പോ​ള​ണ്ടി​ൽ തൃ​ശൂ​ർ സ്വ​ദേ​ശി​യു​ടെ മ​ര​ണം: ദു​രൂ​ഹ​ത​യു​ണ്ടെ​ന്നു കു​ടും​ബം
Wednesday, May 29, 2024 1:07 PM IST
തൃ​ശൂ​ർ: പോ​ള​ണ്ടി​ൽ ജോ​ലി​ക്കാ​യി പോ​യ അ​ന്തി​ക്കാ​ട് പെ​രി​ങ്ങോ​ട്ടു​ക​ര സ്വ​ദേ​ശി​യാ​യ യു​വാ​വി​ന്‍റെ മ​ര​ണ​ത്തി​ൽ ദു​രൂ​ഹ​ത​യു​ണ്ടെ​ന്നു കു​ടും​ബം. സാ​ധാ​ര​ണ മ​ര​ണം എ​ന്ന രീ​തി​യി​ൽ വി​ധി​യെ​ഴു​തി പോ​സ്റ്റ്മോ​ർ​ട്ടം ചെ​യ്യാ​തെ ക​യ​റ്റി അ​യ​ച്ച ആ​ഷി​ക് ര​ഘു​വി​ന്‍റെ(23) മൃ​ത​ദേ​ഹം, സം​ശ​യം തോ​ന്നി​യ പി​താ​വ് നാ​ട്ടി​ൽ പോ​സ്റ്റ്‌​മോ​ർ​ട്ട​ത്തി​നു വി​ധേ​യ​മാ​ക്കി​യ​പ്പോ​ൾ ത​ല​യ്ക്കേ​റ്റ ക്ഷ​ത​മാ​ണ് മ​ര​ണ​കാ​ര​ണ​മെ​ന്നു ക​ണ്ടെ​ത്തി.

സു​ഹൃ​ത്തു​ക്ക​ൾ​ക്കൊ​പ്പം ന​ട​ന്ന ആ​ഘോ​ഷ​ത്തി​ൽ ഉ​ണ്ടാ​യ പ്ര​ശ്ന​ങ്ങ​ളാ​ണ് ഇ​തി​നു പി​ന്നി​ലെ​ന്നും ഇ​വ​രെ വി​ശ​ദ​മാ​യി ചോ​ദ്യം​ചെ​യ്താ​ൽ മ​ക​ന്‍റെ ജീ​വ​ൻ ന​ഷ്ട​പ്പെ​ട്ട​തെ​ങ്ങ​നെ​യെ​ന്നു ക​ണ്ടെ​ത്താ​മെ​ന്നും പി​താ​വ് പ​റ​യു​ന്നു. ഇ​തു​സം​ബ​ന്ധി​ച്ച് ഇ​ന്ത്യ​ൻ എം​ബ​സി​യി​ൽ അ​പേ​ക്ഷ ന​ൽ​കി​യി​ട്ടും ഇ​തു​വ​രെ മ​റു​പ​ടി ല​ഭി​ച്ചി​ട്ടി​ല്ല.

പെ​രി​ങ്ങോ​ട്ടു​ക​ര സ്വ​ദേ​ശി​ക​ളാ​യ അ​മ്പാ​ട്ട് വീ​ട്ടി​ൽ അ​ഭി​ലാ​ഷ് - ബി​ന്ദു ദ​മ്പ​തി​ക​ളു​ടെ മ​ക​നാ​ണ് ആ​ഷി​ക് ര​ഘു. കി​ഴു​പ്പി​ള്ളി​ക്ക​ര ഗ​വ. ന​ള​ന്ദ ഹ​യ​ർ സെ​ക്ക​ൻ​ഡ​റി സ്കൂ​ളി​ലാ​യി​രു​ന്നു പ​ഠ​നം. ഒ​രു വ​ർ​ഷം മു​ൻ​പ് അ​യ​ൽ​വാ​സി​യാ​യ യു​വാ​വ് മു​ഖേ​ന ആ​ഷി​ക് പോ​ള​ണ്ടി​ലെ​ത്തി. തു​ട​ക്കം റ​സ്റ്റോ​റ​ന്‍റി​ൽ ജീ​വ​ന​ക്കാ​ര​നാ​യി​ട്ടാ​യി​രു​ന്നു. തു​ട​ർ​ന്ന് ജ​ർ​മ​നി​യി​ൽ കു​റ​ച്ചു​നാ​ൾ നി​ന്നെ​ങ്കി​ലും തി​രി​കെ പോ​ള​ണ്ടി​ലെ​ത്തി.

പ​ഴ​വ​ർ​ഗ​ങ്ങ​ൾ പാ​യ്ക്ക് ചെ​യ്യു​ന്ന ക​മ്പ​നി​യി​ൽ പാ​ക്കിം​ഗ് വി​ഭാ​ഗ​ത്തി​ൽ ജോ​ലി തു​ട​ങ്ങി. മ​രി​ക്കു​ന്ന​തി​ന് ഏ​താ​നും മാ​സം​മു​ന്പ് ആ​ഷി​ക് ഫു​ഡ് ഡെ​ലി​വ​റി ചെ​യ്യു​ന്ന ജോ​ലി​യി​ലാ​യി​രു​ന്നു. മ​ല​യാ​ളി​ക​ളാ​യ ര​ണ്ടു സു​ഹൃ​ത്തു​ക്ക​ൾ​ക്കൊ​പ്പ​മാ​ണ് ആ​ഷി​ക് താ​മ​സി​ച്ചി​രു​ന്ന​ത്.

ഏ​പ്രി​ൽ ഒ​ന്നി​ന് ആ​ഷി​ക് മ​രി​ച്ച​താ​യി വീ​ട്ടി​ൽ സ​ന്ദേ​ശ​മെ​ത്തി. താ​മ​സ​സ്ഥ​ല​ത്തു മ​രി​ച്ച​നി​ല​യി​ൽ ക​ണ്ടെ​ത്തി എ​ന്നാ​ണ് സു​ഹൃ​ത്തു​ക്ക​ൾ ആ​ദ്യം പ​റ​ഞ്ഞ​ത്. ഇ​തു​പ്ര​കാ​രം സ്വാ​ഭാ​വി​ക​മ​ര​ണ​മെ​ന്നു പോ​ള​ണ്ടി​ലെ പ്രോ​സി​ക്യൂ​ട്ട​ർ വി​ധി​യെ​ഴു​തി പോ​സ്റ്റ്‌​മോ​ർ​ട്ടം ന​ട​ത്താ​തെ മൃ​ത​ദേ​ഹം ക​യ​റ്റി അ​യ​യ്ക്കു​ക​യാ​യി​രു​ന്നു.

ഇ​തി​നി​ട​യി​ൽ ആ​ഷി​ക്കി​ന്‍റെ സു​ഹൃ​ത്തു​ക്ക​ളു​ടെ മൊ​ഴി​യി​ൽ വൈ​രു​ധ്യം ക​ണ്ട പി​താ​വ് മൃ​ത​ദേ​ഹം നാ​ട്ടി​ലെ​ത്തു​മ്പോ​ൾ പോ​സ്റ്റ്മോ​ർ​ട്ടം ചെ​യ്യാ​നാ​യി പോ​ലീ​സി​ൽ അ​പേ​ക്ഷ ന​ൽ​കി. ആ​ഷി​ക്കി​ന്‍റെ മ​ര​ണം ന​ട​ന്ന ദി​വ​സം ഏ​ഴു സു​ഹൃ​ത്തു​ക്ക​ൾ ചേ​ർ​ന്നു പാ​ർ​ട്ടി​യി​ൽ പ​ങ്കെ​ടു​ത്ത​താ​യും അ​വ​സാ​നം ഇ​വ​ർ ത​മ്മി​ൽ പ്ര​ശ്ന​ങ്ങ​ൾ ന​ട​ന്ന​താ​യും സു​ഹൃ​ത്തു​ക്ക​ൾ മാ​റ്റി​പ്പ​റ​ഞ്ഞെ​ന്നു കു​ടും​ബം ആ​രോ​പി​ക്കു​ന്നു.

12നു ​നാ​ട്ടി​ലെ​ത്തി​ച്ച മൃ​ത​ദേ​ഹം പോ​സ്റ്റ്മോ​ർ​ട്ടം ചെ​യ്ത​പ്പോ​ൾ ത​ല​യ്ക്കേ​റ്റ ക്ഷ​ത​മാ​ണ് മ​ര​ണ​കാ​ര​ണ​മെ​ന്നു വ്യ​ക്ത​മാ​യി. ശ​രീ​ര​ത്തി​ൽ അ​ഞ്ചി​ട​ത്താ​യി പ​രി​ക്കു​ക​ളും ക​ണ്ടെ​ത്തി. റീ​പോ​സ്റ്റ്മോ​ർ​ട്ടം സാ​ധ്യ​ത ക​ണ​ക്കി​ലെ​ടു​ത്തു ദ​ഹി​പ്പി​ക്കു​ന്ന​തി​നു പ​ക​രം ആ​ഷി​ക്കി​ന്‍റെ മൃ​ത​ദേ​ഹം ലാ​ലൂ​രി​ൽ മ​റ​വു​ചെ​യ്യു​ക​യാ​യി​രു​ന്നു.

ദു​രൂ​ഹ​മ​ര​ണ​ത്തി​ന്‍റെ നി​ജ​സ്ഥി​തി സു​ഹൃ​ത്തു​ക്ക​ൾ​ക്ക് അ​റി​യാ​മെ​ന്നാ​ണ് കു​ടും​ബം ഉ​റ​ച്ചു​വി​ശ്വ​സി​ക്കു​ന്ന​ത്. ആ​ഷി​ക്കി​ന്‍റെ മ​ര​ണ​ത്തി​നു പി​ന്നി​ൽ ആ​രു​ടെ​യെ​ങ്കി​ലും കൈ​ക​ളു​ണ്ടോ എ​ന്ന കാ​ര്യ​ത്തി​ൽ അ​ന്വേ​ഷ​ണം ആ​വ​ശ്യ​പ്പെ​ട്ട് പി​താ​വ് ഇ​ന്ത്യ​ൻ എം​ബ​സി​യി​ൽ പ​രാ​തി ന​ൽ​കി​യി​ട്ടു​ണ്ട്.

ആ​ഷി​ക്കി​ന്‍റെ മ​ര​ണ​ത്തി​ന് ഉ​ത്ത​ര​വാ​ദി​ക​ളാ​യ​വ​ർ ഒ​രു തി​ര​ശീ​ല​യ്ക്ക​പ്പു​റം ഉ​ണ്ടെ​ന്നും അ​വ​രെ ക​ണ്ടെ​ത്ത​ണ​മെ​ന്നു​മാ​ണ് കു​ടും​ബം ആ​വ​ശ്യ​പ്പെ​ടു​ന്ന​ത്. പോ​സ്റ്റു​മോ​ർ​ട്ടം ഒ​ഴി​വാ​ക്കി ക​യ​റ്റി​അ​യ​ച്ച​തു​ത​ന്നെ തെ​ളി​വാ​ണെ​ന്നും ഇ​വ​ർ പ​റ​യു​ന്നു.
Copyright @ 2022 , Rashtra Deepika Ltd.