നല്ല വെയിലും ചൂടും ലഭിക്കുന്ന സ്ഥലത്തായിരിക്കണം കൃഷി ചെയ്യേണ്ടത്. സാധാരണ കീടബാധയുണ്ടാകാറില്ല. രമാഭായി ടീച്ചർ സ്വന്തമായി ഉണ്ടാക്കുന്ന ജൈവ വളങ്ങളാണ് ഉപയോഗിക്കുന്നത്.
കരിയില കന്പോസ്റ്റ്, അടുക്കള കന്പോസ്റ്റ്, മിക്സഡ് കന്പോസ്റ്റ്, ഫിഷ് അമിനോ എന്നിവയാണ് വളമായി കൊടുക്കുന്നത്.
വിദേശി പിത്താഴപ്പഴം, സ്നോബെറി എന്നീ പേരുകളിലറിയപ്പെടുന്ന ഡ്രാഗണ് ഫ്രൂട്ട് വിദേശിയാണ്. കള്ളിമുൾച്ചെടിയുടെ വർഗക്കാരൻ.
പത്തൊൻപതാം നൂറ്റാണ്ടു മുതൽ അമേരിക്ക, മെക്സിക്കോ തുടങ്ങിയ രാജ്യങ്ങളിൽ വ്യാപകമായി ഇത് കൃഷി ചെയ്തു വരുന്നു. ക്രമേണ ഏഷ്യൻ രാജ്യങ്ങളിലുമെത്തി.
ഇപ്പോൾ കേരളത്തിലും വ്യാപകമാണ്. ചുവപ്പ്, പിങ്ക്, വെള്ള, മഞ്ഞ നിറങ്ങളിലായി നാലിനങ്ങളുണ്ട്. വാണിജ്യാടിസ്ഥാനത്തിൽ കൃഷിക്ക് അനുയോജ്യം പിങ്ക് നിറത്തിലുള്ള മലേഷ്യൻ റോയൽ റെഡ് ഇനമാണ്.
ഇതിന്റെ പഴത്തിന് ഭാരക്കൂടുതലുമുണ്ട്. പഴങ്ങളിൽ രണ്ടാമനായ പപ്പായയും രമാഭായി കൃഷി ചെയ്യുന്നുണ്ട്.
രോഗപ്രതിരോധശേഷിയും ഗുണമേന്മയും ഡ്രാഗണ് ഫ്രൂട്ടിൽ പ്രോട്ടീനുകൾ, നാരുകൾ, വിറ്റാമിനുകൾ എന്നിവ അടങ്ങിയിരിക്കുന്നു. ഇരുന്പ്, കാത്സ്യം, പൊട്ടാസ്യം, മഗ്നീഷ്യം, ഫോസ്ഫറസ് എന്നിവയുടെ നിറകുടം. ആന്റി ഓക്സൈഡുകളായ ഫ്ളുവനോയിഡുകൾ, ബീറ്റാ സായാനിൻ എന്നിവയും അടങ്ങിയിരിക്കുന്നു.
ഫാറ്റി ആസിഡുകളായ ഒമേഗ3, ഒമേഗ5 എന്നിവ സമൃദ്ധം. കാൻസറിന് കാരണക്കാരായ ഫ്രീ റാഡിക്കലുകളെ കീഴടക്കുന്നു. പ്രമേഹ രോഗികൾക്ക് ഫലപ്രദം. കാഴ്ചശക്തി വർധിപ്പിക്കും, ത്വക്കിനെ സംരക്ഷിക്കുകയും ചെയ്യും.
ഫോണ്: 9349937641
പ്രദീപ് ചാത്തന്നൂർ