Sports News
സൂ​പ്പ​ര്‍ സ്റ്റാ​ര്‍ക്കി​ന്‍റെ പി​ന്‍കാ​ല്‍ നോ​ബോ​ള്‍
സൂ​പ്പ​ര്‍ സ്റ്റാ​ര്‍ക്കി​ന്‍റെ പി​ന്‍കാ​ല്‍ നോ​ബോ​ള്‍
Friday, April 18, 2025 12:51 AM IST
ഇ​ന്ത്യ​ന്‍ പ്രീ​മി​യ​ര്‍ ലീ​ഗ് (ഐ​പി​എ​ല്‍) ട്വ​ന്‍റി-20 ക്രി​ക്ക​റ്റി​ന്‍റെ 2025 സീ​സ​ണി​ല്‍ സൂ​പ്പ​ര്‍ ഓ​വ​റി​ലേ​ക്ക് ആ​വേ​ശം നീ​ണ്ട ആ​ദ്യ മ​ത്സ​ര​മാ​യി​രു​ന്നു ഡ​ല്‍ഹി ക്യാ​പ്പി​റ്റ​ല്‍സും രാ​ജ​സ്ഥാ​ന്‍ റോ​യ​ല്‍സും ത​മ്മി​ല്‍ അ​രു​ണ്‍ ജ​യ്റ്റ്‌​ലി സ്റ്റേ​ഡി​യ​ത്തി​ല്‍ അ​ര​ങ്ങേ​റി​യ​ത്.

മ​ത്സ​ര​ത്തി​ല്‍ ആ​ദ്യം ബാ​റ്റ് ചെ​യ്ത ഡ​ല്‍ഹി​ക്കും (188/5) പി​ന്തു​ട​ര്‍ന്ന രാ​ജ​സ്ഥാ​ന്‍ റോ​യ​ല്‍സി​നും (188/4) നി​ശ്ചി​ത 20 ഓ​വ​റി​ല്‍ ജ​യം നേ​ടാ​നാ​യി​ല്ല. അ​വ​സാ​ന ഓ​വ​റി​ല്‍ ഒ​മ്പ​ത് റ​ണ്‍സാ​യി​രു​ന്നു രാ​ജ​സ്ഥാ​നു ജ​യി​ക്കാ​ന്‍ വേ​ണ്ടി​യി​രു​ന്ന​ത്. മി​ച്ച​ല്‍ സ്റ്റാ​ര്‍ക്ക് എ​റി​ഞ്ഞ അ​വ​സാ​ന ഓ​വ​റി​ല്‍ ഒ​രു ബൗ​ണ്ട​റി​പോ​ലും പി​റ​ന്നി​ല്ല. അ​വ​സാ​ന പ​ന്തി​ല്‍ ര​ണ്ടു റ​ണ്‍സ് വേ​ണ്ട​പ്പോ​ള്‍, ര​ണ്ടാം റ​ണ്ണി​നു​ള്ള ഓ​ട്ട​ത്തി​നി​ടെ വി​ക്ക​റ്റും വീ​ണു.

സൂ​പ്പ​ര്‍ ഓ​വ​റി​ലേ​ക്ക് മ​ത്സ​രം നീ​ട്ടാ​ന്‍ ഡ​ല്‍ഹി​യെ സ​ഹാ​യി​ച്ച​ത് 20-ാം ഓ​വ​റി​ല്‍ സ്റ്റാ​ര്‍ക്കി​ന്‍റെ പ്ര​ക​ട​നം. അ​തേ​സ​മ​യം, രാ​ജ​സ്ഥാ​ന്‍റെ ബൗ​ളിം​ഗി​ല്‍ 20-ാം ഓ​വ​ര്‍ എ​റി​ഞ്ഞ സ​ന്ദീ​പ് ശ​ര്‍മ നാ​ലു വൈ​ഡും ഒ​രു നോ​ബോ​ളും എ​റി​ഞ്ഞ​തി​ല്‍ ഒ​രെ​ണ്ണം കു​റ​ച്ചി​രു​ന്നെ​ങ്കി​ല്‍ എ​ന്നൊ​രു മ​റു​ചി​ന്ത​യും ഉ​യ​ര്‍ന്നു... ഏ​താ​യാ​ലും സ്റ്റാ​ര്‍ക്ക് പ്ലെ​യ​ര്‍ ഓ​ഫ് ദ ​മാ​ച്ചാ​യ മ​ത്സ​ര​ത്തി​ല്‍ ഡ​ല്‍ഹി ക്യാ​പ്പി​റ്റ​ല്‍സ് സൂ​പ്പ​ര്‍ ഓ​വ​റി​ല്‍ ജ​യം സ്വ​ന്ത​മാ​ക്കി.

പി​ന്‍കാ​ല്‍ നോ​ബോ​ള്‍

സൂ​പ്പ​ര്‍ ഓ​വ​ര്‍ പോ​രാ​ട്ട​ത്തി​ല്‍ ഡ​ല്‍ഹി​ക്കാ​യി പ​ന്ത് എ​റി​യാ​ന്‍ എ​ത്തി​യ​ത് മി​ച്ച​ല്‍ സ്റ്റാ​ര്‍ക്ക്. നാ​ലാം പ​ന്ത് ഫു​ള്‍ടോ​സ്. റി​യാ​ന്‍ പ​രാ​ഗി​ന്‍റെ ബാ​റ്റി​ല്‍നി​ന്ന് പ​ന്ത് ബൗ​ണ്ട​റി ക​ട​ന്നു. തൊ​ട്ടു​പി​ന്നാ​ലെ അ​മ്പ​യ​ര്‍ നോ​ബോ​ള്‍ വി​ളി​ച്ചു. അ​തും സ്റ്റാ​ര്‍ക്കി​നെ​തി​രേ പി​ന്‍കാ​ല്‍ നോ​ബോ​ള്‍. അ​മ്പ​ര​പ്പോ​ടെ​യാ​ണ് സ്റ്റാ​ര്‍ക്ക് അ​മ്പ​യ​റി​ന്‍റെ തീ​രു​മാ​നം അം​ഗീ​ക​രി​ച്ച​ത്. സ്റ്റാ​ര്‍ക്ക് പ​ന്ത് റി​ലീ​സ് ചെ​യ്ത​പ്പോ​ള്‍ പി​ന്‍കാ​ല്‍ റി​ട്ടേ​ണ്‍ ക്രീ​സി​ല്‍ മു​ട്ടി എ​ന്ന​താ​യി​രു​ന്നു നോ​ബോ​ള്‍ വി​ളി​ക്കാ​നു​ണ്ടാ​യ കാ​ര​ണം.


നി​യ​മം ഇ​ങ്ങ​നെ...

ക്രി​ക്ക​റ്റി​ല്‍ ബൗ​ള​ര്‍ പ​ന്ത് എ​റി​യു​മ്പോ​ള്‍ അ​ദ്ദേ​ഹ​ത്തി​ന്‍റെ കാ​ലു​ക​ള്‍ പൂ​ര്‍ണ​മാ​യി റി​ട്ടേ​ണ്‍ ക്രീ​സി​ന് ഉ​ള്ളി​ല്‍ ആ​യി​രി​ക്ക​ണം എ​ന്നു പി​ന്‍കാ​ല്‍ നോ​ബോ​ള്‍ നി​യ​മം അ​നു​ശാ​സി​ക്കു​ന്നു. ബൗ​ള​റു​ടെ കാ​ല്‍ റി​ട്ടേ​ണ്‍ ക്രീ​സി​ല്‍ മു​ട്ടാ​നോ ക​ട​ന്നു​പോ​കാ​നോ പാ​ടി​ല്ല. അ​ങ്ങ​നെ സം​ഭ​വി​ച്ചാ​ല്‍ നോ​ബോ​ള്‍ വി​ളി​ക്കാം. തു​ട​ര്‍ന്നു​ള്ള പ​ന്ത് ഫ്രീ ​ഹി​റ്റ് ആ​യി​രി​ക്കും.

ബാ​റ്റ​ര്‍മാ​ര്‍ക്കും ബൗ​ള​ര്‍മാ​ര്‍ക്കും തു​ല്യ​പ്രാ​ധാ​ന്യ​ത്തോ​ടെ ഫെ​യ​ര്‍ പ്ലേ ​ഉ​റ​പ്പു​വ​രു​ത്തു​ക​യാണ് ഇ​തി​ന്‍റെ ല​ക്ഷ്യം.

മൂ​ന്നു ത​രം നോ​ബോ​ള്‍

ബൗ​ള​ര്‍ പ​ന്ത് റി​ലീ​സ് ചെ​യ്യു​ന്ന​തു​മാ​യി ബ​ന്ധ​പ്പെ​ട്ട് (ഫീ​ല്‍ഡിം​ഗ്, ഓ​വ​ര്‍ ബൗ​ണ്‍സ്, വി​ക്ക​റ്റി​ല്‍ ട​ച്ച് ചെ​യ്യു​ന്ന​ത് തു​ട​ങ്ങി​യ​വ പ​രി​ഗ​ണി​ക്കാ​തെ) മൂ​ന്നു​ത​രം നോ​ബോ​ളു​ക​ളാ​ണ് ക്രി​ക്ക​റ്റി​ല്‍ ഉ​ള്ള​ത്.

1. ഫ്ര​ണ്ട് ഫൂ​ട്ട് നോ​ബോ​ള്‍. പോ​പ്പിം​ഗ് ക്രീ​സ് ക​ട​ന്ന് ഫ്ര​ണ്ട് ഫൂ​ട്ട് മു​ന്നോ​ട്ടു പോ​കു​മ്പോ​ള്‍.

2. ബാ​ക്ക് ഫു​ട്ട് നോ​ബോ​ള്‍. റി​ട്ടേ​ണ്‍ ക്രീ​സി​ല്‍ തൊ​ട്ടും അ​തി​നു പു​റ​ത്തു​മാ​യി പി​ന്‍കാ​ല്‍ വ​രു​മ്പോ​ള്‍.

3. ഇ​മാ​ജി​ന​റി മി​ഡി​ല്‍ സ്റ്റം​പ് നോ​ബോ​ള്‍. ബൗ​ളിം​ഗ് എ​ന്‍ഡി​ലെ മി​ഡി​ല്‍ സ്റ്റം​പ് മ​റ​ച്ചു​കൊ​ണ്ട് പ​ന്ത് റി​ലീ​സ് ചെ​യ്യു​മ്പോ​ള്‍.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.