ള്ള​യാ​ക​രു​ത്. ന​മ്മു​ടെ സ​ഹാ​യ​ത്തി​ന്‍റെ സൂ​ര്യ​ൻ മു​ണ്ട​ക്കൈ​യി​ലും ചൂ​ര​ൽ​മ​ല​യി​ലും വി​ല​ങ്ങാ​ട്ടും ഉ​ദി​ച്ചു​യ​ര​ണം. സ​ന്പാ​ദ്യ​ങ്ങ​ളി​ൽ​നി​ന്നു മാ​ത്ര​മ​ല്ല, ഇ​ല്ലാ​യ്മ​യി​ൽ​നി​ന്നെ​ടു​ത്തും കൊ​ടു​ക്ക​ണം. അ​വ​ർ തി​രി​ച്ച​റി​യ​ട്ടെ, ത​നി​ച്ച​ല്ലെ​ന്ന്; "ന​ല്ല സ​മ​രി​യാ​ക്കാ​ര​ൻ' വെ​റു​മൊ​രു ക​ഥാ​പാ​ത്ര​മ​ല്ലെ​ന്ന്.

പ​രി​ക്കേ​റ്റു വ​ഴി​യി​ൽ അ​ർ​ധ​പ്രാ​ണ​നാ​യി കി​ട​ന്ന മ​നു​ഷ്യ​നോ​ടു സ​ഹ​ത​പി​ച്ച​ശേ​ഷം മു​ഖം തി​രി​ച്ചു ക​ട​ന്നു​പോ​യ​വ​രു​ടെ​യും അ​യാ​ളു​ടെ മു​റി​വു വ​ച്ചു​കെ​ട്ടി വേ​ണ്ട​തെ​ല്ലാം ചെ​യ്ത സ​മ​രി​യാ​ക്കാ​ര​ന്‍റെ​യും ക​ഥ​യാ​ണ് ബൈ​ബി​ളി​ലു​ള്ള​ത്. ആ​രാ​ണ് ന​ല്ല അ​യ​ൽ​ക്കാ​ര​ൻ എ​ന്ന നി​യ​മ​ജ്ഞ​ന്‍റെ ചോ​ദ്യ​ത്തി​നു​ത്ത​ര​മാ​യി ക്രി​സ്തു ഈ ​ഉ​പ​മ പ​റ​യു​ക​യാ​യി​രു​ന്നു.

ക​ഥ നി​ർ​ത്തി ക്രി​സ്തു പ​റ​ഞ്ഞു: “നീ​യും പോ​യി, അ​തു​പോ​ലെ ചെ​യ്യു​ക.” ന​മ്മ​ളെ​ങ്ങോ​ട്ടു പോ​കും? ജ​റു​സ​ലേ​മി​ൽ​നി​ന്നു ജ​റീ​ക്കോ​യി​ലേ​ക്കു​ള്ള വ​ഴി​യി​ല​ല്ല, ലോ​ക​ത്തെ​വി​ടെ​നി​ന്നും വ​യ​നാ​ട്ടി​ലേ​ക്കാ​ണ് ന​ല്ല സ​മ​രി​യാ​ക്കാ​ര​ന്‍റെ യാ​ത്ര നാം ​ഏ​റ്റെ​ടു​ക്കേ​ണ്ട​ത്.

മു​ണ്ട​ക്കൈ​യി​ലും ചൂ​ര​ൽ​മ​ല​യി​ലും തി​ങ്ക​ളാ​ഴ്ച രാ​ത്രി പ​ല​രും ഒ​ന്നി​ച്ചു ക​ഴി​ച്ച​ത് അ​ന്ത്യ​ത്താ​ഴ​മാ​യി​രു​ന്നു. നി​ര​വ​ധി​പ്പേ​ർ മ​ണ്ണി​ന​ടി​യി​ൽ നി​ത്യ​നി​ദ്ര​യി​ലാ​യി. ആ​ശു​പ​ത്രി​ക​ളി​ലു​ള്ള​വ​രു​ടെ പ​രി​ക്കു​ക​ൾ ദേ​ഹ​ത്തു മാ​ത്ര​മ​ല്ല, മ​ന​സി​ലു​മാ​ണ്.

പ്രി​യ​പ്പെ​ട്ട​വ​രെ​ക്കു​റി​ച്ചു​ള്ള ഓ​ർ​മ​ക​ൾ മു​റി​ച്ചു​മാ​റ്റ​പ്പെ​ട്ട അ​വ​യ​വ​ങ്ങ​ൾ​പോ​ലെ വ​രും​നാ​ളു​ക​ളി​ൽ അ​വ​രെ വേ​ട്ട​യാ​ടും. ദു​രി​താ​ശ്വാ​സ കേ​ന്ദ്ര​ങ്ങ​ളി​ൽ​നി​ന്നും ആ​ശു​പ​ത്രി​ക​ളി​ൽ​നി​ന്നും അ​വ​ർ​ക്കു മ​ട​ങ്ങി​പ്പോ​കാ​ൻ ഇ​ത്ര​നാ​ൾ വി​ടു​തി ന​ൽ​കി​യ ഭ​വ​ന​ങ്ങ​ളി​ല്ല. എ​ല്ലാം മ​ണ്ണോ​ടു മ​ണ്ണു ചേ​ർ​ന്നി​രി​ക്കു​ന്നു.

എ​ത്ര കോ​ടി രൂ​പ​കൊ​ണ്ടും തീ​ർ​ക്കാ​നാ​വാ​ത്ത​താ​ണ് തു​ട​ച്ചു​നീ​ക്ക​പ്പെ​ട്ട ഗ്രാ​മ​ങ്ങ​ളു​ടെ ന​ഷ്‌​ടം. പ​ക്ഷേ, ഒ​രു നാ​ണ​യം​പോ​ലും മ​രു​ഭൂ​മി​യി​ലെ ഒ​രു​തു​ള്ളി ദാ​ഹ​ജ​ലം പോ​ലെ വി​ല​പ്പെ​ട്ട​താ​കു​ന്ന കാ​ല​മു​ണ്ട്. ഭ​ക്ഷ​ണം, വ​സ്ത്രം, വീ​ട്, വി​ദ്യാ​ല​യ​ങ്ങ​ൾ, ആ​ശു​പ​ത്രി​ക​ൾ... എ​ല്ലാം ആ​ദ്യം മു​ത​ൽ തു​ട​ങ്ങ​ണം. ന​ല്ല വാ​ക്കു​ക​ൾ​കൊ​ണ്ടും ഐ​ക്യ​ദാ​ർ​ഢ്യം​കൊ​ണ്ടും മാ​ത്ര​മ​ല്ല, ചി​ല​പ്പോ​ഴെ​ങ്കി​ലും സ്നേ​ഹം പ്ര​ക​ടി​പ്പി​ക്കേ​ണ്ട​ത് പ​ണം​കൊ​ണ്ടു​മാ​ണ്.

ഒ​രാ​ളും മാ​റി​നി​ൽ​ക്ക​രു​ത്. ദു​രി​ത​ബാ​ധി​ത​രു​ടെ പു​ന​ര​ധി​വാ​സ​ത്തി​ന് ക​ത്തോ​ലി​ക്കാ സ​ഭ​യും ദീ​പി​ക​യും ചേ​രു​ക​യാ​ണ്. ജാ​തി-​മ​ത-​രാ​ഷ്‌​ട്രീ​യ​മി​ല്ലാ​തെ ന​മു​ക്കു കൈ ​കോ​ർ​ക്കാം.

അ​പ​ര​നു സ​ന്പാ​ദ്യം പ​ങ്കു​വ​ച്ച​തി​ന്‍റെ പേ​രി​ൽ ആ​രും ന​ശി​ച്ചി​ട്ടി​ല്ലെ​ന്ന വാ​ക്യം ആ​ൻ ഫ്രാ​ങ്കി​ന്‍റേ​താ​ണ്. അ​ങ്ങ​നെ ന​ശി​ച്ച ആ​രെ​യും ന​മു​ക്കും അ​റി​യി​ല്ല. പ​ക്ഷേ, പ​ങ്കു​വ​യ്പി​ന്‍റെ സ​ന്തോ​ഷം അ​നു​ഭ​വി​ക്കാ​ത്ത ആ​രു​മി​ല്ല​താ​നും.

ആ ​സ​ന്തോ​ഷ​ത്തി​ന്‍റെ സ്നേ​ഹ​ത്തൂ​വാ​ല​കൊ​ണ്ട് ന​മു​ക്ക് അ​യ​ൽ​ക്കാ​ര​ന്‍റെ ക​ണ്ണീ​രൊ​പ്പാം. കേ​ന്ദ്ര​സ​ർ​ക്കാ​രും അ​യ​ൽ​സം​സ്ഥാ​ന​ങ്ങ​ളു​മൊ​ക്കെ വ​യ​നാ​ടി​നെ സ​ഹാ​യി​ക്കാ​ൻ മു​ന്നോ​ട്ടു വ​രു​ന്നു​ണ്ട്. പ​ക്ഷേ, അ​തൊ​ന്നും ന​മ്മു​ടേ​തി​നു പ​ക​ര​മാ​വി​ല്ല. വ​യ​നാ​ട് മു​റി​വേ​റ്റു കി​ട​ക്കു​ന്നു. ആ ​ന​ല്ല സ​മ​രി​യാ​ക്കാ​ര​ൻ നി​ങ്ങ​ള​ല്ലേ..?

ഡോ. ​ജോ​ർ​ജ് കു​ടി​ലി​ൽ, ചീ​ഫ് എ​ഡി​റ്റ​ർ