റ​ബ​റി​ന്‍റെ വി​ല​ത്ത​ക​ർ​ച്ച​യി​ൽ ഒ​രു​വി​ധ​ത്തി​ലും പി​ടി​ച്ചു നി​ൽ​ക്കാ​ൻ ക​ഴി​യാ​തെ വ​ന്ന​തി​നെ​ത്തു​ട​ർ​ന്നു റ​ബ​ർ മ​ര​ങ്ങ​ൾ വെ​ട്ടി​ക​ള​ഞ്ഞു കാ​ട്ടു​ക​ടു​ക്ക ന​ട്ടു വ​ള​ർ​ത്തി വ​രു​മാ​നം നേ​ടാ​നൊ​രു​ങ്ങു​ക​യാ​ണ് മു​ൻ എം​എ​ൽ​എ പി.​സി. ജോ​ർ​ജി​ന്‍റെ മ​ക​ൻ ഷോ​ണ്‍ ജോ​ർ​ജ്.

അ​ടു​ത്ത​റി​യാ​വു​ന്ന​വ​ർ ചാ​ക്കോ​ച്ച​ൻ എ​ന്ന് വി​ളി​ക്കു​ന്ന ഷോ​ണ്‍ രാ​ഷ്‌ട്രീ​യ, പൊ​തു​പ്ര​വ​ർ​ത്ത​ന​ത്തി​നി​ട​യി​ലെ തി​ര​ക്കു​ക​ൾ​ക്കി​ട​യി​ലാ​ണ് കൃ​ഷി​യി​ലും ശ്ര​ദ്ധ പ​തി​പ്പി​ക്കു​ന്ന​ത്. അ​ഞ്ചേ​ക്ക​ർ സ്ഥ​ല​മെ​ങ്കി​ലും സ്വ​ന്ത​മാ​യു​ള്ള ഒ​രാ​ളും ജീ​വി​ക്കാ​നാ​യി നാ​ടു​വി​ടേ​ണ്ട കാ​ര്യ​മി​ല്ലെ​ന്നാ​ണ് ഇ​ദ്ദേ​ഹ​ത്തി​ന്‍റെ അ​ഭി​പ്രാ​യം.

റ​ബ​റി​ന്‍റെ വി​ല​യി​ട​വ് രൂ​ക്ഷ​മാ​യ​പ്പോ​ൾ ക​ർ​ഷ​ക​ർ എ​ത്ര​യും വേ​ഗം മ​റ്റു കൃ​ഷി​യി​ലേ​ക്കു തി​രി​ഞ്ഞാ​ൽ അ​ത്ര​യും ന​ല്ല​തെ​ന്ന ഷോ​ണി​ന്‍റെ പി​താ​വ് പി.​സി.​ജോ​ർ​ജ് നി​യ​മ​സ​ഭ​യി​ൽ പ​റ​ഞ്ഞ​തു വ​ലി​യ വി​മ​ർ​ശ​ന​ത്തി​നും ഒ​ച്ച​പ്പാ​ടി​നു​മൊ​ക്കെ ഇ​ട​യാ​ക്കി​യെ​ങ്കി​ലും ചാ​ക്കോ​ച്ച​ൻ പി​താ​വി​ന്‍റെ നി​ല​പാ​ടി​ന് ഒ​പ്പം നി​ന്ന് റ​ബ​ർ വെ​ട്ടി മാ​റ്റി കാ​ട്ടു​ക​ടു​ക്ക​യി​ലേ​ക്കും മ​റ്റു ഫ​ല​വ​ർ​ഷ കൃ​ഷി​ക​ളി​ലേ​ക്കും തി​രി​യു​ക​യാ​യി​രു​ന്നു.

മ​ല​വേ​പ്പ്, കാ​ട്ടു​വേ​പ്പ് എ​ന്നൊ​ക്കെ​യാ​ണു കാ​ട്ടു​ക​ടു​ക്ക​യു​ടെ മ​റ്റു പേ​രു​ക​ൾ. മീ​ലി​യ ഡു​ബി​യ എ​ന്നാ​ണ് ശാ​സ്ത്രീ​യ നാ​മം. കോ​ട്ട​യം ജി​ല്ല​യി​ൽ ഈ​രാ​റ്റു​പേ​ട്ട​യ്ക്കു സ​മീ​പം ചേ​ന്നാ​ട്ടി​ലാ​ണു ചാ​ക്കോ​ച്ച​ന്‍റെ ക​ടു​ക്കാ​ത്തോ​ട്ടം.



വ​ള​വും പു​ള​വു​മി​ല്ലാ​തെ നേ​രേ മു​ക​ളി​ലേ​ക്കു വ​ള​ർ​ന്നു നി​ൽ​ക്കു​ക​യാ​ണ് ഓ​രോ മ​ര​ങ്ങ​ളും. അ​റേ​ക്ക​ർ സ്ഥ​ല​ത്ത് 1100 മ​ര​ങ്ങ​ളാ​ണു ന​ട്ടി​രി​ക്കു​ന്ന​ത്. ഏ​ഴു വ​ർ​ഷം പ്രാ​യ​മാ​യി. ഇ​നി മൂ​ന്നു വ​ർ​ഷം കൂ​ടി ക​ഴി​ഞ്ഞാ​ൽ വെ​ട്ടി വി​ൽ​ക്കാം.

കു​റ​ഞ്ഞ​ത് ഒ​ന്ന​ര​കോ​ടി രൂ​പ​യെ​ങ്കി​ലും കി​ട്ടു​മെ​ന്നാ​ണ് ചാ​ക്കോ​ച്ച​ന്‍റെ ക​ണ​ക്കു​കൂ​ട്ട​ൽ. 60 ഇ​ഞ്ച് വ​ണ്ണ​മു​ള്ള ഒ​രു മ​ര​ത്തി​ന് 15000 രൂ​പ വ​രെ കി​ട്ടും. ഒ​രേ​ക്ക​റി​ൽ 200 മ​രം വ​രെ ന​ടാം. ന​ന്നാ​യി പ​രി​പാ​ലി​ച്ചാ​ൽ മ​ര​ത്തി​ൽ കു​രു​മു​ളു​കും ക​യ​റ്റി​വി​ടാം. വാ​ഴ​യോ ക​പ്പ​യോ ഇ​ട​വി​ള​ക​ളാ​യി ന​ടു​ന്ന​തി​നും കു​ഴ​പ്പ​മി​ല്ല.

കാ​ട്ടു​ക​ടു​ക്ക സോ​ഫ്റ്റ് വു​ഡ് ഇ​ന​ത്തി​ൽ​പ്പെ​ട്ട ത​ടി​യാ​ണ്. പ്ലൈ​വു​ഡ് നി​ർ​മാ​ണ​ത്തി​നാ​ണ് പ്ര​ധാ​ന​മാ​യും ഉ​പ​യോ​ഗി​ക്കു​ന്ന​ത്. ചി​ത​ൽ പി​ടി​ക്കി​ല്ലാ​ത്ത​തി​നാ​ൽ ന​ല്ല ഡി​മാ​ൻ​ഡാ​ണ്. വ​ള​വി​ല്ലാ​തെ നേ​രെ മു​ക​ളി​ലേ​ക്കു വ​ള​രു​മെ​ന്ന​താ​ണ് ഇ​തി​ന്‍റെ പ്ര​ത്യേ​ക​ത.


വ​ള​രെ കു​റ​ച്ചു സ​മ​യ​ത്തി​നു​ള്ളി​ൽ മി​ക​ച്ച വ​രു​മാ​നം ത​രി​ക​യും ചെ​യ്യും. വ​ലി​യ പ​രി​ച​ര​ണ​മാ​വ​ശ്യ​മു​മി​ല്ല. കോ​ഴി​വ​ള​മോ ചാ​ണ​ക​മോ ന​ൽ​കി​യാ​ൽ അ​ഞ്ചോ ആ​റോ വ​ർ​ഷ​ത്തി​നു​ള്ളി​ൽ മു​റി​ച്ചു വി​ൽ​ക്കാം. സാ​ധാ​ര​ണ ഏ​ഴു വ​ർ​ഷ​മാ​കു​ന്പോ​ൾ 40 അ​ടി വ​രെ വ​ള​രും.

50 ഇ​ഞ്ചോ​ളം വ​ണ്ണം വ​യ്ക്കു​ക​യും ചെ​യ്യും. ക​ണ്ണൂ​ർ, കാ​സ​ർ​കോ​ഡ് തു​ട​ങ്ങി​യ മേ​ഖ​ല​യി​ൽ ഇ​പ്പോ​ൾ കൃ​ഷി വ്യാ​പ​ക​മാ​യി​ട്ടു​ണ്ട്. വ​നം വ​കു​പ്പും അ​ടു​ത്ത നാ​ളി​ൽ തേ​ക്കു കൃ​ഷി വി​ട്ട് മ​ല​വേ​പ്പി​ലേ​ക്കു തി​രി​ഞ്ഞി​ട്ടു​ണ്ട്.

കാ​ട്ടു​ക​ടു​ക്ക മാ​ത്ര​മ​ല്ല ചാ​ക്കോ​ച്ച​ന് ഫ​ല​വ​ർ​ഗ കൃ​ഷി​യു​മു​ണ്ട്. വാ​ഗ​മ​ണ്‍ പു​ള​ളി​ക്കാ​ന​ത്തി​നു സ​മീ​പം 27 ഏ​ക്ക​ർ സ്ഥ​ല​ത്ത് 6000 കാ​പ്പി, 200 റം​ബൂ​ട്ടാ​ൻ, 900 ക​മു​ക്, 100 പ്ലാ​വ്, 50 ക​ശു​മാ​വ് എ​ന്നി​ങ്ങ​നെ പോ​കു​ന്നു അ​ത്.

ന​ല്ല ത​ണു​പ്പു​ള്ള സ്ഥ​ല​മാ​ണ് കൃ​ഷി​ക്ക് അ​നു​യോ​ജ്യം. പ​റ​ന്പി​ൽ കൂ​ടി ര​ണ്ട് അ​രു​വി​ക​ൾ ഒ​ഴു​കു​ന്ന​തി​നാ​ൽ ജ​ല​സേ​ച​നം എ​ളു​പ്പ​മാ​ണ്. ഭാ​വി​യി​ൽ ഫാം ​ടൂ​റി​സ​ത്തി​നും ചാ​ക്കോ​ച്ച​ന് പ​ദ്ധ​തി​യു​ണ്ട്. ഈ​രാ​റ്റു​പേ​ട്ട ചേ​ന്നാ​ട് ക​വ​ല​യി​ലെ വീ​ടി​ന്‍റെ മു​റ്റ​ത്തും വ്യ​ത്യ​സ്ത​മാ​യ ഫ​ല​വ​ർ​ഗ​ങ്ങ​ളും മ​ര​ങ്ങ​ളു​ണ്ട്.

ഇ​ല​ഞ്ഞി, ഗ്രാ​ന്പു, കു​രു​മു​ള​ക്, ച​ന്ദ​നം, അ​ന്പ​ഴം, നാ​ട​ൻ​മാ​വ്, മാ​ങ്കോ​സ്റ്റി​ൻ, മാ​ജി​ക് ഫ്രൂ​ട്ട്, നാ​ർ​ത്ത​ങ്ങ, സ​പ്പോ​ട്ട,ഫി​ലോ​സാ​ൻ, ചു​വ​ടി​നു 4000 രൂ​പ വി​ല​യു​ള്ള ഇ​ല്ലി, അ​ബി​യു, ഡ്രാ​ഗ​ണ്‍ ഫ്രൂ​ട്ട്, ദു​ക്കു, മ​ര​മു​ന്തി​രി, ലോം​ഗ്കോം​ഗ്, അ​ച്ചാ​ചെ​യ്റു തു​ട​ങ്ങി​യ​വ അ​വ​യി​ൽ ചി​ല​തു മാ​ത്രം.

വീ​ടി​നോ​ടു ചേ​ർ​ന്നു ത​ഴ​ച്ചു വ​ള​രു​ന്ന ജാ​തി മ​ര​ങ്ങ​ളു​മു​ണ്ട്. ക​ഴി​ഞ്ഞ വി​ള​വെ​ടു​പ്പി​ൽ ഒ​രു ജാ​തി​യി​ൽ നി​ന്നു മാ​ത്രം 9500 രൂ​പ കി​ട്ടി. അ​തി​ൽ നാ​ലാ​യി​ര​വും മി​ച്ച​മാ​യി​രു​ന്നു. ഒ​രേ​ക്ക​ർ സ്ഥ​ല​ത്ത് 100 ജാ​തി ന​ട്ടു വ​ള​ർ​ത്തി​യാ​ൽ നാ​ലു ല​ക്ഷം രൂ​പ വ​ർ​ഷം സ​ന്പാ​ദി​ക്കാ​മെ​ന്നാ​ണ് ചാ​ക്കോ​ച്ച​ൻ പ​റ​യു​ന്ന​ത്.

ജി​ല്ലാ പ​ഞ്ചാ​യ​ത്തം​ഗം, പാ​ർ​ട്ടി പ്ര​വ​ർ​ത്ത​നം, മീ​ന​ച്ചി​ൽ ഈ​സ്റ്റ് ബാ​ങ്ക് വൈ​സ് ചെ​യ​ർ​മാ​ൻ, അ​ഭി​ഭാ​ഷ​ക വൃ​ത്തി, പൊ​തു​പ​രി​പാ​ടി​ക​ൾ, വീ​ട്ടു​പ​രി​പാ​ടി​ക​ൾ തു​ട​ങ്ങി​യ തി​ര​ക്കു​ക​ൾ​ക്കി​ട​യി​ലും ദി​വ​സ​വും ഒ​രു മ​ണി​ക്കൂ​റെ​ങ്കി​ലും കൃ​ഷി​ക്കാ​യി മാ​റ്റി​വ​യ്ക്കാ​ൻ ചാ​ക്കോ​ച്ച​ൻ ശ്ര​ദ്ധി​ക്കാ​റു​ണ്ട്.

ഫോ​ണ്‍: 9947120002