വി​വേ​ക് എ​ക്സ്പ്ര​സി​നു തി​രു​വ​ല്ല​യി​ൽ സ്റ്റോ​പ്പ് വേ​ണം
Saturday, June 22, 2024 4:09 AM IST
തി​രു​വ​ല്ല: പ്രതിദി​ന ട്രെ​യി​നാ​യി മാ​റു​ന്ന ദി​ബ്രു​ഗ​ഡ്-​ക​ന്യാ​കു​മാ​രി വി​വേ​ക് സൂ​പ്പ​ർ ഫാ​സ്റ്റ് എ​ക്സ്പ്ര​സി​ന് തി​രു​വ​ല്ല​യി​ൽ സ്റ്റോ​പ്പ് അ​നു​വ​ദി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി. തി​രു​വ​ല്ല​യി​ൽ ഇ​നി സ്റ്റോ​പ്പി​ല്ലാ​ത്ത ചു​രു​ക്കം ചി​ല ദീ​ർ​ഘ​ദൂ​ര ട്രെ​യി​നു​ക​ളി​ൽ ഒ​ന്നാ​ണ് വി​വേ​ക് എ​ക്സ്പ്ര​സ്. കോ​ട്ട​യം ക​ഴി​ഞ്ഞാ​ൽ ചെ​ങ്ങ​ന്നൂ​രി​ൽ മാ​ത്ര​മാ​ണ് ട്രെ​യി​ന് ഇ​പ്പോ​ൾ സ്റ്റോ​പ്പു​ള്ള​ത്.

രാ​ജ്യ​ത്തെ ഒ​ന്പ​ത് സം​സ്ഥാ​ന​ങ്ങ​ളെ ബ​ന്ധി​പ്പി​ച്ചാ​ണ് വി​വേ​ക് എ​ക്സ്പ്ര​സ് സ​ർ​വീ​സ് ന​ട​ത്തു​ന്ന​ത്. നി​ല​വി​ൽ ആ​ഴ്ച​യി​ൽ അ​ഞ്ചു​ദി​വ​സം ഓ​ടി​യി​രു​ന്ന ട്രെ​യി​നി​ലെ യാ​ത്രാ​തി​ര​ക്കാ​ണ് പ്ര​തി​ദി​ന​മാ​ക്കാ​ൻ കാ​ര​ണം. അ​സ​മി​ലെ ദി​ബ്രു​ഗ​ഡി​ൽ​നി​ന്നാ​രം​ഭി​ച്ച് ക​ന്യാ​കു​മാ​രി വ​രെ 4189 കി​ലോ​മീ​റ്റ​ർ താ​ണ്ടു​ന്ന രാ​ജ്യ​ത്തെ ഏ​റ്റ​വും ദൈ​ർ​ഘ്യ​മേ​റി​യ റെ​യി​ൽ​വേ റൂ​ട്ടു​മാ​ണി​ത്.

ഇ​ത​ര​സം​സ്ഥാ​ന​ങ്ങ​ളി​ൽ​നി​ന്നു കേ​ര​ള​ത്തി​ൽ ജോ​ലി​യെ​ടു​ക്കാ​ൻ എ​ത്തി​യ​വ​രു​ടെ കൂ​ടി പ്ര​ധാ​ന ആ​ശ്ര​യ​മാ​ണ് ഈ ​ട്രെ​യി​ൻ. തി​രു​വ​ല്ല റെ​യി​ൽ​വേ സ്റ്റേ​ഷ​ൻ കേ​ന്ദ്രീ​ക​രി​ച്ച് യാ​ത്ര ന​ട​ത്തു​ന്ന നി​ര​വ​ധി​യാ​ളു​ക​ൾ ഇ​ക്കൂ​ട്ട​ത്തി​ലു​ണ്ട്. ഇ​വ​രു​ടെ കൂ​ടി യാ​ത്രാ​സൗ​ക​ര്യം ക​ണ​ക്കി​ലെ​ടു​ത്താ​ണ് ആ​വ​ശ്യം ഉ​യ​ർ​ന്നി​രി​ക്കു​ന്ന​ത്.


രാ​ത്രി​കാ​ല തി​രു​വ​ന​ന്ത​പു​രം ട്രെ​യി​നു​ക​ളു​ടെ സ്റ്റോ​പ്പ് പു​നഃ​സ്ഥാ​പി​ച്ചി​ല്ല

തി​രു​വ​ല്ല വ​ഴി പു​ല​ർ​ച്ചെ ക​ട​ന്നു​പോ​കു​ന്ന മൂ​ന്ന് പ്ര​ധാ​ന ട്രെ​യി​നു​ക​ളു​ടെ​സ്റ്റോ​പ്പ് പു​നഃ​സ്ഥാ​പി​ക്കാ​ത്ത​തും യാ​ത്ര​ക്കാ​ർ​ക്ക് ദു​രി​ത​മാ​യി തു​ട​രു​ക​യാ​ണ്. കോ​വി​ഡ് കാ​ല​ത്ത് നി​ർ​ത്ത​ലാ​ക്കി​യ സ്റ്റോ​പ്പു​ക​ൾ പു​നഃ​സ്ഥാ​പി​ക്കാ​ൻ ആ​ന്‍റോ ആ​ന്‍റ​ണി എം​പി അ​ട​ക്കം നി​ര​വ​ധി ശ്ര​മ​ങ്ങ​ൾ ന​ട​ത്തി​യ​താ​ണ്. സ​മീ​പ സ്റ്റേ​ഷ​നു​ക​ളി​ൽ സ്റ്റോ​പ്പു​ക​ൾ പു​നഃ​സ്ഥാ​പി​ച്ചു ന​ൽ​കി​യ​പ്പോ​ഴും തി​രു​വ​ല്ല​യെ അ​വ​ഗ​ണി​ച്ചു.

മം​ഗ​ലാ​പു​രം-​തി​രു​വ​ന​ന്ത​പു​രം എ​ക്സ്പ്ര​സ്, മ​ധു​ര-​തി​രു​വ​ന​ന്ത​പു​രം അ​മൃ​ത എ​ക്സ്പ്ര​സ്, നി​ല​ന്പൂ​ർ റോ​ഡ്-​കൊ​ച്ചു​വേ​ളി രാ​ജ്യ​റാ​ണി എ​ക്സ്പ്ര​സ് എ​ന്നി​വ​യു​ടെ സ്റ്റോ​പ്പു​ക​ളാ​ണ് എ​ടു​ത്തു ക​ള​ഞ്ഞി​രി​ക്കു​ന്ന​ത്.

രാ​ത്രി​യി​ലും പു​ല​ർ​ച്ചെ​യു​മാ​യി തി​രു​വ​ല്ല വ​ഴി ക​ട​ന്നു​പോ​കു​ന്ന ഈ ​ട്രെ​യി​നു​ക​ളി​ൽ മ​ല​ബാ​ർ മേ​ഖ​ല​യി​ൽ​നി​ന്നും തി​രു​വ​ല്ല ഭാ​ഗ​ത്തേ​ക്ക് വ​രു​ന്ന​വ​രാ​ണ് ഏ​റെ ബു​ദ്ധി​മു​ട്ടു​ന്ന​ത്. തി​രു​വ​ന​ന്ത​പു​ര​ത്തു നി​ന്നും വ​ട​ക്കോ​ട്ടു​ള്ള യാ​ത്ര​യി​ൽ മൂ​ന്ന് ട്രെ​യി​നു​ക​ളും തി​രു​വ​ല്ല​യി​ൽ നി​ർ​ത്തു​ന്നു​ണ്ട്.