അ​ടൂ​രി​ൽ മാ​ർ​ത്തോ​മ്മ പ​ള്ളി​യി​ലും വെ​ള്ള​ക്കു​ള​ങ്ങ​ര ക്ഷേ​ത്ര​ത്തി​ലും മോ​ഷ​ണം
Wednesday, June 19, 2024 4:45 AM IST
അ​ടൂ​ർ: ആ​രാ​ധ​നാ​ല​യ​ങ്ങ​ളി​ലെ കാ​ണി​ക്ക​വ​ഞ്ചി​ക​ൾ കു​ത്തി​പ്പൊ​ളി​ച്ച് മോ​ഷ​ണം. തി​ങ്ക​ളാ​ഴ്ച രാ​ത്രി​യാ​ണ് മോ​ഷ​ണം ന​ട​ന്ന​ത്. അ​ടൂ​ർ ഫ​യ​ർ സ്റ്റേ​ഷ​നു സ​മീ​പ​മു​ള്ള ഇ​മ്മാ​നു​വേ​ൽ മാ​ർ​ത്തോ​മ്മ പ​ള്ളി​യു​ടെ ഓ​ഫീ​സ്മു​റി​യു​ടെ വാ​തി​ൽ കു​ത്തി​പ്പൊ​ളി​ച്ചാ​ണ് മോ​ഷ​ണം ന​ട​ത്തി​യ​ത്. ഓ​ഫീ​സ് മു​റി​യി​ൽ ക​യ​റി​യ മോ​ഷ്ടാ​വ് അ​വി​ടെ ഉ​ണ്ടാ​യി​രു​ന്ന മേ​ശ​ക​ൾ​ക്കു​ള്ളി​ൽ​നി​ന്നു ഫ​യ​ലു​ക​ൾ പു​റ​ത്തേ​ക്കി​ട്ടു. ഹാ​ളി​ൽ സൂ​ക്ഷി​ച്ചി​രു​ന്ന ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ​ക്കു​ള്ള വ​ഞ്ചി അ​പ​ഹ​രി​ക്കു​ക​യും ചെ​യ്തു.

വെ​ള്ള​ക്കു​ള​ങ്ങ​ര​യി​ലു​ള്ള വെ​ള്ളാ​രം​കു​ന്ന് ക്ഷേ​ത്ര​ത്തി​ന്‍റെ ശ്രീ​കോ​വി​ൽ കു​ത്തി​ത്തു​റ​ന്ന​ാ​ണ് മോ​ഷ​ണം ന​ട​ത്തി​യ​ത്.​

നാ​ല​മ്പ​ല​ത്തി​ന് മു​ക​ളി​ൽ പ്ലാ​സ്റ്റി​ക് ക​യ​റി​ട്ട് ക​യ​റാ​നും സ​മീ​പ​ത്തെ വീ​ട്ടി​ലെ കോ​വ​ണി എ​ടു​ത്തു​കൊ​ണ്ടു​വ​ന്ന് ക​യ​റാ​നും ശ്ര​മി​ച്ചെ​ങ്കി​ലും ക​ഴി​ഞ്ഞി​ല്ല. ‌പി​ന്നീ​ട് ചു​റ്റ​ന്പ​ല​ത്തി​ന്‍റെ ഒ​രു വ​ശ​ത്തെ ക​ത​കി​ന്‍റെ പൂ​ട്ട് പൊ​ളി​ച്ചു അ​ക​ത്തു​ക​യ​രി മോ​ഷ്ടാ​ക്ക​ൾ ശ്രീ​കോ​വി​ലി​ന്‍റെ മു​ൻ​വ​ശ​ത്തെ ഗ്രി​ല്ലും ക​ത​കി​ന്‍റെ പൂ​ട്ടും ത​ക​ർ​ത്തു. ശ്രീ​കോ​വി​ലി​നു​ള്ളി​ലെ മൂ​ന്ന് കാ​ണി​ക്ക​വ​ഞ്ചി​ക​ൾ പു​റ​ത്തെ​ടു​ത്ത് തു​റ​ന്ന് പ​ണം അ​പ​ഹ​രി​ച്ചു. ചെ​റി​യ നാ​ണ‍​യ​ങ്ങ​ൾ ഉ​പേ​ക്ഷി​ച്ച് വ​ലി​യ തു​ക​യു​ടെ നോ​ട്ടും നാ​ണ​യ​വു​മാ​യി ക​ട​ന്നു​ക​ള​യു​ക​യാ​യി​രുന്നു. രാ​വി​ലെ ക്ഷേ​ത്ര​ത്തി​ലെ​ത്തി​യ ജീ​വ​ന​ക്കാ​രാ​ണ് നാ​ല​ന്പ​ല​ത്തി​ന്‍റെ ഒ​രു വ​ശ​ത്തെ ക​ത​ക് തു​റ​ന്നു കി​ട​ക്കു​ന്ന​തു ക​ണ്ട​ത്.


ഏ​ക​ദേ​ശം 8,000 രൂ​പ​യു​ടെ ന​ഷ്ടം ഉ​ണ്ടാ​യെ​ന്നാ​ണ് ദേ​വ​സ്വം അ​ധി​കൃ​ത​ർ ക​ണ​ക്കാ​ക്കു​ന്ന​ത്. അ​സി​സ്റ്റ​ന്‍റ് ക​മ്മീ​ഷ​ണ​ർ കെ. ​സൈ​നു​രാ​ജ്, സ​ബ് ഗ്രൂ​പ്പ് ഓ​ഫീ​സ​ർ കെ. ​ഗോ​പ​കു​മാ​ർ, ഏ​റ​ത്ത് ഗ്രാ​മ​പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ശ്രീ​ജ എ​ന്നി​വ​ർ സ്ഥ​ല​ത്തെ​ത്തി​യി​രു​ന്നു.

മോ​ഷ​ണം ന​ട​ന്ന മാ​ർ​ത്തോ​മ്മ പ​ള്ളി ഓ​ഫീ​സി​ലും ക്ഷേ​ത്ര​ത്തി​ലും പോ​ലീ​സും വി​ര​ല​ട​യാ​ള വി​ദ​ഗ്ധ​രു​മെ​ത്തി തെ​ളി​വു​ക​ൾ ശേ​ഖ​രി​ച്ചു. ക്ഷേ​ത്ര​ത്തി​ൽ സ​മാ​ന​മാ​യ രീ​തി​യി​ൽ ക​ഴി​ഞ്ഞ ഫെ​ബ്രു​വ​രി ഒ​ന്പ​തി​നും മാ​ർ​ച്ച് 21നും ​മോ​ഷ​ണം ന​ട​ന്നി​രു​ന്നു.