ന്യൂഡൽഹി ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്, നഴ്സിംഗ് ഓഫീസർ റിക്രൂട്ട്മെന്‍റ് കോമൺ എലിജിബിലിറ്റി ടെസ്റ്റിന് ( NORCET 2021 ) അപേക്ഷ ക്ഷണിച്ചു.
ഭിട്ടൻഡ, ഭോപ്പാൽ, ഭുവനേശ്വർ, ബിലാസ്പുർ, ദേവ്‌ഘർ, ഗോരഖ്പുർ, വിജയ്പുർ, ജമ്മു, ജോധ്പുർ, കല്യാണി, മംഗളഗിരി, നാഗ്പുർ, ഡൽഹി, പറ്റ്ന, റായ്ബറേലി, റായ്പുർ, രാജ്കോട്ട്, ഋഷികേശ്, ബിബിനഗർ എയിംസുകളിലാണ് ഒഴിവ്. ഒക്ടോബർ 30 വരെ ഓൺലൈനായി അപേക്ഷിക്കാം.
യോഗ്യത: 1. ബിഎസ്‌സി (ഓണേഴ്സ്) നഴ്സിംഗ്/ബിഎസ്‌സി നഴ്സിംഗ് അല്ലെങ്കിൽ ബിഎസ്‌സി (പോസ്റ്റ് സർട്ടിഫിക്കറ്റ്)/പോസ്റ്റ് ബേസിക് ബിഎസ്‌സി നഴ്സിംഗ്. സ്റ്റേറ്റ്/ഇന്ത്യൻ നഴ്സിംഗ് കൗൺസിലിൽ നഴ്സസ് ആൻഡ് മിഡ്‌വൈഫ് രജിസ്ട്രേഷൻ. 2. ജനറൽ നഴ്സിംഗ് ആൻഡ് മിഡ്‌വൈഫറി ഡിപ്ലോമ. സ്റ്റേറ്റ്/ഇന്ത്യൻ നഴ്സിംഗ് കൗൺസിലിൽ നഴ്സസ് ആൻഡ് മിഡ്‌വൈഫ് രജിസ്ട്രേഷൻ. കുറഞ്ഞത് അന്പതു കിടക്കകളുള്ള ആശുപത്രിയിൽ രണ്ടു വർഷത്തെ പ്രവൃത്തിപരിചയം.
പ്രായം: 18- 30 വയസ്. സംവരണ വിഭാഗക്കാർക്ക് ഉ‍യർന്ന പ്രായത്തിൽ ഇളവ് ലഭിക്കും.
ശന്പളം: 9,300- 34,800 രൂപ. ഗ്രേഡ് പേ 4,600 രൂപ.
അപേക്ഷാ ഫീസ്: 3,000 രൂപ. പട്ടികവിഭാഗം/ഇഡബ്ല്യുഎസ് 2,500 രൂപ. ഭിന്നശേഷിക്കാർക്ക് ഫീസില്ല.
തെരഞ്ഞെടുപ്പ്: നവംബർ 20 ന് ഓൺലൈൻ പരീക്ഷ നടക്കും.
കൂടുതൽ വിവരങ്ങൾക്ക് www.aiimsexams.ac.in.