രണ്ട് കുടുംബങ്ങളുടെ വീടെന്ന സ്വപ്നം പൂവണിഞ്ഞു : Deepika.com Nattu Visesham

KOTTAYAM

രണ്ട് കുടുംബങ്ങളുടെ വീടെന്ന സ്വപ്നം പൂവണിഞ്ഞു

Friday, March 29, 2024 6:05 AM IST

ചങ്ങനാശേരി: എംജി യൂണിവേഴ്‌സിറ്റി എന്‍എസ്എസും ചിറ്റിലപ്പിള്ളി ഫൗണ്ടേഷനുമായി ചേര്‍ന്ന് കുട്ടനാട്ടിലെ രണ്ട് കുടുംബങ്ങള്‍ക്ക് ചങ്ങനാശേരി എസ്ബി കോളജിന്‍റെ നേതൃത്വത്തില്‍ വീടുകള്‍ നിര്‍മിച്ചുനല്‍കി.

മൂന്ന് പെൺകുട്ടികളുള്ള പുളിങ്കുന്നിലെ ഒരു കുടുംബത്തിനും എസ്ബി കോജിലെ പൂര്‍വവിദ്യാര്‍ഥി ഉള്‍പ്പെടുന്ന മറ്റൊരു കുടുംബത്തിനുമാണ് വീടുകള്‍ നല്‍കിയത്. ഭവനങ്ങളുടെ താക്കോല്‍ദാനചടങ്ങ് എംജി യൂണിവേഴ്‌സിറ്റി എന്‍എസ്എസ് പ്രോഗ്രാം കോ-ഓര്‍ഡിനേറ്റര്‍ പ്രഫ. ഇ.എന്‍. ശിവദാസന്‍ ഉദ്ഘാ ടനം ചെയ്യുന്നു.

കോളജ് മാനേജര്‍ മോണ്‍. ജയിംസ് പാലയ്ക്കലിന്‍റെ അധ്യക്ഷതയില്‍ ചേര്‍ന്ന യോഗത്തില്‍ എസ്ബി കോളജിലെ 1982 ബാച്ചിലെ ഫസ്റ്റ് റാങ്ക് ഹോള്‍ഡറും ഇപ്പോള്‍ എന്‍എസ്എസ് എംജിയു-കെ ചിറ്റിലപ്പിള്ളി ഹൗസിംഗ് പ്രോജക്റ്റ് കോ-ഓര്‍ഡിനേറ്ററുമായ ഡോ. എ.പി. സൂസമ്മയെ യോഗത്തില്‍ ആദരിച്ചു. വൈസ് പ്രിന്‍സിപ്പല്‍ ഡോ. ജോസഫ് ജോബ്, ബര്‍സാര്‍ ഫാ. മോഹന്‍ മാത്യു എന്നിവര്‍ പ്രസംഗിച്ചു.

ബര്‍ക്മാന്‍ഷന്‍ എന്ന പേരിലുള്ള ലോഗോയുടെ പ്രകാശനം പ്രിന്‍സിപ്പല്‍ ഫാ. റെജി പ്ലാത്തോട്ടം നിര്‍വഹിച്ചു. എന്‍എസ്എസ് പ്രോഗ്രാം ഓഫീസര്‍മാരായ ഡോ. ബെന്നി തോമസ്, ഡോ. ബെന്‍സന്‍ ജോസഫ്, ദീപക് സെബാസ്റ്റ്യന്‍, സി. അന്നാ, ദിയാ ഫാത്തിമ തുടങ്ങിയവര്‍ നേതൃത്വം നല്കി.