തിരുവമ്പാടി: പഞ്ചായത്തും കൃഷിഭവനും സംയുക്തമായി നടത്തിയ ഞാറ്റുവേല ചന്ത തിരുവമ്പാടി അഗ്രോ സർവീസ് സെന്ററിൽ പഞ്ചായത്ത് പ്രസിഡന്റ് ബിന്ദു ജോൺസൺ ഉദ്ഘാടനം ചെയ്തു.
ചടങ്ങിൽ പഞ്ചായത്ത് വൈസ് പ്രസിഡന്റ് കെ.എ. അബ്ദുറഹിമാൻ അധ്യക്ഷത വഹിച്ചു. വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ലിസി ഏബ്രഹാം, പഞ്ചായത്ത് അംഗങ്ങളായ അപ്പു കോട്ടയിൽ, രാമചന്ദ്രൻ കരിമ്പിൽ, ഷൗക്കത്തലി, ലിസി സണ്ണി, കാർഷിക വികസന സമിതി അംഗങ്ങളായ ഗോപിലാൽ, ഷിബു ചെമ്പനാനി, ജോയ് മ്ലാകുഴി എന്നിവർ പ്രസംഗിച്ചു.
ചക്കിട്ടപാറ: തിരുവാതിര ഞാറ്റുവേലയിൽ കർഷകർക്ക് നടീൽ വസ്തുക്കളും ഉത്പാദനോപാധികളും മിതമായ നിരക്കില് ലഭ്യമാക്കുകയെന്ന ലക്ഷ്യത്തോടെ ചക്കിട്ടപ്പാറ പഞ്ചായത്തിന്റെയും കൃഷിഭവന്റെയും ആഭിമുഖ്യത്തിൽ ചക്കിട്ടപാറ അഗ്രോ സർവീസ് സെന്ററിന്റെ സഹകരണത്തോടെ കൃഷിഭവൻ പരിസരത്ത് ഞാറ്റുവേല ചന്ത സംഘടിപ്പിച്ചു.
പഞ്ചായത്ത് പ്രസിഡന്റ് കെ. സുനിൽ ഉദ്ഘാടനം നിർവഹിച്ചു. വികസന സ്റ്റാൻഡിംഗ് കമ്മിറ്റി ചെയർമാൻ സി. കെ. ശശി, എഡിസി അംഗങ്ങളായ പി.പി. രഘു നാഥ്, വി.വി. കുഞ്ഞിക്കണ്ണൻ, രാജൻ വർക്കി, കുഞ്ഞമ്മദ് പെരിഞ്ചേരി, കൃഷി ഓഫീസർ രശ്മ സജിത്ത്, കൃഷി ഉദ്യോഗസ്ഥരായ കെ. ഗിരീഷ് കുമാർ, എം.സി. ബീന, ഇ. ലിനൂപ് എന്നിവർ പങ്കെടുത്തു.