ചെ​റു​വ​ള്ളി എ​സ്റ്റേ​റ്റി​ൽ കൈ​ത​ക്കൃ​ഷി ഊ​ർ​ജി​തം
Sunday, June 16, 2024 2:32 AM IST
എ​രു​മേ​ലി: വി​മാ​ന​ത്താ​വ​ള​ത്തി​ന് ന​ട​പ​ടി​ക​ൾ നീ​ങ്ങു​ന്ന​തൊ​ന്നും ചെ​റു​വ​ള്ളി എ​സ്റ്റേ​റ്റി​ലെ കൈ​ത​ക്കൃ​ഷി​യെ ബാ​ധി​ച്ചി​ട്ടി​ല്ല. വി​മാ​ന​ത്താ​വ​ള പ​ദ്ധ​തി​ക്ക് ഡി​പി​ആ​ർ (ഡീ​റ്റെ​യി​ൽ​ഡ് പ്രോ​ജ​ക്‌​ട് റി​പ്പോ​ർ​ട്ട്) ത​യാ​റാ​ക്കാ​ൻ ഫ്ര​ഞ്ച് സം​രം​ഭ​മാ​യ അ​സി​സ്റ്റം സ്റ്റൂ​പ്പി​നെ ചു​മ​ത​ല​പ്പെ​ടു​ത്തി ക​ഴി​ഞ്ഞ ദി​വ​സം ഉ​ത്ത​ര​വി​റ​ങ്ങി​യ​ത് ത​ങ്ങ​ൾ അ​റി​ഞ്ഞി​രു​ന്നെ​ന്ന് കൃ​ഷി ന​ട​ത്തി​പ്പു​കാ​ർ പ​റ​ഞ്ഞു.

വാ​ണി​ജ്യാ​ടി​സ്ഥാ​ന​ത്തി​ൽ ഏ​ക്ക​ർ​ക​ണ​ക്കി​ന് വ്യാ​പി​ച്ചു കി​ട​ക്കു​ന്ന കൈ​ത​ത്തോ​ട്ട​ത്തി​ൽ ഇ​ത​ര സം​സ്ഥാ​ന തൊ​ഴി​ലാ​ളി​ക​ളാ​ണ് ജോ​ലി ചെ​യ്യു​ന്ന​ത്. ത​ങ്ങ​ൾ കൃ​ഷി​പ്പ​ണി ചെ​യ്യു​ന്ന സ്ഥ​ലം നി​ർ​ദി​ഷ്‌​ട വി​മാ​ന​ത്താ​വ​ള പ​ദ്ധ​തി​യു​ടെ പ്ര​ദേ​ശ​മാ​ണെ​ന്ന് ഇ​വ​രി​ൽ മി​ക്ക​വ​ർ​ക്കും അ​റി​യാം.

ക​ഴി​ഞ്ഞ​യി​ടെ എ​സ്റ്റേ​റ്റ് ഉ​ൾ​പ്പെ​ടെ സ​മീ​പ സ്വ​കാ​ര്യ സ്ഥ​ല​ങ്ങ​ൾ ഏ​റ്റെ​ടു​ക്കാ​ൻ സ​ർ​ക്കാ​ർ ന​ട​പ​ടി​ക​ൾ ആ​രം​ഭി​ച്ച​താ​ണ്. എ​ന്നാ​ൽ പാ​ർ​ല​മെ​ന്‍റ് തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ടം മൂ​ലം സ്ഥ​ലം ഉ​ട​മ​ക​ളു​മാ​യു​ള്ള പൊ​തു ഹി​യ​റിം​ഗ് മാ​റ്റി​വ​ച്ചു. ഇ​തി​ന് പി​ന്നാ​ലെ എ​സ്റ്റേ​റ്റ് അ​ധി​കൃ​ത​ർ ഹൈ​ക്കോ​ട​തി​യെ സ​മീ​പി​ച്ച് എ​സ്റ്റേ​റ്റ് ഏ​റ്റെ​ടു​ക്കാ​നു​ള്ള സ​ർ​ക്കാ​ർ ന​ട​പ​ടി​ക്കെ​തി​രേ സ്റ്റേ ​നേ​ടി. ഇ​തി​ന് പി​ന്നാ​ലെ സ്റ്റേ ​നീ​ക്കാ​ൻ സ​ർ​ക്കാ​ർ ന​ട​പ​ടി​ക​ൾ സ്വീ​ക​രി​ച്ചു കൊ​ണ്ടി​രി​ക്കു​ക​യാ​ണ്. ഇ​തോ​ടൊ​പ്പ​മാ​ണ് ഇ​പ്പോ​ൾ ഡി​പി​ആ​ർ ത​യാ​റാ​ക്കാ​ൻ ന​ട​പ​ടി​ക​ൾ ആ​രം​ഭി​ക്കാ​ൻ പോ​കു​ന്ന​ത്.

വ്യോ​മ​യാ​ന മ​ന്ത്രാ​ല​യ​ത്തി​ന്‍റെ സൈ​റ്റ് ക്ലി​യ​റ​ൻ​സ് അ​നു​മ​തി അ​ടു​ത്ത വ​ർ​ഷം ഏ​പ്രി​ലി​ൽ അ​വ​സാ​നി​ക്കും. അ​തി​ന് മു​മ്പ് ഡി​പി​ആ​ർ ത​യാ​റാ​ക്കി അ​ന്തി​മ അ​നു​മ​തി നേ​ട​ണം. ഒ​പ്പം എ​സ്റ്റേ​റ്റ് അ​ധി​കൃ​ത​രും സ​ർ​ക്കാ​രും ത​മ്മി​ലു​ള്ള വ്യ​വ​ഹാ​ര ത​ർ​ക്ക​വും പ​രി​ഹ​രി​ക്ക​പ്പെ​ട​ണം.

ക​രാ​ർ വ്യ​വ​സ്ഥ​യി​ലാ​ണ് കൈ​ത​ക്കൃ​ഷി. ഒ​പ്പം റ​ബ​ർ മ​ര​ങ്ങ​ളും പു​തി​യ​ത് ന​ട്ടി​ട്ടു​ണ്ട്. വി​മാ​ന​ത്താ​വ​ള പ​ദ്ധ​തി​ക്ക് സ്ഥ​ലം ഏ​റ്റെ​ടു​ക്കു​ന്ന​തോ​ടെ കൃ​ഷി നി​ർ​ത്തേ​ണ്ടി വ​രും. കൈ​ത​യും റബ​റും എ​ല്ലാം മു​റി​ച്ചു മാ​റ്റേ​ണ്ടി വ​രും. അ​ങ്ങ​നെ​യാ​യാ​ൽ ന​ഷ്ട​പ​രി​ഹാ​രം കി​ട്ടു​മെ​ന്നും കൈ​ത​ക്കൃ​ഷി​ക്കാ​ർ പ്ര​തീ​ക്ഷി​ക്കു​ന്നുണ്ട്.

Copyright @ 2022 , Rashtra Deepika Ltd.