ദൃ​ശ്യ മ​നോ​ഹാ​രി​ത​യേ​റി​യ മ​ന്ത്ര​പ്പാ​റ വ്യൂ ​പോ​യി​ന്‍റി​ലേ​ക്ക് വി​നോ​ദ​സ​ഞ്ചാ​രി​ക​ളു​ടെ വ​ര​വ് വ​ർ​ധി​ച്ചു. ഇ​ടു​ക്കി മെ​ഡി​ക്ക​ൽ കോ​ള​ജും ചെ​റു​തോ​ണി, ഇ​ടു​ക്കി അ​ണ​ക്കെ​ട്ടു​ക​ളും വി​ശാ​ല​മാ​യ ജ​ലാ​ശ​യ​വു​മെ​ല്ലാം ഒ​രു പോ​യി​ന്‍റി​ൽ​നി​ന്നു കാ​ണാ​വു​ന്ന മ​നോ​ഹ​ര​മാ​യ പ്ര​ദേ​ശ​മാ​ണ് മ​ന്ത്ര​പ്പാ​റ.

ജി​ല്ലാ ആ​സ്ഥാ​ന​മാ​യ പൈ​നാ​വി​ന് സ​മീ​പ​മാ​യ​തി​നാ​ലും ആ​ളു​ക​ൾ​ക്ക് എ​ളു​പ്പ​ത്തി​ൽ എ​ത്തി​ച്ചേ​രാ​മെ​ന്ന​തും സ​ഞ്ചാ​രി​ക​ളു​ടെ എ​ണ്ണം വ​ർ​ധി​പ്പി​ക്കു​ക​യാ​ണ്. ഏ​ത് വെ​യി​ല​ത്തും കു​ളി​ർ​മ പ​ക​രു​ന്ന ഇ​ളം കാ​റ്റാ​ണ് മ​റ്റൊ​രു പ്ര​ത്യേ​ക​ത.

നി​ര​പ്പാ​യ പാ​റ​യി​ൽ​നി​ന്ന് ജി​ല്ലാ ആ​സ്ഥാ​ന മേ​ഖ​ല​ക​ളെ​ല്ലാം കാ​ണാ​നാ​കും. കി​ലോ​മീ​റ്റ​റു​ക​ൾ ദൂ​രം വ​രെ​യു​ള്ള മൊ​ട്ട​ക്കു​ന്നു​ക​ളും ടൗ​ണു​ക​ളും കൃ​ഷി​യി​ട​ങ്ങ​ളു​മെ​ല്ലാം ഇ​വി​ടെ നി​ന്നാ​ൽ കാ​ണാ​നാ​കും. ഇ​ടു​ക്കി അ​ണ​ക്കെ​ട്ടി​ലെ നീ​ല​ത്ത​ടാ​കം ഏ​റെ ദൂ​രം വീ​ക്ഷി​ക്കാ​മെ​ന്ന​താ​ണ് വി​നോ​ദ​സ​ഞ്ചാ​രി​ക​ളെ ഇ​വി​ടേ​ക്ക് ആ​ക​ർ​ഷി​ക്കു​ന്ന​ത്.


പൈ​നാ​വ്​താ​ന്നി​ക്ക​ണ്ടം​അ​ശോ​ക ക​വ​ല സം​സ്ഥാ​ന പാ​ത​യി​ൽ അ​മ​ൽ​ജ്യോ​തി സ്കൂ​ളി​ന് സ​മീ​പ​ത്തു​നി​ന്ന് 250 മീ​റ്റ​റി​ൽ താ​ഴെ മാ​ത്രം കാ​ൽ​ന​ട​യാ​യി സ​ഞ്ച​രി​ച്ചാ​ൽ മ​ന്ത്ര​പ്പാ​റ​യി​ലെ​ത്താം. പാ​റേ​മാ​വി​ൽ പ്ര​വ​ർ​ത്തി​ക്കു​ന്ന ഇ​ടു​ക്കി വി​ല്ലേ​ജ് ഓ​ഫീ​സി​ന് മു​ന്നി​ലു​ള്ള റോ​ഡി​ലൂ​ടെ​യും മ​ന്ത്ര​പ്പാ​റ​യി​ലെ​ത്താം.

വി​നോ​ദ​സ​ഞ്ചാ​രി​ക​ൾ​ക്ക് ഹ​ര​മാ​യി മാ​റി​യ മ​ന്ത്ര​പ്പാ​റ​യു​ടെ ചെ​രു​വി​ൽ കൈ​വ​രി​ക​ൾ സ്ഥാ​പി​ച്ച് സു​ര​ക്ഷ ഒ​രു​ക്കാ​ൻ അ​ധി​കൃ​ത​ർ ത​യാ​റാ​ക​ണ​മെ​ന്ന ആ​വ​ശ്യ​വും ശ​ക്ത​മാ​യി​രി​ക്കു​ക​യാ​ണ്.