ഈ​രാ​റ്റു​പേ​ട്ട ടൗ​ണി​ൽ യാത്രക്കാരെ വ​ട്ടം​ക​റ​ക്കി ഓ​ട്ടോ​റി​ക്ഷ​ക​ൾ
Sunday, June 16, 2024 2:32 AM IST
ഈ​രാ​റ്റു​പേ​ട്ട: ന​ഗ​ര​ത്തി​ല്‍ ഓ​ട്ടോ​റി​ക്ഷ​ക​ൾ ‌യാ​ത്ര​ക്കാ​രെ​യും മ​റ്റു വാ​ഹ​ന​ങ്ങ​ളെ​യും വ​ട്ടം​ക​റ​ക്കു​ക​യാ​ണ്. ഓ‌​ട്ടോ​റി​ക്ഷ​ക​ളു​ടെ അ​ന​ധി​കൃ​ത ക​റ​ക്ക​വും പാ​ര്‍​ക്കിം​ഗും ഗ​താ​ഗ​ത​ക്കു​രു​ക്കി​നു കാ​ര​ണ​മാ​കു​ന്നു. യാ​ത്ര​ക്കാ​രെ​ത്തേ​ടി ബ​സു​ക​ളു​ടെ പി​ന്നാ​ലെ​യു​ള്ള പാ​ച്ചി​ലി​നു ത​ട​യി​ടാ​നാ​കാ​തെ വ​രു​ന്ന​തോ​ടെ ന​ഗ​ര​ത്തി​ലെ കു​രു​ക്ക് ദി​നം​പ്ര​തി വ​ര്‍​ധി​ക്കു​ക​യാ​ണ്. സ്റ്റാ​ന്‍​ഡി​ല്‍ ഓ​ട്ടം കാ​ത്തു​കി​ട​ക്കു​ന്ന ഡ്രൈ​വ​ര്‍​മാ​ര്‍​ക്ക് ആ​ളെ കി​ട്ടാ​തെ വ​രു​ന്ന​തും ഇ​തി​ന്‍റെ മ​റു​വ​ശ​മാ​ണ്.

ന​ഗ​ര​ഹൃ​ദ​യ​മാ​യ കു​രി​ക്ക​ള്‍ ന​ഗ​റി​ലെ പൂ​ഞ്ഞാ​ര്‍ ബ​സ് സ്റ്റോ​പ്പാ​ണ് ഓ​ട്ടോ​റി​ക്ഷ​ക​ളു​ടെ പ്ര​ധാ​ന കേ​ന്ദ്ര​ബി​ന്ദു. കാ​ഞ്ഞി​ര​പ്പ​ള്ളി, തൊ​ടു​പു​ഴ, പാ​ലാ റോ​ഡു​ക​ളി​ല്‍ നി​ന്നെത്തു​ന്ന സ്വ​കാ​ര്യ ബ​സു​ക​ളു​ടെ ബ​സ് സ്റ്റാ​ന്‍​ഡി​ന് മു​ന്‍​പു​ള്ള പ്ര​ധാ​ന സ്റ്റോ​പ്പാ​ണി​ത്. അ​തു​കൊ​ണ്ട് ത​ന്നെ ഓ​രോ ബ​സും എ​ത്തു​മ്പോ​ഴും ആ​ളെ പി​ടി​ക്കാ​ന്‍ ബ​സു​ക​ള്‍​ക്കു പി​ന്നി​ല്‍ ക​റ​ങ്ങു​ക​യാ​ണ് ഒ​രു​കൂ​ട്ടം ഓ​ട്ടോ​ക​ള്‍.

എ​തി​രേ ബ​സ് വ​രു​ന്ന​തു ക​ണ്ടാ​ല്‍ ന​ടു​റോ​ഡി​ല്‍ വെ​ട്ടി​ച്ച് ബ​സി​നു പി​ന്നാ​ലെ പാ​യു​ന്ന കാ​ഴ്ച ടൗ​ണി​ല്‍ പ​തി​വാ​ണ്. പൂ​ഞ്ഞാ​ര്‍ സ്റ്റോ​പ്പി​ല്‍ അ​ന​ധി​കൃ​ത ഓ​ട്ടോ സ്റ്റാ​ന്‍​ഡി​നു സ​മാ​ന​മാ​യ രീ​തി​യി​ലാ​ണ് ഇ​പ്പോ​ള്‍ കാ​ര്യ​ങ്ങ​ള്‍. അ​ഞ്ചോ​ളം ഓ​ട്ടോ​റി​ക്ഷ​ക​ള്‍​വ​രെ ഇ​വി​ടെ പാ​ര്‍​ക്ക് ചെ​യ്യു​ന്ന കാ​ഴ്ച നി​ത്യ​സം​ഭ​വാ​ണ്.

സ്‌​കൂ​ള്‍ തു​റ​ന്ന​തോ​ടെ ഗ​താ​ഗ​ത​ക്കു​രു​ക്കും വ​ര്‍​ധി​ച്ചി​ട്ടു​ണ്ട്. ഞാ​യ​റാ​ഴ്ച​ക​ളി​ല്‍ പോ​ലും ന​ഗ​ര​ത്തി​ലെ തി​ര​ക്കി​നു കു​റ​വൊ​ന്നു​മി​ല്ല. കു​രി​ക്ക​ള്‍ ന​ഗ​റി​ല്‍ ഒ​രു പോ​ലീ​സു​കാ​ര​ന്‍റെ സേ​വ​നം മാ​ത്ര​മാ​ണ് ല​ഭ്യ​മാ​കു​ന്ന​ത്. അ​ല​ക്ഷ്യ​മാ​യ ഡ്രൈ​വിം​ഗും ഗ​താ​ഗ​ത നി​ര്‍​ദേ​ശ​ങ്ങ​ളോ​ടു​ള്ള നി​ഷേ​ധാ​ത്മ​ക നി​ല​പാ​ടും കു​രു​ക്ക് വ​ര്‍​ധി​ക്കാ​നു​ള്ള കാ​ര​ണ​ങ്ങ​ളാ​ണ്. മാ​ര്‍​ക്ക​റ്റ്, കോ​സ്‌​വേ റോ​ഡു​ക​ളി​ല്‍ നി​ന്നു​ള്ള പ്ര​വേ​ശ​നം ത​ട​ഞ്ഞ് കു​രു​ക്ക​ഴി​ക്കാ​നു​ള്ള നി​ര്‍​ദേ​ശം രണ്ടു ത​വ​ണ ഗ​താ​ഗ​ത ഉ​പ​ദേ​ശ​ക​സ​മി​തി യോ​ഗ​ത്തി​ലു​ണ്ടാ​യി​ട്ടും ന​ട​പ്പാ​ക്കാ​നാ​യി​ല്ല.

വാ​ഹ​ന​ബാ​ഹു​ല്യം ദി​വ​സേ​ന വ​ര്‍​ധി​ക്കു​മ്പോ​ഴും ന​ഗ​ര​ത്തി​ല്‍ റോ​ഡ് സൗ​ക​ര്യ​ങ്ങ​ള്‍ കു​റ​യു​ന്ന​ത​ല്ലാ​തെ കൂ​ടു​ന്നി​ല്ല. ന​ട​പ്പാ​ത​ക​ളി​ലെ പാ​ര്‍​ക്കിം​ഗും ക​ച്ച​വ​ട​വും വ​ഴി​യാ​ത്ര​ക്കാ​ര്‍​ക്കും ദു​രി​ത​മാ​ണ് സൃ​ഷ്ടി​ക്കു​ന്ന​ത്. എ​ത്ര കു​രു​ങ്ങി​യാ​ലും സ്വ​യം അ​ഴി​ച്ചു​പോ​വു​ക മാ​ത്ര​മാ​ണ് ഈ​രാ​റ്റു​പേ​ട്ട​യി​ലെ​ത്തു​ന്ന​വ​രു​ടെ പോം​വ​ഴി.

Copyright @ 2022 , Rashtra Deepika Ltd.