കല്യാണം മുതൽ പൊതു ചടങ്ങുകൾ വരെ ഇവന്റ് മാനേജ്മെന്‍റുകാരെ ഏൽപ്പിക്കുക സാധാരണയായിരിക്കുന്നു. പ്രഫഷണൽ ഇവന്റ് മാനേജ്മെന്റ് ഗ്രൂപ്പുകൾ കൂടുതലായി രാജ്യത്തിനകത്തും വിദേശത്തും ചുവടുറപ്പിച്ചു കഴിഞ്ഞു. പരിപാടികൾ കുറ്റമറ്റ രീതിയിൽ സംഘടിപ്പിക്കാനാണ് ഇവന്റ് മാനേജ്മെന്റ് ഗ്രൂപ്പിന്‍റെ സഹായം തേടുന്നത്. പദ്ധതി രൂപീകരണം, ബജറ്റിംഗ്, സംഘാടനം എന്നിവ ഇതിൽപ്പെടും. ഇവന്റ് മാനേജർമാർ, കൺസൾട്ടന്‍റുമാർ, ഇവന്റ് കോഓർഡിനേറ്റർമാർ എന്നീ മേഖലകളിൽ തിളങ്ങാൻ കഴിഞ്ഞാൽ കൈനിറയെ പണം കിട്ടുമെന്ന കാര്യത്തിൽ സംശയം വേണ്ട. ഇതിനു വേണ്ട പരിശീലനം നൽകുന്ന സ്ഥാപനങ്ങളും ഇന്നു നിലവിലുണ്ട്. ബിരുദ കോഴ്സുകൾ മുതൽ എംബിഎ വരെ നടത്തുന്ന സ്ഥാപനങ്ങളുണ്ട്.
ഇന്ത്യൻ ഇൻസ്റ്റിറ്റ്യൂട്ട് ഓഫ് ഇവന്റ് മാനേജ്മെന്റ്- മുംബൈ, പേൾ അക്കാഡമി- മുംബൈ, നാഷൽ അക്കാഡമി ഓഫ് ഇവന്റ് മാനേജ്മെന്റ് ആൻഡ് ഡവലപ്മെന്‍റ് - ജയ്പൂർ എന്നിവ രാജ്യത്തെ പ്രധാനപ്പെട്ട സ്ഥാപനങ്ങളാണ്.
കോർപറേറ്റ് ഹൗസുകൾ , മാധ്യമങ്ങൾ, ഇവന്റ് മാനേജ്മെന്റ് കന്പനികൾ, മാർക്കറ്റിംഗ് സ്ഥാപനങ്ങൾ, ഫാഷൻ ഗ്രൂപ്പുകൾ എന്നിവിടങ്ങളിലെല്ലാം ഇവന്റ് മാനേജ്മെന്റ് പ്രഫഷണലുകൾക്ക് ഏറെ സാധ്യതകളാണുള്ളുത്.
നാഷണൽ അക്കാഡമി ഓഫ് ഇവന്റ് മാനേജ്മെന്റ് ആൻഡ് ഡെവലപ്മെന്‍റ്
ജയ്പൂർ ആസ്ഥാനമായുള്ള ഇൻസ്റ്റിറ്റ്യൂട്ടീന് അഹമ്മദാബാദ്, ന്യൂഡൽഹി, ജയ്പൂർ,മുംബൈ എന്നിവിടങ്ങളിൽ കാന്പസുകളുണ്ട്. ബിബിഎ മുതൽ എംബിഎ വരെയുള്ള കോഴ്സുകളും അവർ നടത്തുന്നുണ്ട്.
എംബിഎ- ഇവന്റ് മാനേജ്മെന്റ് ആൻഡ് പബ്ലിക് റിലേഷൻസ്: അഡ്വർട്ടൈസിംഗ് ആൻഡ് മീഡിയ, ട്രാവൽ ആൻഡ് ടൂറിസം, ഹോസ്പിറ്റാലിറ്റി, ഇവന്റ് മാനേജ്മെന്റ് ആൻഡ് പബ്ലിക് റിലേഷൻസ് എന്നീ മേഖലകളിൽ തൊഴിൽ ലഭിക്കാവുന്ന രീതിയിലാണു കോഴ്സ് രൂപകൽപ്പന ചെയ്തിരിക്കുന്നത്. രണ്ടു വർഷമാണു കോഴ്സിന്റെ കാലാവധി. ബിബിഎ ഇവന്റ് മാനേജ്മെന്റ് ആൻഡ് പബ്ലിക് റിലേഷൻസ്: മൂന്നു വർഷത്തെ കോഴ്സിന് പ്ലസ്ടു കഴിഞ്ഞവർക്കും അവസാന വർഷ വിദ്യാർഥികൾക്കും അപേക്ഷിക്കാം. ഡിഎഎംഇ-ഡിപ്ലോമ ഇൻ ആസ്പെക്ട്സ് ഓഫ് മീഡിയ, മാർക്കറ്റിംഗ് ആൻഡ് ഇവന്‍റ്സ്: ഒരു വർഷമാണ്് കോഴ്സിന്റെ കാലാവധി. പ്ലസ്ടു കഴിഞ്ഞവർക്കും അവസാന വർഷ വിദ്യാർഥികൾക്കും അപേക്ഷിക്കാം. കേസ് സ്റ്റഡീസ്, വർക്ക് ഷോപ്, പ്രോജക്ട് എന്നിവ കോഴ്സിന്റെ ഭാഗമായുണ്ട്. പിജിഡിഎഎംഇ-ഡിപ്ലോമ ഇൻ ആസ്പെക്ട്സ് ഓഫ് മീഡിയ, മാർക്കറ്റിംഗ് ആൻഡ് ഇവന്‍റ്സ്: ഒരു വർഷത്തെ കോഴ്സിന് ബിരുദധാരികൾക്ക് അപേക്ഷിക്കാം. കേസ് സ്റ്റഡീസ്, വർക്ഷോപ്, പ്രോജക്ട് എന്നിവ കോഴ്സിന്റെ ഭാഗമായുണ്ട്. ഡിഇഎം- ഡിപ്ലോമ ഇൻ ഇവന്റ് മാനേജ്മെന്റ്: ഒരു വർഷമാണ്് കോഴ്സിന്റെ കാലാവധി. പ്ലസ്ടു കഴിഞ്ഞവർക്കും അവസാന വർഷ വിദ്യാർഥികൾക്കും അപേക്ഷിക്കാം. പിജിഡിഇഎം- പിജി ഡിപ്ലോമ ഇൻ ഇവന്റ് മാനേജ്മെന്റ്: ഒരു വർഷമാണ്് കോഴ്സിന്റെ കാലാവധി. ബിരുദധാരികൾക്കും അവസാന വർഷ വിദ്യാർഥികൾക്കും അപേക്ഷിക്കാം. കൂടുതൽ വിവരങ്ങൾക്ക്: http://ww w.naemd.com.
നാഷണൽ ഇൻസ്റ്റിറ്റ്യൂട്ട് ഓഫ് ഇവന്റ് മാനേജ്മെന്റ്
മുംബൈ ആസ്ഥാനമായുള്ള നാഷണൽ ഇൻസ്റ്റിറ്റ്യൂട്ട് ഓഫ് ഇവന്റ് മാനേജ്മെന്‍റിന് പൂനയിലും അഹമ്മദാബാദിലും കാന്പസുകളുണ്ട്. സംഘാനിയാ യൂണിവേഴ്സിറ്റിയുമായി അക്കാഡമിക് സഹകരണമുണ്ട്. ഇവന്റ് മാനേജ്മെന്‍റിൽ രണ്ടു വർഷം ദൈർഘ്യമുള്ള എംബിഎ, മൂന്നു വർഷം ദൈർഘ്യമുള്ള ബിബിഎ കോഴ്സുകളാണ് ഇൻസ്റ്റിറ്റ്യൂട്ട് പ്രധാനമായും നടത്തുന്നത്. കൂടാതെ പതിനൊന്നു മാസം ദൈർഘ്യമുള്ള ഡിപ്ലോമ, പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകളും നടത്തുന്നുണ്ട്. കൂടുതൽ വിവരങ്ങൾക്ക്: http://www.niemindia.com
പേൾ അക്കാഡമി
ന്യൂഡൽഹി, മുംബൈ, ജയ്പൂർ എന്നിവിടങ്ങളിൽ കാന്പസുകളുള്ള പേൾ അക്കാഡമിയാണ് ഇവന്റ് മാനേജ്മെന്‍റുമായി ബന്ധപ്പെട്ട കോഴ്സുകൾ നടത്തുന്ന മറ്റൊരു പ്രധാന സ്ഥാപനം.
സ്പോർട് ഇവന്റ് ആൻഡ് മാർക്കറ്റിംഗിൽ നടത്തുന്ന പതിനൊന്നു മാസം ദൈർഘ്യമുള്ള കോഴ്സിന് ബിരുദധാരികൾക്ക് അപേക്ഷിക്കാം.
കൂടാതെ പബ്ലിക് റിലേഷൻസ് ആൻഡ് ഇവന്‍റ്സിൽ പിജി ഡിപ്ലോമ കോഴ്സ് നടത്തുന്നുണ്ട്. പതിനൊന്നു മാസത്തെ കോഴ്സിനു ചേരാൻ ബിരുദമാണ് യോഗ്യത. കൂടുതൽ വിവരങ്ങൾക്ക്: https://www.pearlacademy.com.
കൂടാതെ ഇന്‍റർനാഷണൽ ഇൻസ്റ്റിറ്റ്യൂട്ട് ഓഫ് ഇവന്റ് മാനേജ്മെന്റ്, അമിറ്റി ഇൻസ്റ്റിറ്റ്യൂട്ട് ഓഫ് ഇവന്റ് മാനേജ്മെന്റ്, എപിജെ ഇൻസ്റ്റിറ്റ്യൂട്ട് ഓഫ് മാസ് കമ്യൂണിക്കേഷൻ എന്നിവയും ഈ മേഖലയുമായി ബന്ധപ്പെട്ട കോഴ്സുകൾ നടത്തുന്നുണ്ട്.