ഹാര്‍ദിക്കിന് 24 ലക്ഷം പിഴ
Thursday, May 8, 2025 4:25 AM IST
മുംബൈ: ഐപിഎല്‍ ട്വന്‍റി-20 ക്രിക്കറ്റില്‍ ഗുജറാത്ത് ടൈറ്റന്‍സിന് എതിരായ മത്സരത്തില്‍ സ്ലോ ഓവര്‍ റേറ്റിന്‍റെ പേരില്‍ മുംബൈ ഇന്ത്യന്‍സ് ക്യാപ്റ്റന്‍ ഹാര്‍ദിക് പാണ്ഡ്യക്കു പിഴ ശിക്ഷ. സീസണില്‍ ഇതു രണ്ടാം തവണയാണ് സ്ലോ ഓവര്‍ റേറ്റിന്‍റെ പേരില്‍ ഹാര്‍ദിക്കിനു പിടിവീഴുന്നത്. 24 ലക്ഷം രൂപയാണ് പിഴ.
മത്സരത്തില്‍ മഴനിയമത്തിന്‍റെ അടിസ്ഥാനത്തില്‍ ഗുജറാത്ത് ടൈറ്റന്‍സ് മൂന്നു വിക്കറ്റ് ജയം സ്വന്തമാക്കി. മഴയെത്തുടര്‍ന്ന് രണ്ടു തവണ മത്സരം നിര്‍ത്തിവച്ചശേഷം, ഒരു ഓവറില്‍ 15 റണ്‍സായി ഗുജറാത്തിന്‍റെ ലക്ഷ്യം നിര്‍ണയിക്കപ്പെട്ടു.
അതോടെ 19 ഓവറില്‍ 147 എന്നതായി ഗുജറാത്തിന്‍റെ ലക്ഷ്യം. ദീപക് ചാഹര്‍ എറിഞ്ഞ 19-ാം ഓവറിലെ അവസാന പന്തില്‍ സിംഗിള്‍ എടുത്ത് ഗുജറാത്ത് ജയം സ്വന്തമാക്കി. റണ്ണൗട്ട് അവസരം ഹര്‍ദിക് പാഴാക്കിയതും ഗുജറാത്തിനു ഗുണമായി. സ്‌കോര്‍: മുംബൈ 155/8 (20). ഗുജറാത്ത് 147/7 (19).