ചെ​റ്റ​പ്പാ​ലം-​വ​ള്ളി​യൂ​ർ​ക്കാ​വ് റോ​ഡ് ശോ​ച്യാ​വ​സ്ഥ​യി​ൽ
Sunday, June 16, 2024 6:16 AM IST
മാ​ന​ന്ത​വാ​ടി: ന​ഗ​ര​പ​രി​ധി​യി​ലെ ചെ​റ്റ​പ്പാ​ലം-​വ​ള്ളി​യൂ​ർ​ക്കാ​വ് ബൈ​പാ​സ് ശോ​ച്യാ​വ​സ്ഥ​യി​ൽ. നി​ത്യേ​ന നൂ​റു​ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു​പോ​കു​ന്ന പാ​ത പാ​ടെ ത​ക​ർ​ന്നു​കി​ട​ക്കു​ക​യാ​ണ്. ര​ണ്ടു​ത​വ​ണ നാ​ട്ടു​കാ​ർ ശ്ര​മ​ദാ​ന​മാ​യി കു​ഴി​ക​ൾ അ​ട​ച്ചി​രു​ന്നു. പി​ന്നീ​ട് ന​ഗ​ര​സ​ഭ പാ​ച്ച് വ​ർ​ക്ക് ന​ട​ത്തി​യി​യെ​ങ്കി​ലും ദി​വ​സ​ങ്ങ​ൾ​ക്കു​ള്ളി​ൽ ത​ക​ർ​ന്നു.

ക​ർ​ണാ​ട​ക ഭാ​ഗ​ത്തു​നി​ന്നു​ള്ള വാ​ഹ​ന​ങ്ങ​ൾ​ക്ക് ന​ഗ​ര​ത്തി​ൽ പ്ര​വേ​ശി​ക്കാ​തെ ക​ൽ​പ്പ​റ്റ ഭാ​ഗ​ത്തേ​ക്ക് പോ​കാ​ൻ ഉ​ത​കു​ന്ന​താ​ണ് റോ​ഡ്. തീ​ർ​ഥാ​ട​ന കേ​ന്ദ്ര​ങ്ങ​ളാ​യ തി​രു​നെ​ല്ലി​യെ​യും വ​ള്ളി​യൂ​ർ​ക്കാ​വി​നെ​യും എ​ളു​പ്പം ബ​ന്ധി​പ്പി​ക്കു​ന്ന​തു​മാ​ണ് പാ​ത. ന​ഗ​ര​ത്തി​ൽ റോ​ഡു​പ​ണി ന​ട​ക്കു​ന്പോ​ഴും ഗ​താ​ഗ​ത ത​ട​സം ഉ​ണ്ടാ​കു​ന്പോ​ഴും വാ​ഹ​ന​ങ്ങ​ൾ ക​ട​ത്തി​വി​ടു​ന്ന​തും ഈ ​റോ​ഡി​ലൂ​ടെ​യാ​ണ്.

കാ​ല​വ​ർ​ഷം ആ​രം​ഭി​ച്ച​തോ​ടെ വ​ലി​യ കു​ഴി​ക​ളി​ൽ വെ​ള്ളം കെ​ട്ടി​നി​ൽ​ക്കു​ന്ന​ത് റോ​ഡി​ൽ കാ​ൽ​ന​ട പോ​ലും ദു​ഷ്ക​ര​മാ​ക്കി. രാ​ത്രി കു​ഴി​ക​ളി​ൽ വീ​ണ് വാ​ഹ​ന​ങ്ങ​ൾ​ക്ക് കേ​ടു​പാ​ടു സം​ഭ​വി​ക്കു​ന്ന​തും ഇ​രു​ച​ക്ര വാ​ഹ​ന യാ​ത്ര​ക്കാ​ർ അ​പ​ക​ട​ത്തി​ൽ​പ്പെ​ടു​ന്ന​തും തു​ട​ർ​ക്ക​ഥ​യാ​യി. റോ​ഡ് സ​ഞ്ചാ​ര​യോ​ഗ്യ​മാ​ക്കു​ന്ന​തി​നു അ​ടി​യ​ന്ത​ര ന​ട​പ​ടി​യാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.
Copyright @ 2018 , Rashtra Deepika Ltd.