പ്രതിരോധ മന്ത്രാലയത്തിനു കീഴിൽ പ്രവർത്തിക്കുന്ന ഭാരത് ഇലക്ട്രോണിക്സിന്റെ ചെന്നൈ, ഹൈദരാബാദ് യൂണിറ്റുകളിലായി അപ്രന്റിസ് ട്രെയിനികളുടെ 155 ഒഴിവിലേക്ക് അപേക്ഷ ക്ഷണിച്ചു.
ചെന്നൈ- 71, ഹൈദരാബാദ്- 84 ഒഴിവുകളാണ് ഉള്ളത്. വാക്ക്-ഇൻ സെലക്ഷൻ മുഖേനയാണ് തെരഞ്ഞെടുപ്പ്. ഒരു വർഷത്തേക്കാണ് പരിശീലനം.
ഹൈദരാബാദ്
ഗ്രാജ്രുവേറ്റ് അപ്രന്റിസ്: ഇലക്ട്രോണിക്സ്- 35, കംപ്യൂട്ടർ സയൻസ്- എട്ട്, മെക്കാനിക്കൽ- ആറ്, ഇലക്ട്രിക്കൽ- രണ്ട്, സിവിൽ- രണ്ട്.
ടെക്നീഷ്യൻ (ഡിപ്ലോമ) അപ്രന്റിസ്: ഇലക്ട്രോണിക്സ്- 14, മെക്കാനിക്കൽ- 13, സിവിൽ - രണ്ട്, ഡിസിസിപി- രണ്ട്.
വാക്ക് ഇൻ സെലക്ഷൻ ഡിസംബർ 23ന് നടക്കും.
ചെന്നൈ ഗ്രാജുവേറ്റ് അപ്രന്റിസ്
ഇലക്ട്രോണിക്സ് ആൻഡ് കമ്യൂണിക്കേഷൻ- 27, മെക്കാനിക്കൽ- 24, ഇലക്ട്രിക്കൽ ആൻഡ് ഇലക്ട്രോണിക്സ്- അഞ്ച്, കംപ്യൂട്ടർ സയൻസ്- മൂന്ന്, സിവിൽ- 4.
ടെക്നീഷ്യൻ (ഡിപ്ലോമ) അപ്രന്റിസ്
ഇലക്ട്രോണിക്സ്& കമ്യൂണിക്കേഷൻ - നാല്, മെക്കാനിക്കൽ -നാല്.
ഇന്റർവ്യൂ ഡിസബംർ 24 ന് നടക്കും.
യോഗ്യത: ഗ്രാജ്വേറ്റ് അപ്രന്റിസ് തസ്തികയിലേക്ക് ബന്ധപ്പെട്ട ബ്രാഞ്ചിൽ എൻജിനിയറിംഗ് ബിരുദവും ടെക്നീഷ്യൻ അപ്രന്റിസ് തസ്തികയിലേക്കു ബന്ധപ്പെട്ട ബ്രാഞ്ചിൽ ഡിപ്ലോമയുമാണ് യോഗ്യത. 2020 ലോ അതിനു ശേഷമോ നേടിയ യോഗ്യതയെ പരിഗണിക്കുകയുള്ളൂ. അപേക്ഷകർ നാഷണൽ അപ്രന്റിസ് ട്രെയിനിംഗ് പോർട്ടലായ www.mhrdnats.gov.in ൽ രജിസ്റ്റർ ചെയ്തിരിക്കണം.
പ്രായപരിധി: 18നും 25 വയസിനും മധ്യേ. സംവരണ വിഭാഗക്കാർക്ക് നിയമാനുസൃത ഇളവ് ലഭിക്കും. സ്റ്റൈപ്പെൻഡ്: ഗ്രാജ്വേറ്റ് അപ്രന്റിസുമാർക്ക് 11,110 രൂപയും ടെക്നീഷ്യൻ അപ്രന്റിസുമാർക്ക് 10,400 രൂപയുമാണ് പ്രതിമാസ സ്റ്റൈപ്പെൻഡ്.
അപേക്ഷ: www.bel-india.in എന്ന വെബ്സൈറ്റിലൂടെ ഓണ്ലൈനായി അപേക്ഷ സമർപ്പിക്കണം. കൂടുതൽ വിവരങ്ങൾക്ക് വെബ്സൈറ്റ് സന്ദർശിക്കുക.