നോവ സംഗീതോത്സവത്തിൽ കൊല്ലപ്പെട്ടവരുടെ കുടുംബങ്ങൾ സംഭവസ്ഥലത്ത് ഒത്തുചേർന്നു. അതേസമയം, ഗാസയിൽ ഹമാസ് ബന്ദികളാക്കിയവരുടെ ബന്ധുക്കൾ പ്രധാനമന്ത്രി ബെഞ്ചമിൻ നെതന്യാഹുവിന്റെ ജറൂസലേമിലെ വസതിക്കുമുന്നിൽ ഒത്തുചേർന്ന് രണ്ടു മിനിറ്റ് സൈറൺ മുഴക്കി.
ഗാസയിൽ യുദ്ധം രൂക്ഷമായി തുടരുന്നതിനാൽ ഔപചാരിക അനുസ്മരണ പരിപാടികളൊന്നും നടന്നില്ല. 2023 ഒക്ടോബർ 7-ലെ ആക്രമണത്തിൽ 1200 ഓളം പേർ കൊല്ലപ്പെട്ടു. നിരവധി ഇസ്രയേലികളെ ഹമാസ് ബന്ദികളാക്കുകയും ചെയ്തിരുന്നു. ഇതിനു പിന്നാലെ ഇസ്രയേലിന്റെ ആക്രമണത്തിൽ 42,870 പേർ ഗാസയിൽ കൊല്ലപ്പെട്ടു. ഇതിൽ ഭൂരിഭാഗം പേരും സാധാരണക്കാരാണ്.