ഷിക്കാഗോ: ഇന്ത്യൻ ഓവർസീസ് കോൺഗ്രസ്, യുഎസ്എ കേരള ഘടകം പ്രസിഡന്‍റായി സതീശൻ നായരെ തെരഞ്ഞെടുത്തു. കഴിഞ്ഞ 25 വർഷക്കാലമായി ഐഒസിയിൽ സജീവ സാന്നിധ്യമാണ്.
ഐഒസിയുടെ ഷിക്കാഗോ ചാപ്റ്ററിന്‍റെ സ്ഥാപക ജനറൽ സെക്രട്ടറിയായും പ്രസിഡന്‍റായും പ്രവർത്തിച്ചിരുന്നു. ഐഒസിയുടെ പ്രവർത്തനങ്ങൾ അമേരിക്കയിൽ ഏകോപിപ്പിക്കുന്നതിനായി കഴിഞ്ഞ രണ്ടര പതിറ്റാണ്ടായി അദ്ദേഹം പ്രവർത്തിച്ചുവരുന്നു.
എൻഎഫ്ഐഎ, കെഎച്ച്എൻഎ, ഫൊക്കാന തുടങ്ങിയ ദേശീയ സംഘടനകളിലും എഫ്ഐഎ, മിഡ്‌വെസ്റ്റ് മലയാളി അസോസിയേഷൻ, നായർ അസോസിയേഷൻ, ഓംകാരം, കരുണ ഫൗണ്ടേഷൻ തുടങ്ങിയ പ്രാദേശിക സംഘടനകളിലും പ്രവർത്തിച്ചുവരുന്നു.
ഐഒസി കേരള ഘടകത്തിന്‍റെ പ്രവർത്തനങ്ങൾ ഏകീകരിച്ച് പ്രവർത്തനങ്ങൾ ശക്തിപ്പെടുത്തുമെന്നും കൂടാതെ ഇപ്പോഴുള്ള 12 ചാപ്റ്ററുകളിലെ പ്രവർത്തനങ്ങൾ വിപുലപ്പെടുത്തുമെന്നും കൂടുതൽ ചാപ്റ്ററുകൾ തുടങ്ങുമെന്നും അദ്ദേഹം പറഞ്ഞു.
അദ്ദേഹത്തിന്‍റെ മുന്നോട്ടുള്ള എല്ലാ പ്രവർത്തനങ്ങൾക്കും സാം പിട്രോഡ, എ. കെ. ആന്‍റണി, രമേഷ് ചെന്നിത്തല, ജോർജ് എബ്രഹാം, മോഹിന്ദർ സിംഗ്, ഹർബജൻ സിംഗ്, തോമസ് മാത്യു, ലീലാ മാരേട്ട്, സന്തോഷ് നായർ തുടങ്ങിയവർ ആശംസകളേകി.