മുംബൈ നേവൽ ഡോക്‌യ‌ാ ർഡിലെ അപ്രന്‍റിസ് സ്കൂളിൽ 301 ഒഴിവ്. മാർച്ചിൽ പ്രസിദ്ധീകരിച്ച വിജ്ഞാപനം റദ്ദാക്കിയുള്ള പുതുക്കിയ വിജ്ഞാപനമാണ്. ജൂലൈ/ഓഗസ്റ്റിൽ പരിശീലനം ആരംഭിക്കും. സ്ത്രീകൾക്കും അവസരമുണ്ട്. മേയ് 10 വരെ അപേക്ഷിക്കാം.
ഒഴിവുള്ള ട്രേഡുകൾ: ഇലക്‌ട്രീഷൻ, ഇലക്ട്രോപ്ലേറ്റർ, ഫിറ്റർ, ഫൗണ്‍ട്രിമാൻ, മെക്കാനിക് (ഡീസൽ), ഇൻസ്ട്രുമെന്‍റ് മെക്കാനിക്, മെഷീനിസ്റ്റ്, എംഎംടിഎം, പെയിന്‍റർ, പാറ്റേണ്‍ മേക്കർ, പൈപ്പ് ഫിറ്റർ, ഇലക്ട്രോണിക്സ് മെക്കാനിക്, മെക്കാനിക് റെഫ്രിജറേഷൻ ആൻഡ് എസി, ഷീറ്റ് മെറ്റൽ വർക്കർ, ഷിപ്റൈറ്റ് (വുഡ്), ടെയിലർ, വെൽഡർ, മേസണ്‍, ഐ ആൻഡ് സിടിഎസ്എം, ഷിപ്റ്റ് (സ്റ്റീൽ), റിഗ്ഗർ, ഫോർജർ ആൻഡ് ഹീറ്റ് ട്രീറ്റർ.
യോഗ്യത: റിഗർ- എട്ടാം ക്ലാസ് ജയം; ഫോർജർ ആൻഡ് ഹീറ്റ് ട്രീറ്റർ: പത്താം ക്ലാസ് ജയം. മറ്റു ട്രേഡുകളിൽ: ഐടിഐ ജയം (എൻസിവിടി/ എസ്‌സിവിടി). ശാരീരിക യോഗ്യത: ഉയരം 150 സെ.മീ, തൂക്കം 45 കിലോയിൽ കുറയരുത്, നെഞ്ചളവ് കുറഞ്ഞത് 5 സെ.മീ വികാസം. പ്രായം: കുറഞ്ഞത് 14 വയസ്.
https://registration.ind.in