മാ​ട്ടു​മു​റി ഉ​പ​തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ചു; ത്രി​കോ​ണ മ​ത്സ​ര​ത്തി​ന് ക​ള​മൊ​രു​ങ്ങും
Wednesday, July 3, 2024 4:57 AM IST
മു​ക്കം: സം​സ്ഥാ​ന​ത്ത് ത​ദ്ദേ​ശ സ്വ​യം ഭ​ര​ണ സ്ഥാ​പ​ന​ങ്ങ​ളി​ലേ​ക്ക് ഒ​ഴി​വു വ​ന്ന വാ​ര്‍​ഡു​ക​ളി​ലെ ഉ​പ​തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ചു. ഈ ​മാ​സം 30 നാ​ണ് തെ​ര​ഞ്ഞെ​ടു​പ്പ്. 31ന് ​വോ​ട്ടെ​ണ്ണ​ലും ഫ​ല പ്ര​ഖ്യാ​പ​ന​വും ന​ട​ക്കും. ജൂ​ലൈ 11 വ​രെ​യാ​ണ് നാ​മ നി​ര്‍​ദേ​ശ പ​ത്രി​ക സ​മ​ര്‍​പ്പി​ക്കാ​നു​ള്ള അ​വ​സാ​ന തീ​യ​തി. ജി​ല്ല​യി​ല്‍ മൂ​ന്നി​ട​ങ്ങ​ളി​ലാ​ണ് ഉ​പ​തെ​ര​ഞ്ഞെ​ടു​പ്പ് ന​ട​ക്കു​ന്ന​ത്.

തൂ​ണേ​രി ബ്ലോ​ക്ക് പ​ഞ്ചാ​യ​ത്ത് പാ​റ​ക്ക​ട​വ് ഡി​വി​ഷ​ന്‍, ഓ​മ​ശേ​രി പ​ഞ്ചാ​യ​ത്തി​ലെ മ​ങ്ങാ​ട് ഈ​സ്റ്റ് വാ​ര്‍​ഡ്,കൊ​ടി​യ​ത്തൂ​ർ പ​ഞ്ചാ​യ​ത്തി​ലെ മാ​ട്ടു​മു​റി വാ​ര്‍​ഡ് എ​ന്നി​വി​ട​ങ്ങ​ളി​ലാ​ണ് തെ​ര​ഞ്ഞെ​ടു​പ്പ് ന​ട​ക്കു​ന്ന​ത്.

ഈ ​പ​ഞ്ചാ​യ​ത്തു​ക​ളി​ല്‍ ഇ​ന്ന​ലെ മു​ത​ല്‍ മാ​തൃ​കാ പെ​രു​മാ​റ്റ ച​ട്ടം നി​ല​വി​ല്‍ വ​ന്നി​ട്ടു​ണ്ട്. കൊ​ടി​യ​ത്തൂ​ര്‍ പ​ഞ്ച​യ​ത്തം​ഗ​മാ​യി​രു​ന്ന ഷി​ഹാ​ബ് മാ​ട്ടു​മു​റി രാ​ജി വ​ച്ച​തോ​ടെ​യാ​ണ് മൂ​ന്നാം വാ​ർ​ഡാ​യ മാ​ട്ടു​മു​റി​യി​ൽ ഉ​പ​തെ​ര​ഞ്ഞെ​ടു​പ്പി​ന് ക​ള​മൊ​രു​ങ്ങി​യ​ത്.

തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ച​തോ​ടെ എ​ത്ര​യും വേ​ഗം സ്ഥാ​നാ​ർ​ഥി​ക​ളെ ക​ണ്ടെ​ത്തി പ്ര​ചാ​ര​ണ​ത്തി​നൊ​രു​ങ്ങു​ക​യാ​ണ് മു​ന്ന​ണി​ക​ള്‍. യു​ഡി എ​ഫ്, എ​ൽ​ഡി​എ​ഫ് മു​ന്ന​ണി​ക​ൾ ത​മ്മി​ൽ നേ​രി​ട്ട് മ​ത്സ​രം ന​ട​ക്കു​ന്ന ഈ ​വാ​ർ​ഡി​ൽ ഇ​ത്ത​വ​ണ ശ​ക്ത​മാ​യ ത്രി​കോ​ണ മ​ത്സ​ര​ത്തി​നാ​ണ് വ​ഴി​യൊ​രു​ങ്ങു​ന്ന​ത്.

ക​ഴി​ഞ്ഞ ത​വ​ണ മു​ന്നൂ​റി​ലേ​റെ വോ​ട്ടു​ക​ളു​ടെ ഭൂ​രി​പ​ക്ഷ​ത്തി​നാ​ണ് ഷി​ഹാ​ബ് മാ​ട്ടു​മു​റി വി​ജ​യി​ച്ചി​രു​ന്ന​ത്. ഉ​പ​തെ​ര​ഞ്ഞെ​ടു​പ്പി​ൽ ഷി​ഹാ​ബ് സ്വ​ത​ന്ത്ര​നാ​യി മ​ത്സ​രി​ക്കാ​നു​ള്ള സാ​ധ്യ​ത​യു​ണ്ട്. അ​ങ്ങ​നെ​യെ​ങ്കി​ൽ അ​ത് ര​ണ്ട് മു​ന്ന​ണി​ക​ളേ​യും കാ​ര്യ​മാ​യി ബാ​ധി​ച്ചേ​ക്കും.

സ്വ​ന്തം നി​ല​യി​ൽ അ​ത്യാ​വ​ശ്യം വോ​ട്ട് ഷി​ഹാ​ബ് പി​ടി​ക്കു​മെ​ന്നാ​ണ് അ​ദ്ദേ​ഹ​വു​മാ​യി അ​ടു​ത്ത വൃ​ത്ത​ങ്ങ​ൾ പ​റ​യു​ന്ന​ത്. യു​ഡി​എ​ഫി​ന്‍റെ ഉ​റ​ച്ച കോ​ട്ട​യാ​യി അ​റി​യ​പ്പെ​ടു​ന്ന ഈ ​വാ​ർ​ഡി​ൽ ഒ​രു ത​വ​ണ യു​ഡി​എ​ഫ് വി​മ​ത അ​ട്ടി​മ​റി വി​ജ​യ​വും ക​ര​സ്ഥ​മാ​ക്കി​യി​ട്ടു​ണ്ട്.

Copyright @ 2022 , Rashtra Deepika Ltd.