കേന്ദ്ര പൊതുമേഖലാ സ്ഥാപനമായ ഇന്ത്യൻ റെയർ എർത്ത്സ് ലിമിറ്റഡിൽ (ഐആർഇഎൽ) അപ്രന്‍റീസ്ഷിപ്പിന് അവസരം. കൊല്ലം ചവറയിലെ യൂണിറ്റിലും ഒഡീഷയിലെ ഗഞ്ജാമിലുള്ള ഓസ്കോം യൂണിറ്റിലുമാണ് അവസരം. ചവറയിൽ 22 ഒഴിവും ഒഡീഷയിലെ ഓസ്കാം യൂണിറ്റിൽ 71 ഒഴിവുമാണുള്ളത്. ഒരു വർഷമാണ് അപ്രന്‍റീസ്ഷിപ്പ് കാലാവധി.
ചവറ
ട്രേഡ് അപ്രന്‍റീസ്
ഒഴിവ്: പ്ലംബർ രണ്ട്, ഡ്രാഫ്റ്റ്സ്മാൻ മെക്കാനിക്കൽ ഒന്ന്, എംആർഎസി ഒന്ന്, ഡ്രാഫ്റ്റ്മാൻ സിവിൽ ഒന്ന്, പാസ്സാ/കോപ്പ രണ്ട്, എഎഒപി രണ്ട്.
യോഗ്യത: എഎഒപി ട്രേഡിലേക്ക് ബിഎസ്‌സിയും (കെമിസ്ട്രി) മറ്റുള്ളവയിലേക്ക് ബന്ധപ്പെട്ട ട്രേഡിൽ ഐടിഐയുമാണ് വേണ്ടത്.
വൊക്കേഷണൽ അപ്രന്‍റിസ് (പ്ലസ്ടു)
ഒഴിവ്: ഓഫീസ് സെക്രട്ടറിഷിപ്പ് രണ്ട്, അക്കൗണ്ടൻസി ആൻഡ് ഓഡിറ്റിംഗ് രണ്ട്, മാർക്കറ്റിംഗ് ആൻഡ് സെയിൽസ്‌മാൻഷിപ്പ് ഒന്ന്, മെഡിക്കൽ ലാബ് ഒന്ന്.
യോഗ്യത: അതത് വിഷയത്തിൽ വിഎച്ച്എസ്‌സി.
ഗ്രാജുവേറ്റ് അപ്രന്‍റിസ്
ഒഴിവ്: മെക്കാനിക്കൽ ഒന്ന്, ഇലക്‌ട്രിക്കൽ ഒന്ന്, കംപ്യൂട്ടർ സയൻസ് ഒന്ന്
യോഗ്യത: അതത് വിഷയത്തിൽ ബിടെക്.
ടെക്നീഷ്യൻ അപ്രന്‍റീസ്
ഒഴിവ്: മെക്കിനക്കൽ ഒന്ന്, ഇലക്‌ട്രിക്കൽ ഒന്ന്, സിവിൽ ഒന്ന്.
യോഗ്യത: അതത് വിഷയത്തിൽ ഡിപ്ലോമ.
പ്രായം: 18- 25 വയസ്. ഉയർന്ന പ്രായപരിധിയിൽ എസ്‌സി, എസ്ടി വിഭാഗക്കാർക്ക് അഞ്ചും ഒബിസി വിഭാഗക്കാർക്ക് മൂന്നും വർഷം ഇളവ് ലഭിക്കും. ഭിന്നശേഷിക്കാർക്ക് നിയമാനുസൃത ഇളവ് ഉണ്ട്. അപേക്ഷ സ്വീകരിക്കുന്ന അവസാന തീയതി അടിസ്ഥാനമാക്കിയാണ് പ്രായം കണക്കാക്കുക.
ഓസ്കാം യൂണിറ്റ്, ഒഡീഷ
ഗ്രാജുവേറ്റ് അപ്രന്‍റീസ്
മെക്കാനിക്കൽ, ഇലക്‌ട്രിക്കൽ, ഇൻഡസ്ട്രിയൽ എൻജിനിയറിംഗ്, കംപ്യൂട്ടർ സയൻസ്, സിവിൽ, കെമിക്കൽ വിഭാഗങ്ങളിലായി 11 ഒഴിവ്.
യോഗ്യത: ബന്ധപ്പെട്ട വിഷയത്തിൽ എൻജിനിയറിംഗ്/ടെക്നോളജി ബിരുദം/തത്തുല്യം.
ടെക്നീഷ്യൻ അപ്രന്‍റീസ്
മെക്കാനിക്കൽ, ഇലക്‌ട്രിക്കൽ, സിവിൽ, കെമിക്കൽ വിഭാഗങ്ങളിലായി 13 ഒഴിവ്.
യോഗ്യത: ബന്ധപ്പെട്ട എൻജിനിയറിംഗ്/ടെക്നോളജി വിഷയത്തിൽ ഡിപ്ലോമ.
ട്രേഡ് അപ്രന്‍റീസ്
ഫിറ്റർ, ഇലക്‌ട്രീഷ്യൻ, മെഷനിസ്റ്റ്, എംഎംവി, ടർണർ, പെയിന്‍റർ, ലാബ് അസിസ്റ്റന്‍റ് (കെമിക്കൽ പ്ലാന്‍റ്), പ്ലംബർ, വെൽഡർ, കംപ്യൂട്ടർ ഓപ്പറേറ്റർ ആൻഡ് പ്രോഗ്രാമിംഗ് അസിസ്റ്റന്‍റ് (കോപ്പ), സ്റ്റെനോഗ്രാഫി ആൻഡ് സെക്രട്ടേറിയൽ പ്രാക്ടീസ് എന്നീ ട്രേഡുകളിലായി 47 ഒഴിവുണ്ട്.
യോഗ്യത: പന്ത്രണ്ടാംക്ലാസ് സന്പ്രദായത്തിൽ പത്താംക്ലാസ്/എട്ടാംക്ലാസ് വിജയവും ബന്ധപ്പെട്ട ട്രേഡിൽ ഐടിഐയും ലാബ് അസിസ്റ്റന്‍റ് ട്രേഡിലേക്ക് കെമിസ്ട്രി, ഫിസിക്സ് വിഷയങ്ങൾ ഉൾപ്പെടെ ബിഎസ്‌സിക്കാർക്കും അപേക്ഷിക്കാം.
പ്രായം: 18- 25 വയസ്. ഉയർന്ന പ്രായപരിധിയിൽ എസ്‌സി, എസ്ടി വിഭാഗക്കാർക്ക് അഞ്ചും ഒബിസി വിഭാഗക്കാർക്ക് മൂന്നും വർഷം ഇളവ് ലഭിക്കും. ഭിന്നശേഷിക്കാർക്ക് നിയമാനുസൃത ഇളവ് ഉണ്ട്. അപേക്ഷ സ്വീകരിക്കുന്ന അവസാന തീയതി അടിസ്ഥാനമാക്കിയാണ് പ്രായം കണക്കാക്കുക.
അപേക്ഷ: wwww.portal.mhrdnats.gov.in, www.appernticeship.gov.in മുഖേന രജിസ്റ്റർ ചെയ്ത ശേഷമാണ് അപേക്ഷിക്കേണ്ടത്. വിശദവിവരങ്ങൾക്കും അപേക്ഷാ ഫോമിനും www.irel.co.in എന്ന വെബ്സൈറ്റ് സന്ദർശിക്കുക. ബന്ധപ്പെട്ട രേഖകളുടെ സ്വയം സാക്ഷ്യപ്പെടുത്തിയ പകർപ്പ് സഹിതാണ് അപേക്ഷിക്കേണ്ടത്. അപേക്ഷ സ്വീകരിക്കുന്ന അവസാന തീയതി സെപ്റ്റംബർ അഞ്ച് (ചവറ), സെപ്റ്റംബർ ഒന്പത് (ഓസ്കോം).