ഇ​ട​ത്തി​ട്ട ജോ​ബി മാ​ത്യു​വി​ന്‍റെ ദു​രൂ​ഹ​മ​ര​ണം: കൊ​ല​പാ​ത​ക​മെ​ന്ന് നി​ഗ​മ​നം; പ​ത്ത​നം​തി​ട്ട സ്വ​ദേ​ശി അ​റ​സ്റ്റി​ൽ
Friday, June 21, 2024 4:29 AM IST
കൊ​ടു​മ​ൺ: ഇ​ട​ത്തി​ട്ട പു​തു​പ്പ​റ​മ്പി​ൽ വീ​ട്ടി​ൽ ജോ​ബി മാ​ത്യു​വി​ന്‍റെ (44) ദു​രൂ​ഹ മ​ര​ണ​വു​മാ​യി ബ​ന്ധ​പ്പെ​ട്ട് പ​ത്ത​നം​തി​ട്ട പ്രൈ​വ​റ്റ് ബ​സ് സ്റ്റാ​ൻ​ഡി​നു സ​മീ​പം താ​മ​സി​ക്കു​ന്ന ചി​ന്ന​ല​ബ്ബ വീ​ട്ടി​ൽ അ​ബ്ദു​ൾ അ​സീ​സി​നെ (45) പോ​ലീ​സ് അ​റ​സ്റ്റ് ചെ​യ്തു.

ക​ഴി​ഞ്ഞ മേ​യ് 25നു ​രാ​ത്രി 8.45 ഓ​ടെ ഇ​ട​ത്തി​ട്ട ജം​ഗ്ഷ​നു സ​മീ​പം റോ​ഡ് സൈ​ഡി​ൽ പാ​ർ​ക്ക് ചെ​യ്തി​രു​ന്ന ഒ​രു വാ​ഹ​ന​ത്തി​ൽ ജോ​ബി മാ​ത്യു ഓ​ടി​ച്ചി​രു​ന്ന കാ​ർ ഇ​ടി​ക്കു​ക​യും പ​രി​ക്കേ​റ്റ് കി​ട​ന്ന ജോ​ബി​യെ നാ​ട്ടു​കാ​ർ ആ​ശു​പ​ത്രി​യി​ൽ എ​ത്തി​ക്കു​ക​യു​മാ​യി​രു​ന്നു. വാ​ഹ​നാ​പ​ക​ടം എ​ന്നാ​ണ് ആ​ദ്യം ക​രു​തി​യ​ത്.

എ​ന്നാ​ൽ പ​രി​ക്ക് വാ​ഹ​നാ​പ​ക​ട​ത്തി​ൽ സം​ഭ​വി​ച്ച​ത​ല്ലെ​ന്ന് പ​രി​ശോ​ധി​ച്ച ഡോ​ക്ട​ർ റി​പ്പോ​ർ​ട്ട് ചെ​യ്തു. ത​ല​യു​ടെ പി​ൻ​ഭാ​ഗ​ത്ത് പൊ​ട്ട​ലുണ്ടെ​ന്നും ക​ണ്ടെ​ത്തി ഇ​തേ​ത്തു​ട​ർ​ന്ന് പോ​ലീ​സ് കേ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണം ആ​രം​ഭി​ച്ചു. ചി​കി​ത്സ​യി​ലി​രി​ക്കേ ജൂ​ൺ നാ​ലി​ന് കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ജോ​ബി മ​രി​ച്ചു.

തു​ട​ർ​ന്ന് സി​സി​ടി​വി ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ൽ കാ​ർ ഇ​ടി​ച്ച​തി​നു ശേ​ഷം സ്ഥ​ല​ത്ത് ത​ർ​ക്ക​മു​ണ്ടാ​യ​താ​യി ക​ണ്ടെ​ത്തി. ഇ​തി​നി​ടെ ജോ​ബി​യെ ആ​രോ ത​ള്ളി​യി​ടു​ന്ന​തും ദൃ​ശ്യ​ങ്ങ​ളി​ൽ വ്യ​ക്ത​മാ​യി​രു​ന്നു.

ജി​ല്ലാ പോ​ലീ​സ് മേ​ധാ​വി വി. ​അ​ജി​ത്തി​ന്‍റെ നി​ർ​ദ്ദേ​ശ​ത്തെത്തു​ട​ർ​ന്ന് അ​ന്വേ​ഷ​ണ സം​ഘ​ങ്ങ​ൾ ചേ​ർ​ന്ന് 50 ഓ​ളം സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ച​തി​ൽ നി​ന്ന് ഇ​ടി​ച്ച​ത് ചു​വ​ന്ന സ്വി​ഫ്റ്റ് കാ​ർ ആ​ണെ​ന്ന് തി​രി​ച്ച​റി​ഞ്ഞു. ജി​ല്ല​യി​ലെ വ​ർ​ക്ക് ഷോ​പ്പു​ക​ൾ, കാ​ർ ഷോ​റു​മു​ക​ൾ, കാ​ർ പെ​യി​ന്‍റിം​ഗ് സ്ഥാ​പ​ന​ങ്ങ​ൾ എ​ന്നി​വി​ട​ങ്ങ​ളി​ൽ അ​ന്വേ​ഷ​ണം ന​ട​ത്തി.


ചു​വ​ന്ന സ്വി​ഫ്റ്റ് കാ​റു​ക​ളു​ടെ ലി​സ്റ്റ് ആ​ർ​ടി ഓ​ഫീ​സി​ൽനി​ന്നും ശേ​ഖ​രി​ച്ച് 200 ഓ​ളം വാ​ഹ​ന​ങ്ങ​ൾ പ​രി​ശോ​ധി​ച്ചു. കാ​ർ ഓ​ടി​ച്ച​വ​രു​ടെ​യും ഉ​ട​മ​സ്ഥ​രു​ടെ​യും ലി​സ്റ്റ് പ​രി​ശോ​ധി​ച്ച​തി​ൽ പ​ത്ത​നം​തി​ട്ട സ്വ​ദേ​ശി​യു​ടെ ലൊ​ക്കേ​ഷ​ൻ സം​ഭ​വം ന​ട​ന്ന സ്ഥ​ല​ത്തുള്ളതാ​യി മ​ന​സി​ലാ​യി. തു​ട​ർ​ന്ന് ഇ​യാ​ളെ ഫോ​ണി​ൽ വി​ളി​ച്ച് വാ​ഹ​നം ഹാ​ജ​രാ​ക്കാ​ൻ ആ​വ​ശ്യ​പ്പെ​ട്ടെ​ങ്കി​ലും എ​ത്തി​യി​ല്ല. തു​ട​ർ​ന്ന് അ​ന്വേ​ഷ​ണ​സം​ഘം അ​ബ്ദു​ൾ അ​സീ​സി​ന്‍റെ വീ​ട്ടി​ലെ​ത്തി.

വാ​ഹ​ന​വും മൊ​ബൈ​ൽ ഫോ​ണും ഉ​പേ​ക്ഷി​ച്ച് ഇ​യാ​ൾ ഒ​ളി​വി​ൽ പോ​യ​താ​യി ക​ണ്ട​തോ​ടെ അ​ന്വേ​ഷ​ണം ബ​ല​പ്പെ​ട്ടു. തു​ട​ർ​ന്ന് വീ​ട്ടി​ലെ ചു​വ​ന്ന സ്വി​ഫ്​റ്റ് കാ​ർ പ​രി​ശോ​ധി​ച്ച​തി​ൽ കാ​റി​ന്‍റെ പി​ൻ​ഭാ​ഗ​ത്ത് വാ​ഹ​നാ​പ​ക​ട​ത്തി​ൽ ഉ​ണ്ടാ​കു​ന്ന കേ​ടു​പാ​ടു​ക​ൾ ക​ണ്ടെ​ത്തി.

അ​ന്വേ​ഷ​ണ​ത്തി​ൽ ഇയാ​ൾ പാ​ല​ക്കാ​ട്, പെ​രു​മ്പാ​വൂ​ർ തു​ട​ങ്ങി​യ സ്ഥ​ല​ങ്ങ​ളി​ൽ പോ​യ​താ​യും അ​വി​ടെ നി​ന്ന് തി​രു​വ​ന​ന്ത​പു​ര​ത്തേ​ക്ക് ക​ട​ന്ന​താ​യും മ​ന​സി​ലാ​യി. ഇ​തി​നി​ടെ ഹൈ​ക്കോ​ട​തി​യി​ൽ മു​ൻ​കൂ​ർ ജാ​മ്യ​ത്തി​നു ശ്ര​മി​ച്ചെ​ങ്കി​ലും ല​ഭി​ച്ചി​ല്ല.

തി​രു​വ​ന​ന്ത​പു​ര​ത്ത് ഒ​രു ലോ​ഡ്‌​ജ്‌ പ​രി​സ​ര​ത്ത് നി​ന്നും ആ​ളെ ക​ണ്ടെ​ത്തി ക​സ്റ്റ​ഡി​യി​ൽ എ​ടു​ക്കു​ക​യാ​യി​രു​ന്നു. ചോ​ദ്യം ചെ​യ്ത് അ​റ​സ്റ്റ് രേ​ഖ​പ്പെ​ടു​ത്തി. പ​ത്ത​നം​തി​ട്ട​യി​ൽനി​ന്ന് ര​ക്ഷപ്പെ​ടാ​ൻ ഉ​പ​യോ​ഗി​ച്ച വാ​ഹ​നം പെ​രു​മ്പാ​വൂ​രി​ൽ നി​ന്നും ക​ണ്ടെ​ത്തി. അ​ബ്ദു​ൾ അ​സീ​സി​നെ പ​ത്ത​നം​തി​ട്ട ജൂ​ഡീ​ഷ​ൽ ഒ​ന്നാം​ക്ലാ​സ് മ​ജി​സ്ട്രേ​റ്റ് കോ​ട​തി ര​ണ്ടി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു .