ജി​ല്ല​യി​ൽ യു​ഡി​എ​ഫി​ലെ ത​ർ​ക്കം തീ​ർ​ക്കാ​ൻ മൂ​ന്നം​ഗ സ​മി​തി
Friday, September 6, 2024 11:06 PM IST
തി​രു​വ​ന​ന്ത​പു​രം: തൊ​ടു​പു​ഴ ന​ഗ​ര​സ​ഭ, സേ​നാ​പ​തി സ​ഹ​ക​ര​ണ ബാ​ങ്ക് തെ​ര​ഞ്ഞെ​ടു​പ്പു​ക​ളി​ൽ യു​ഡി​എ​ഫി​ലു​ണ്ടാ​യ പ്ര​ശ്ന​ങ്ങ​ൾ ച​ർ​ച്ച ചെ​യ്തു പ​രി​ഹ​രി​ക്കാ​ൻ മൂ​ന്നം​ഗ സ​മി​തി​യെ നി​യോ​ഗി​ച്ച​താ​യി യു​ഡി​എ​ഫ് ക​ണ്‍​വീ​ന​ർ എം.​എം.​ ഹ​സ​ൻ അ​റി​യി​ച്ചു.

മു​ൻ എം​എ​ൽ​എ ജോ​സ​ഫ് വാ​ഴ​യ്ക്ക​ൻ, കേ​ര​ള കോ​ണ്‍​ഗ്ര​സ് നേ​താ​വ് മോ​ൻ​സ് ജോ​സ​ഫ് എം​എ​ൽ​എ, മു​‌സ്‌ലിം ലീ​ഗ് സം​സ്ഥാ​ന സെ​ക്ര​ട്ട​റി മു​ഹ​മ്മ​ദ് ഷാ ​എ​ന്നി​വ​രാ​ണ് സ​മി​തി​യി​ലെ അം​ഗ​ങ്ങ​ൾ.

തൊ​ടു​പു​ഴ ന​ഗ​ര​സ​ഭ​യി​ൽ ചെ​യ​ർ​മാ​ൻ തെ​ര​ഞ്ഞെ​ടു​പ്പി​നെ തു​ട​ർ​ന്ന് കോ​ണ്‍​ഗ്ര​സും മു​‌സ്‌ലിം ലീ​ഗും ത​മ്മി​ൽ ക​ടു​ത്ത ഭി​ന്ന​ത​യാ​ണ് നി​ല നി​ൽ​ക്കു​ന്ന​ത്. ചെ​യ​ർ​മാ​നാ​യി​രു​ന്ന സ​നീ​ഷ് ജോ​ർ​ജ് കൈ​ക്കൂ​ലി​ക്കേ​സി​ൽ പ്ര​തി​യാ​യ​തോ​ടെ രാ​ജിവ​ച്ച ഒ​ഴി​വി​ലാ​ണ് തെ​ര​ഞ്ഞെ​ടു​പ്പ് ന​ട​ന്ന​ത്. ഇ​തി​നി​ടെ ന​ട​ന്ന ഉ​പ തെ​ര​ഞ്ഞെ​ടു​പ്പി​ൽ വി​ജ​യി​ക്കു​ക കൂ​ടി ചെ​യ്ത​തോ​ടെ ഭൂ​രി​പ​ക്ഷം ല​ഭി​ച്ച യു​ഡി​എ​ഫി​ന് ല​ഭി​ക്കേ​ണ്ടി​യി​രു​ന്ന ചെ​യ​ർ​മാ​ൻ പ​ദ​വി കോ​ണ്‍​ഗ്ര​സും ലീ​ഗും ത​മ്മി​ലു​ള്ള പ​ട​ല പി​ണ​ക്ക​ത്തെ തു​ട​ർ​ന്ന് വീ​ണ്ടും എ​ൽ​ഡി​എ​ഫി​നു ല​ഭി​ക്കു​ക​യാ​യി​രു​ന്നു.

ചെ​യ​ർ​മാ​ൻ തെ​ര​ഞ്ഞെ​ടു​പ്പി​ൽ ഘ​ട​ക​ക​ക്ഷി​ക​ളാ​യ കോ​ണ്‍​ഗ്ര​സും മു​‌സ്‌ലിം ലീ​ഗും സ്ഥാ​നാ​ർ​ഥി​ക​ളെ നി​ർ​ത്തി​യ​തോ​ടെ​യാ​ണ് കേ​വ​ല ഭൂ​രി​പ​ക്ഷ​മി​ല്ലാ​തി​രു​ന്നി​ട്ടും അ​ധി​കാ​രം എ​ൽ​ഡി​എ​ഫി​നു ല​ഭി​ച്ച​ത്.

അ​വ​സാ​ന വ​ട്ട തെ​ര​ഞ്ഞെ​ടു​പ്പി​ൽ ലീ​ഗ് എ​ൽ​ഡി​എ​ഫി​നെ പി​ന്തു​ണ​ച്ച​തോ​ടെ​യാ​ണ് പ​ദ​വി യു​ഡി​എ​ഫി​നു ന​ഷ്ട​മാ​യ​ത്.

ഇ​തേത്തു​ട​ർ​ന്ന് കോ​ണ്‍​ഗ്ര​സ്-​ലീ​ഗ് നേ​താ​ക്ക​ൾ ത​മ്മി​ൽ വാ​ക്പോ​രും ന​ട​ന്നി​രു​ന്നു. ജി​ല്ല​യി​ൽ യു​ഡി​എ​ഫു​മാ​യി സ​ഹ​ക​രി​ക്കി​ല്ലെ​ന്ന് ലീ​ഗ് നേ​തൃ​ത്വം വ്യ​ക്ത​മാ​ക്കു​ക​യും ചെ​യ്തു.

പി​ന്നീ​ട് വൈ​സ് ചെ​യ​ർ​പേ​ഴ്സ​ണ്‍ ജെ​സി ആ​ന്‍റ​ണി​ക്കെ​തി​രേ യു​ഡി​എ​ഫ് ന​ൽ​കി​യ അ​വി​ശ്വാ​സ പ്ര​മേ​യ​ത്തി​നെ​യും പി​ന്തു​ണ​യ്ക്കാ​ൻ ലീ​ഗ് ത​യാ​റാ​യി​ല്ല. ച​ർ​ച്ച​യി​നി​ന്നു ലീ​ഗ് കൗ​ണ്‍​സി​ല​ർ​മാ​ർ വി​ട്ടുനി​ന്ന​തോ​ടെ അ​വി​ശ്വാ​സം പ​രാ​ജ​യ​പ്പെ​ടു​ക​യാ​യി​രു​ന്നു.

ഇ​ത്ത​ര​ത്തി​ൽ ജി​ല്ല​യി​ൽ യു​ഡി​എ​ഫി​ലെ ഭി​ന്ന​ത രൂ​ക്ഷ​മാ​യ​തോ​ടെ​യാ​ണ് സം​സ്ഥാ​ന നേ​തൃ​ത്വം പ്ര​ശ്ന​ത്തി​ൽ ഇ​ട​പെ​ടു​ന്ന​ത്.
Copyright @ 2018 , Rashtra Deepika Ltd.