വി​ദേ​ശ നി​ർ​മി​ത കാ​റു​ക​ൾ​ക്ക് യുഎസിൽ തീ​രു​വ: ജ​ർ​മ​ൻ ക​മ്പ​നി​ക​ൾ​ക്ക് തി​രി​ച്ച​ടി
Saturday, March 29, 2025 12:12 PM IST
ജോ​സ് കു​മ്പി​ളു​വേ​ലി​ൽ
ബെ​ര്‍​ലി​ന്‍: ഏ​പ്രി​ല്‍ ര​ണ്ട് മു​ത​ല്‍ വി​ദേ​ശ നി​ര്‍​മി​ത കാ​റു​ക​ള്‍​ക്ക് യു​എ​സ് തീ​രു​വ ചു​മ​ത്തു​മെ​ന്ന പ്ര​സി​ഡ​ന്‍റ് ഡോ​ണ​ള്‍​ഡ് ട്രം​പി​ന്‍റെ പ്ര​ഖ്യാ​പ​നം ജ​ര്‍​മ​ന്‍ കാ​ര്‍ ക​മ്പ​നി​ക​ള്‍​ക്ക് തി​രി​ച്ച​ടി​യാ​യി. താ​രി​ഫു​ക​ള്‍ പ്രാ​ബ​ല്യ​ത്തി​ലാ​യാ​ൽ യു​എ​സി​ല്‍ വിദേശ നിർമിത കാ​റി​ന്‍റെ വി​ല​യി​ൽ ആ​യി​ര​ക്ക​ണ​ക്കി​ന് ഡോ​ള​റി​ന്‍റെ വ​ർ​ധ​ന​യു​ണ്ടാ​കും.

ട്രം​പ് താ​രി​ഫു​ക​ള്‍ ആ​ഭ്യ​ന്ത​ര ഉ​ത്പാ​ദ​നം വ​ര്‍​ധി​പ്പി​ക്കു​മെ​ന്ന് വൈ​റ്റ് ഹൗ​സ് പ്ര​തീ​ക്ഷി​ക്കു​ന്നു​വെ​ങ്കി​ലും ഇ​റ​ക്കു​മ​തി ക​ണ​ക്കി​ല്‍ യൂ​റാ​പ്പി​ന് വ​ലി​യ തി​രി​ച്ച​ടി​യാ​വും. യു​എ​സി​ലേ​ക്ക് ഇ​റ​ക്കു​മ​തി ചെ​യ്യു​ന്ന കാ​റു​ക​ള്‍​ക്കും ലൈ​റ്റ് ട്ര​ക്കു​ക​ള്‍​ക്കും 25 ശ​ത​മാ​നം പു​തി​യ താ​രി​ഫ് ഏ​ര്‍​പ്പെ​ടു​ത്തു​മെ​ന്ന് ട്രം​പ് ബു​ധ​നാ​ഴ്ച​യാ​ണ് പ്ര​ഖ്യാ​പി​ച്ച​ത്.

താ​രി​ഫു​ക​ള്‍ ശാ​ശ്വ​ത​മാ​യി​രി​ക്കു​മെ​ന്നും ഏ​പ്രി​ല്‍ ര​ണ്ട് മു​ത​ല്‍ പ്രാ​ബ​ല്യ​ത്തി​ല്‍ വ​രു​മെ​ന്നും മൂ​ന്ന് മു​ത​ല്‍ തീ​രു​വ ഈ​ടാ​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും ട്രം​പ് പ​റ​ഞ്ഞു. നി​ല​വി​ല്‍ യു​എ​സി​ൽ വി​ല്‍​ക്കു​ന്ന 50 ശ​ത​മാ​നം കാ​റു​ക​ളും ആ​ഭ്യ​ന്ത​ര​മാ​യി നി​ര്‍​മി​ച്ച​താ​ണ്.

ആ​ഭ്യ​ന്ത​ര ഉ​ത്പാ​ദ​നം വ​ര്‍​ധി​പ്പി​ക്കാ​നാ​ണ് താ​രി​ഫു​ക​ള്‍ ഏ​ര്‍​പ്പെ​ടു​ത്തി​യി​രി​ക്കു​ന്ന​തെ​ന്ന് വൈ​റ്റ് ഹൗ​സ് അ​റി​യി​ച്ചു. രാ​ജ്യം മു​ൻ​പ് ക​ണ്ടി​ട്ടി​ല്ലാ​ത്ത​ത്ര വ​ള​ര്‍​ച്ച​യ്ക്ക് ഇ​ത് തു​ട​ക്ക​മി​ടു​മെ​ന്നാ​ണ് ട്രം​പ് ക​ണ​ക്കു​കൂ​ട്ടു​ന്ന​ത്.

കാ​ര്‍ വി​ല ഉ​യ​ര്‍​ത്തും

താ​രി​ഫു​ക​ളി​ല്‍ നി​ന്ന് പ്ര​തി​വ​ര്‍​ഷം 100 ബി​ല്യ​ൺ ഡോ​ള​ര്‍ (93 ബി​ല്യ​ൺ യൂ​റോ) വ​രു​മാ​നം സ​മാ​ഹ​രി​ക്കു​മെ​ന്നാ​ണ് ട്രം​പ് ഭ​ര​ണ​കൂ​ടം പ​റ​യു​ന്ന​ത്. എ​ന്നാ​ല്‍ യു​എ​സ് വാ​ഹ​ന നി​ര്‍​മാ​താ​ക്ക​ള്‍ ഉ​യ​ര്‍​ന്ന ചെ​ല​വു​ക​ളും കു​റ​ഞ്ഞ വി​ല്‍​പ്പ​ന​യും നേ​രി​ടേ​ണ്ടി​വ​രും.

പ്ര​ത്യേ​കി​ച്ച് ജ​ര്‍​മ​ന്‍ കാ​ര്‍ ഭീ​മ​ന്മാ​രാ​യ മെ​ഴ്സി​ഡ​സ്, ഫോ​ക്സ് വാ​ഗ​ൺ, ഔ​ഡി, സി​യാ​റ്റ്, പോ​ര്‍​ഷെ, സ്കോ​ഡ തു​ട​ങ്ങി​യ എ​ല്ലാ ക​മ്പ​നി​ക​ളെ​യും ഇ​ത് ബാ​ധി​ക്കും. ഓ​ട്ടോ​മോ​ട്ടീ​വ് റി​സ​ര്‍​ച്ച് സെ​ന്‍റ​ര്‍ നേ​ര​ത്തെ ക​ണ​ക്കാ​ക്കി​യ​ത് പ്ര​കാ​രം ഇ​റ​ക്കു​മ​തി ചെ​യ്യു​ന്ന വാ​ഹ​ന​ങ്ങ​ൾ​ക്ക് യു​എ​സ് താ​രി​ഫ് ഏ​ര്‍​പ്പെ​ടു​ത്തി​യാ​ല്‍ കാ​റി​ന്‍റെ വി​ല ആ​യി​ര​ക്ക​ണ​ക്കി​ന് ഡോ​ള​ര്‍ വ​ര്‍​ധി​പ്പി​ക്കു​മെ​ന്നാ​ണ്.

പു​തി​യ യു​എ​സ് താ​രി​ഫു​ക​ള്‍ ആ​ഗോ​ള വ്യാ​പാ​ര​ത്തെ​യും സാ​മ്പ​ത്തി​ക വ​ള​ര്‍​ച്ച​യെ​യും പ്ര​തി​കൂ​ല​മാ​യി ബാ​ധി​ച്ചേ​ക്കാ​വു​ന്ന വ്യാ​പാ​ര യു​ദ്ധ​ത്തി​ന് തു​ട​ക്ക​മി​ടും, താ​രി​ഫു​ക​ള്‍ ഉ​പ​ഭോ​ക്താ​ക്ക​ള്‍​ക്ക് കൈ​മാ​റു​ക​യാ​ണെ​ങ്കി​ല്‍, ശ​രാ​ശ​രി വാ​ഹ​ന വി​ല 12,500 ഡോ​ള​റാ​യി കു​തി​ച്ചു​യ​രും.

കൂ​ടാ​തെ, ഇ​റ​ക്കു​മ​തി ചെ​യ്ത കാ​റു​ക​ള്‍ ടാ​ര്‍​ഗെ​റ്റു​ചെ​യ്യു​ന്ന​ത് യു​എ​സി​ന്റെ പ​ങ്കാ​ളി​ക​ളാ​യ ജ​പ്പാ​ന്‍, ദ​ക്ഷി​ണ കൊ​റി​യ, കാ​ന​ഡ, മെ​ക്സി​ക്കോ, ജ​ര്‍​മ​നി തു​ട​ങ്ങി​യ രാ​ജ്യ​ങ്ങ​ളു​മാ​യു​ള്ള പി​രി​മു​റു​ക്കം കൂ​ട്ടും. പു​തി​യ താ​രി​ഫ് സം​ബ​ന്ധി​ച്ച് വ​ലി​യ പ്ര​തി​ക​ര​ണ​മാ​ണ് രാ​ജ്യാ​ന്ത​ര സ​മൂ​ഹ​ത്തി​ൽ നി​ന്നു​ള്ള​ത്.

ജ​ര്‍​മ​ന്‍ സാ​മ്പ​ത്തി​ക മ​ന്ത്രി റോ​ബ​ര്‍​ട്ട് ഹാ​ബെ​ക്ക് ട്രം​പി​ന്‍റെ ഏ​റ്റ​വും പു​തി​യ താ​രി​ഫ് ഭീ​ഷ​ണി​യോ​ട് യൂ​റോ​പ്യ​ന്‍ യൂ​ണി​യ​നി​ല്‍ നി​ന്ന് കൃ​ത്യ​മാ​യ നി​ല​പാ​ട് ആ​വ​ശ്യ​പ്പെ​ട്ടി​രു​ന്നു. യൂ​റോ​പ്യ​ന്‍ യൂ​ണി​യ​ന്‍ ച​ര്‍​ച്ച​ക​ളി​ലൂ​ടെ പ​രി​ഹാ​രം തേ​ടേ​ണ്ട​തു​ണ്ടെ​ന്നും അ​ദ്ദേ​ഹം പ്ര​സ്താ​വ​ന​യി​ല്‍ പ​റ​ഞ്ഞു.

പു​തി​യ ഓ​ട്ടോ​മൊ​ബൈ​ല്‍ താ​രി​ഫു​ക​ള്‍ കൈ​കാ​ര്യം ചെ​യ്യു​ന്ന​തി​ല്‍ ടോ​ക്കി​യോ എ​ല്ലാ ഓ​പ്ഷ​നു​ക​ളും വി​ല​യി​രു​ത്തു​മെ​ന്ന് ജാ​പ്പ​നീ​സ് പ്ര​ധാ​ന​മ​ന്ത്രി ഷി​ഗെ​രു ഇ​ഷി​ബ പ​റ​ഞ്ഞു.

ജ​ര്‍​മ​ന്‍ അ​സോ​സി​യേ​ഷ​ന്‍ ഓ​ഫ് ഓ​ട്ടോ​മോ​ട്ടീ​വ് ഇ​ന്‍​ഡ​സ്ട്രി​യു​ടെ ത​ല​വ​ന്‍ ഹി​ല്‍​ഡെ​ഗാ​ര്‍​ഡ് മു​ള്ള​ര്‍, താ​രി​ഫു​ക​ളെ സ്വ​ത​ന്ത്ര​വും നി​യ​മാ​ധി​ഷ്ഠി​ത​വു​മാ​യ വ്യാ​പാ​ര​ത്തി​നു​ള്ള മാ​ര​ക​മാ​യ സി​ഗ്ന​ല്‍ എ​ന്നാ​ണ് വി​ശേ​ഷി​പ്പി​ച്ച​ത്.

താ​രി​ഫു​ക​ള്‍ ക​മ്പ​നി​ക​ള്‍​ക്കും ഓ​ട്ടോ​മോ​ട്ടീ​വ് വ്യ​വ​സാ​യ​വു​മാ​യി ബ​ന്ധ​പ്പെ​ട്ടി​രി​ക്കു​ന്ന ആ​ഗോ​ള വി​ത​ര​ണ ശൃം​ഖ​ല​ക​ള്‍​ക്കും ഗ​ണ്യ​മാ​യ ഭാ​രം സൃ​ഷ്ടി​ക്കു​മെ​ന്ന് മു​ള്ള​ര്‍ പ​റ​ഞ്ഞു. പ്ര​ത്യേ​കി​ച്ചും വ​ട​ക്കേ അ​മേ​രി​ക്ക ഉ​ള്‍​പ്പെ​ടെ​യു​ള്ള ഉ​പ​ഭോ​ക്താ​ക്ക​ള്‍​ക്ക് നെ​ഗ​റ്റീ​വ് പ്ര​ത്യാ​ഘാ​ത​ങ്ങ​ള്‍ സൃ​ഷ്ടി​ക്കു​മെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.
Copyright @ 2018 , Rashtra Deepika Ltd.