Play Audio

ആ​ത്മാ​വി​ന്‍റെ ദു​ർ​മേ​ദ​സി​ൽ നോ​ന്പി​ന്‍റെ തീ​നാ​ന്പു​ക​ൾ
Monday, March 3, 2025 12:00 AM IST
ചാ​​​​​ട്ട​​​​​വാ​​​​​റ​​​​​ടി​​​​​ക​​​​​ള​​​​​ല്ല നോ​​ന്പു​​ദി​​വ​​സ​​ങ്ങ​​ൾ.ക​​​​​റ​​​​​പു​​​​​ര​​​​​ണ്ട അ​​​​​സ്തി​​​​​ത്വ​​​​​ത്തെ വീ​​​​​ണ്ടെ​​​​​ടു​​​​​ക്കു​​​​​ന്ന
ആ​​​​​ത്മീ​​​​​യാ​​​​​ന്വേ​​​​​ഷ​​​​​ണ​​​​​ത്തി​​​​​ന്‍റെ തീ​​​​​ർ​​​​​ഥാ​​​​​ട​​​​​ന​​​​ദി​​​​​ന​​​​​ങ്ങ​​​​​ളാ​​​​​ണത്.

സ​ഹോ​ദ​ര​ങ്ങ​ളെ​യും അ​യ​ൽ​ക്കാ​രെ​യും സ​മൂ​ഹ​ത്തെ​യും ന​ന്നാ​ക്കാ​ൻ പ​ണി​പ്പെ​ട്ടു മ​ടു​ത്ത​വ​ർ​ക്ക് ഇ​നി നോ​ന്പി​ന്‍റെ ക​ണ്ണാ​ടി​യി​ൽ സ്വ​ന്തം മു​ഖ​ത്തേ​ക്കും അ​സ്തി​ത്വ​ത്തി​ലേ​ക്കും ദൈ​വ​ത്തി​ലേ​ക്കും നോ​ക്കാ​നു​ള്ള അ​വ​സ​ര​മാ​ണ്. ക്രൈ​സ്ത​വ​ർ നോ​ന്പി​ലാ​ണ്. ഒ​രു മാ​സ​ത്തോ​ളം നീ​ളു​ന്ന നോ​ന്പ് മു​സ്‌​ലിം സ​ഹോ​ദ​ര​ങ്ങ​ളും തു​ട​ങ്ങി.

നി​യ​ന്ത്ര​ണ​ങ്ങ​ളു​ടെ നീ​ണ്ട രാ​പ​ക​ലു​ക​ൾ​ക്കൊ​ടു​വി​ൽ തി​രി​ച്ചെ​ത്തു​ന്പോ​ൾ ആ​ത്മാ​വി​ല​ടി​ഞ്ഞി​രു​ന്ന ദു​ർ​മേ​ദ​സു​ക​ൾ ഉ​രു​കി​പ്പോ​യെ​ന്നും പു​തു​ക്ക​പ്പെ​ട്ട​തി​ന്‍റെ സൗ​ര​ഭ്യ​മു​ണ്ടെ​ന്നും സ​ഹ​പൗ​ര​ർ തി​രി​ച്ച​റി​യ​ട്ടെ. ത്യ​ജി​ക്കു​ന്ന ആ​ഹാ​ര​വും ആ​വ​ശ്യ​ത്തി​ലേ​റെ​യു​ള്ള സ​ന്പാ​ദ്യ​വും വീ​തം​വ​യ്ക്ക​പ്പെ​ട​ട്ടെ. സ്നേ​ഹ​ത്തി​ലും സ​ഹി​ഷ്ണു​ത​യി​ലും പു​ന​ർ​ജ​നി​ക്ക​ട്ടെ. അ​ല്ലാ​ത്ത മ​രു​ഭൂ​മി​വാ​സം​കൊ​ണ്ട് ആ​ർ​ക്കെ​ന്തു പ്ര​യോ​ജ​നം‍?

ഒ​ന്നോ​ർ​ത്താ​ൽ, തി​രി​ച്ച​റി​വും തി​രു​ത്ത​ലും ഇ​ത്ര ആ​വ​ശ്യ​മാ​യൊ​രു കാ​ലം വേ​റെ​യി​ല്ലെ​ന്നു തോ​ന്നു​ന്നു. സ​ഹ​പാ​ഠി​ക​ളു​ടെ ച​വി​ട്ടേ​റ്റു മ​രി​ച്ച കു​ഞ്ഞി​ന്‍റെ മാ​താ​പി​താ​ക്ക​ളും കൂ​ട്ടു​കാ​രും അ​ല​മു​റ​യി​ടു​ക​യാ​ണ്. കാ​വ​ലാ​കേ​ണ്ടി​യി​രു​ന്ന യു​വാ​വി​ന്‍റെ ഹിം​സ​യി​ൽ സ്വ​ന്തം അ​നു​ജ​നു​ൾ​പ്പെ​ടെ അ​ഞ്ചു​പേ​ർ! മ​യ​ക്കു​മ​രു​ന്ന​ടി​മ​ക​ൾ നാ​ടി​ന്‍റെ മു​ക്കും​മൂ​ല​യും പ​ങ്കി​ട്ടെ​ടു​ത്തി​രി​ക്കു​ന്നു. വി​ദ്യാ​ർ​ഥി​ക​ൾ ക​ലാ​ല​യ​ങ്ങ​ളി​ലും ഹോ​സ്റ്റ​ലു​ക​ളി​ലും മ​നു​ഷ്യ​ത്വ​ത്തെ കെ​ട്ടി​യി​ട്ട് പീ​ഡി​പ്പി​ക്കു​ക​യാ​ണ്.

ചി​ല​രെ വ​ള​ഞ്ഞു​വ​ച്ച് വി​ചാ​ര​ണ ന​ട​ത്തി മ​ര​ണം വി​ധി​ച്ചു. വ​യ​റൊ​ട്ടി​യ​വ​രും എ​ല്ലു​ന്തി​യ​വ​രും ജാ​തി​മ​ത​ഭേ​ദ​മെ​ന്യേ നി​ര​ത്തി​ലു​ള്ള​പ്പോ​ൾ വി​ശ​പ്പ​റി​യാ​ത്ത​വ​രു​ടെ രു​ചി​ഭേ​ദ​ങ്ങ​ൾ​ക്കാ​യി പൊ​ള്ളി​ച്ചെ​ടു​ക്കു​ന്ന മ​ത്സ്യ-​മാം​സ​ങ്ങ​ൾ രാ​ജ്യ​ത്തെ അ​ർ​ബു​ദ​മാ​യി ഗ്ര​സി​ക്കു​ന്നു. ആ​ഗോ​ള പ​ട്ടി​ണി സൂ​ചി​ക​യി​ൽ (ഗ്ലോ​ബ​ൽ ഹം​ഗ​ർ ഇ​ൻ​ഡ​ക്സ്– ജി​എ​ച്ച്ഐ) ഇ​ന്ത്യ 105-ാം സ്ഥാ​ന​ത്ത് ത​ള​ർ​ന്നി​രി​ക്കു​ന്നു. അ​തി​നു ക​ണ​ക്കു​ണ്ട്. പ​ക്ഷേ, കു​ടും​ബ​ത്തി​ലോ അ​യ​ല​ത്തോ ഒ​രാ​ൾ കൈ​യി​ൽ ചി​ല്ലി​ക്കാ​ശി​ല്ലാ​തെ ഒ​ടു​വി​ല​ത്തെ വാ​തി​ൽ തു​റ​ക്കാ​ൻ ദൃ​ഢ​നി​ശ്ച​യ​മെ​ടു​ക്കു​ന്ന​തു നാം ​അ​റി​യു​ന്നേ​യി​ല്ല. ആ​ത്മ​ഹ​ത്യ ചെ​യ്യു​ന്ന​വ​ർ ഭീ​രു​ക്ക​ളാ​ണ്.

പ​ക്ഷേ, മ​ര​ണ​വാ​തി​ൽ തു​റ​ന്നു​കൊ​ടു​ക്കു​ന്ന​വ​ർ ഒ​ളി​ച്ചി​രി​ക്കു​ന്ന കു​റ്റ​വാ​ളി​ക​ളാ​ണ്. സ്വ​ന്തം​വീ​ട്ടി​ലെ നി​ല​വി​ളി​പോ​ലും സ്നേ​ഹ​രാ​ഹി​ത്യ​ത്തി​ന്‍റെ​യും ഈ​ഗോ​യു​ടെ​യും കൂ​ർ​ക്കം​വ​ലി​ക​ളി​ൽ അ​വ​ഗ​ണി​ക്ക​പ്പെ​ടു​ന്നു. “God is not interested in your art but, your heart.” -Ifeanyi Enoch Onuoha (Nigerian writer and influencer) അ​തേ, നോ​ന്പാ​ണെ​ങ്കി​ൽ, ക​ലാ​പ​ര​മാ​യി തു​ന്നി​ച്ചേ​ർ​ത്ത കാ​പ​ട്യ​ങ്ങ​ള​ഴി​ച്ച് ഹൃ​ദ​യം ദൈ​വ​ത്തെ കാ​ണി​ക്കേ​ണ്ടി​യി​രി​ക്കു​ന്നു.

ക്രൈ​സ്ത​വ​രി​ൽ വ​ലി​യൊ​രു വി​ഭാ​ഗം ഇ​ന്ന് വി​ഭൂ​തി​കൊ​ണ്ട് നെ​റ്റി​യി​ലൊ​രു കു​രി​ശു​വ​ര​യ്ക്കും. പി​ന്നീ​ട് ഈ​സ്റ്റ​ർ​വ​രെ നീ​ണ്ടു​നി​ൽ​ക്കു​ന്ന നോ​ന്പ്. മ​ത്സ്യ-​മാം​സാ​ദി​ക​ൾ വ​ർ​ജി​ക്കും. പ​ക്ഷേ, യ​ഥാ​ർ​ഥ​ത്തി​ൽ ഒ​ഴി​വാ​ക്കേ​ണ്ട​തി​നെ​യൊ​ക്കെ നി​ല​നി​ർ​ത്തി മ​ത്സ്യ​ത്തെ​യും മാം​സ​ത്തെ​യും ബ​ലി​യ​ർ​പ്പി​ക്കു​ന്ന അ​നു​ഷ്ഠാ​ന​ത്തി​ന​പ്പു​റ​ത്തേ​ക്ക് നോ​ന്പ് ഇ​ത്ത​വ​ണ​യെ​ങ്കി​ലും വ​ള​ര​ണം. ചാ​ട്ട​വാ​റ​ടി​ക​ളാ​യ​ല്ല നോ​ന്പു​ദി​വ​സ​ങ്ങ​ളെ കാ​ണേ​ണ്ട​ത്. ക​റ​പു​ര​ണ്ട അ​സ്തി​ത്വ​ത്തെ വീ​ണ്ടെ​ടു​ക്കു​ന്ന ആ​ത്മീ​യ​ന്വേ​ഷ​ണ​ത്തി​ന്‍റെ തീ​ർ​ഥാ​ട​ന ദി​ന​ങ്ങ​ളാ​ക​ണം അ​ത്. വെ​റു​പ്പി​ന്‍റെ​യും വി​ദ്വേ​ഷ​ത്തി​ന്‍റെ​യും സ​മൂ​ഹ​മാ​ധ്യ​മ അ​ധോ​ലോ​ക​ത്തു​നി​ന്ന് ഇ​റ​ങ്ങാ​തെ നോ​ന്പ് സാ​ധ്യ​മ​ല്ല.

ദൈ​വ​ത്തെ​യും മാ​മോ​നെ​യും ഒ​ന്നി​ച്ചു സേ​വി​ക്കാ​നാ​വി​ല്ല. ധാ​ർ​മി​കാ​ധഃ​പ​ത​ന​ത്തി​ന്‍റെ ഡി​ജി​റ്റ​ൽ ലോ​ക​ത്തെ വ​രി​ച്ച​വ​രി​ൽ അ​ല്‌​മാ​യ​രും പു​രോ​ഹി​ത​രും സ​ന്യാ​സി​ക​ളു​മൊ​ക്കെ ഏ​റി​യോ കു​റ​ഞ്ഞോ പെ​ട്ടു​പോ​യി. തീ​വ്ര​വാ​ദ​ത്തെ​യും വ​ർ​ഗീ‍​യ​ത​യെ​യും എ​തി​ർ​ക്കു​ന്നു​വെ​ന്നു പ​റ​യു​ന്ന പ​ല​രും അ​തി​ൽ നി​ർ​ല​ജ്ജം പ​ങ്കെ​ടു​ക്കു​ന്നു. ആ ​ചെ​ളി​ക്കു​ഴി​യി​ലേ​ക്ക് ക്രൈ​സ്ത​വ​രെ​യും വീ​ഴ്ത്താ​ൻ സാ​ന്പ​ത്തി​ക-​രാ​ഷ്‌​ട്രീ​യ-​വ​ർ​ഗീ​യ പി​ന്തു​ണ​യോ​ടെ പ്ര​വ​ർ​ത്തി​ക്കു​ന്ന​വ​രെ ക​രു​തി​യി​രി​ക്ക​ണം. സു​വി​ശേ​ഷ​ത്തി​ൽ അ​പ​ര​വി​ദ്വേ​ഷ​ത്തി​നി​ട​മി​ല്ല.

ആ​ദി​മ​ക്രൈ​സ്ത​വ​രെ തി​രി​ച്ച​റി​യാ​ൻ അ​വ​രു​ടെ സ്നേ​ഹ​വും പ​ങ്കു​വ​യ്ക്ക​ലും അ​ട​യാ​ള​ങ്ങ​ളാ​യി​രു​ന്നു. ഇ​പ്പോ​ഴൊ​രു തി​രി​ച്ച​റി​യ​ൽ മു​ദ്ര​യു​മി​ല്ല. അ​ധി​കാ​ര​വും സ്ഥാ​ന​മാ​ന​ങ്ങ​ളും സ​ന്പ​ത്തും പ്ര​ലോ​ഭി​പ്പി​ക്കാ​ത്ത​വ​ർ ഇ​ല്ലെ​ന്ന​ല്ല. അ​തി​ൽ ക്രി​സ്ത്യാ​നി​ക്ക് ഒ​രു മേ​ൽ​ക്കൈ​യു​മി​ല്ല. ധാ​ർ​ഷ്‌​ട്യ​വും ഇ​ത​ര​മ​ത​വി​ദ്വേ​ഷ​വും സ​ർ​വാ​ശ്ലേ​ഷി​യാ​യ ആ​ർ​ത്തി​യും അ​ക്ര​മോ​ത്സു​ക​ത​യും മ​യ​ക്കു​മ​രു​ന്നും ഉ​ൾ​പ്പെ​ടെ എ​ല്ലാ​മ​ല്ല, ഏ​തെ​ങ്കി​ലു​മൊ​ന്നു ഗ്ര​സി​ച്ചെ​ങ്കി​ൽ നോ​ന്പ് തി​രു​ത്ത​ൽ​കാ​ല​മാ​ണ്.

ന​മ്മു​ടെ സ്ഥാ​പ​ന​ങ്ങ​ളെ​യും അ​തി​ന്‍റെ ന​ട​ത്തി​പ്പു​കാ​രെ​യും വി​മ​ർ​ശി​ക്കു​ന്ന​തു ശ​ത്രു​ക്ക​ൾ മാ​ത്ര​മ​ല്ലെ​ങ്കി​ൽ തി​രു​ത്തി​യേ തീ​രൂ. ഇ​ന്ന​ലെ, ആ​ർ​ച്ച്ബി​ഷ​പ് മാ​ർ തോ​മ​സ് ത​റ​യി​ൽ ഇ​ട​യ​ലേ​ഖ​ന​ത്തി​ൽ ഉ​പേ​ക്ഷ​യു​ടെ പാ​പ​ങ്ങ​ളെ​ക്കു​റി​ച്ചു പ​റ​യു​ന്പോ​ൾ “മോ​ഷ്ടി​ച്ചു എ​ന്ന​തു മാ​ത്ര​മ​ല്ല, വ​രു​മാ​ന​ത്തി​ന്‍റെ ഓ​ഹ​രി അ​നാ​ഥ​നും ദ​രി​ദ്ര​നും വി​ധ​വ​യ്ക്കും ന​ൽ​കി​യി​ല്ല എ​ന്ന​തും പാ​പ​മാ​ണ്.” എ​ന്ന് ഓ​ർ​മി​പ്പി​ക്കു​ന്നു. ചെ​യ്യാ​തെ​പോ​യ ന​ന്മ​ക​ളെ​ക്കു​റി​ച്ചും ധ്യാ​നി​ക്കാ​നു​ള്ള സ​മ​യ​മാ​ണ് നോ​ന്പ്.

അ​പ​ര​നു കൊ​ടു​ക്കാ​തെ​പോ​യ സാ​ന്പ​ത്തി​ക​സ​ഹാ​യം, സ്നേ​ഹം, സ​മാ​ധാ​നം, ബ​ഹു​മാ​നം തു​ട​ങ്ങി​യ​വ​യ്ക്കെ​ല്ലാം ക​ണ​ക്കു​പ​റ​യേ​ണ്ടി​വ​ന്നാ​ൽ ആ​രു​ണ്ടാ​കും ബാ​ക്കി? ഇ​ന്നു​വ​രെ ആ​രെ​യും കൊ​ന്നി​ട്ടി​ല്ലെ​ന്നു പ​റ​യു​ന്ന​വ​ർ സ​മൂ​ഹ​മാ​ധ്യ​മ​ങ്ങ​ളി​ലെ അ​വ​ഹേ​ള​ന​വും നു​ണ​പ്ര​ചാ​ര​ണ​വും​കൊ​ണ്ടു വീ​ഴ്ത്തി​യ​വ​രു​ടെ പ്രാ​ണ​ന​റ്റ ആ​ത്മാ​വി​നെ ക​ണ്ടി​ല്ലെ​ന്നു ന​ടി​ക്ക​രു​ത്. ഹി​ന്ദു​വും ക്രി​സ്ത്യാ​നി​യും മു​സ്‌​ലീ​മും ക​റു​ത്ത​വ​നും വെ​ളു​ത്ത​വ​നും ഒ​ന്നി​ച്ചു​ജീ​വി​ക്കാ​നാ​കാ​ത്ത സാ​ഹ​ച​ര്യം സൃ​ഷ്‌​ടി​ച്ച​വ​ർ ക​ട​ന്നു​വ​ന്ന വ​ഴി​ക​ളി​ലെ അ​ഴു​ക്കും ചോ​ര​യും പു​ര​ണ്ട ചെ​രി​പ്പു​ക​ൾ പു​റ​ത്തു​വ​ച്ചി​ട്ടാ​ക​ട്ടെ നോ​ന്പി​ന്‍റെ വി​ശു​ദ്ധി​യി​ലേ​ക്കു പ്ര​വേ​ശി​ക്കാ​ൻ. ക്രൈ​സ്ത​വ-​മു​സ്‌​ലിം നോ​ന്പു​കാ​ലം ഒ​ന്നി​ച്ചു തു​ട​ങ്ങു​ന്ന​ത് അ​പൂ​ർ​വ​മാ​ണ്.

ഒ​ന്നി​ച്ചു ന​ട​ക്കു​ന്ന​ത് എ​ത്ര ആ​ന​ന്ദ​ക​ര​മാ​ണ്! നോ​ന്പ​വ​സാ​നി​ക്കു​ന്പോ​ൾ സ​ഹ​ജീ​വി​ക്കു തി​രി​ച്ച​റി​യാ​ൻ ത​ക്ക​വി​ധം സ്നേ​ഹ​ത്തി​ന്‍റെ അ​ട​യാ​ള​ങ്ങ​ൾ ന​മ്മി​ൽ പ്ര​ത്യ​ക്ഷ​മാ​ക​ട്ടെ. 40 ദി​ന​രാ​ത്ര​ങ്ങ​ൾ ഉ​പ​വ​സി​ക്കാ​ൻ മ​രു​ഭൂ​മി​യി​ലേ​ക്കു പോ​യ ക്രി​സ്തു മ​ട​ങ്ങി​യെ​ത്തി​യ​പ്പോ​ൾ പ്ര​ലോ​ഭ​ന​ങ്ങ​ളെ അ​തി​ജീ​വി​ക്കാ​നും അ​ധി​കാ​ര​ത്തി​ന്‍റെ ദു​ർ​വൃ​ത്തി​ക​ളെ വെ​ല്ലു​വി​ളി​ക്കാ​നും ഭീ​ഷ​ണി​ക​ളെ​യും വ​ധ​ശി​ക്ഷ​യെ​യും നേ​രി​ടാ​നും ക​രു​ത്താ​ർ​ജി​ച്ചി​രു​ന്നു. ഭ​ക്ഷ​ണ-​പാ​നീ​യ-​സു​ഖാ​സ​ക്തി നി​യ​ന്ത്ര​ണ​ത്തി​നൊ​പ്പം ന​ന്മ​വ​ഴി​യി​ലെ ആ​ത്മീ​യാ​ന്വേ​ഷ​ണ​മാ​ണ് നോ​ന്പ്. അ​തു ചെ​ന്നു​ചേ​രു​ന്ന​ത്, ആ​ത്മാ​വി​ന്‍റെ ഉ​യി​ർ​പ്പു​തി​രു​നാ​ളി​ലേ​ക്കും ജീ​വി​ത​ത്തി​ന്‍റെ ന​വോ​ത്ഥാ​ന​ത്തി​ലേ​ക്കു​മ​ല്ലാ​തെ മ​റ്റെ​വി​ടേ​ക്കു​മ​ല്ല. ആ ​യാ​ത്ര​യു​ടെ ആ​ദ്യ​ദി​ന​മാ​ണി​ന്ന്.
Copyright @ 2018 , Rashtra Deepika Ltd.