മനുഷ്യാവകാശ കമ്മീഷൻ നിർദേശം : "യോ​ഗ്യ​ത​യി​ല്ലാ​ത്ത ആരോഗ്യ സ്ഥാ​പ​ന​ങ്ങ​ൾ​ക്കെ​തി​രേ ന​ട​പ​ടി വേ​ണം'
Wednesday, June 26, 2024 5:25 AM IST
കോ​ഴി​ക്കോ​ട്: മ​തി​യാ​യ യോ​ഗ്യ​ത​യി​ല്ലാ​ത്ത ഡോ​ക്ട​ർ​മാ​രെ​യും പാ​രാ​മെ​ഡി​ക്ക​ൽ ജീ​വ​ന​ക്കാ​രെ​യും നി​യോ​ഗി​ച്ച് പ്ര​വ​ർ​ത്തി​ക്കു​ന്ന ആ​രോ​ഗ്യ സ്ഥാ​പ​ന​ങ്ങ​ൾ​ക്കെ​തി​രേ ക​ർ​ശ​ന ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് മ​നു​ഷ്യാ​വ​കാ​ശ ക​മ്മീ​ഷ​ൻ.

ആ​രോ​ഗ്യ വ​കു​പ്പു സെ​ക്ര​ട്ട​റി​ക്കാ​ണ് ക​മ്മീ​ഷ​ൻ ആ​ക്ടിം​ഗ് ചെ​യ​ർ​മാ​നും ജു​ഡീ​ഷ്യ​ൽ അം​ഗ​വു​മാ​യ കെ. ​ബൈ​ജൂ​നാ​ഥ് നി​ർ​ദ്ദേ​ശം ന​ൽ​കി​യ​ത്. നാ​ദാ​പു​ര​ത്തെ ന്യൂ​ക്ലി​യ​സ് ക്ളി​നി​ക്ക് എ​ന്ന സ്വ​കാ​ര്യാ​ശു​പ​ത്രി​യി​ലെ ചി​കി​ത്സാ​പി​ഴ​വ് കാ​ര​ണം തേ​ജ് ദേ​വ് എ​ന്ന കു​ട്ടി മ​രി​ച്ച സം​ഭ​വ​ത്തി​ൽ കു​റ്റ​ക്കാർ​ക്കെ​തി​രേ ന​ട​പ​ടി​യും കു​ടും​ബ​ത്തി​ന് ന​ഷ്ട​പ​രി​ഹാ​ര​വും ആ​വ​ശ്യ​പ്പെ​ട്ട് വ​ട്ടോ​ളി സം​സ്കൃ​തം ഹൈ​സ്കൂ​ൾ ഹെ​ഡ്മാ​സ്റ്റ​റും ജീ​വ​ന​ക്കാ​രും വി​ദ്യാ​ർ​ഥി​ക​ളും സ​മ​ർ​പ്പി​ച്ച പ​രാ​തി​യി​ലാ​ണ് ന​ട​പ​ടി.

കോ​ഴി​ക്കോ​ട് ഡി​എം​ഒയി​ൽനി​ന്നും ക​മ്മീ​ഷ​ൻ റി​പ്പോ​ർ​ട്ട് വാ​ങ്ങി. സം​ഭ​വ​ത്തി​ൽ നാ​ദാ​പു​രം പോ​ലീ​സ് കേ​സെ​ടു​ത്തി​ട്ടു​ണ്ട്. ആ​ശു​പ​ത്രി​യി​ൽ ചി​കി​ത്സാ പി​ഴ​വു​ണ്ടെ​ന്ന് ഡി​എം​ഒ നി​യോ​ഗി​ച്ച വി​ദ​ഗ്ദ്ധ സ​മി​തി ക​ണ്ടെ​ത്തി​യി​ട്ടു​മു​ണ്ട്.

വി​ഷ​യ​ത്തി​ൽ പോ​ലീ​സ് ചാ​ർ​ജ് ഷീ​റ്റ് ഫ​യ​ൽ ചെ​യ്തി​ട്ടു​ണ്ട്. ഉ​പ​ഭോ​ക്തൃ ത​ർ​ക്ക പ​രി​ഹാ​ര ഫോ​റ​ത്തി​ലും കേ​സ് ന​ട​ക്കു​ന്നു. ചി​കി​ത്സാ പി​ഴ​വ് ഡി​എം​ഒ സ്ഥി​രീ​ക​രി​ച്ച കാ​ര്യം ക​മ്മീ​ഷ​ൻ എ​ടു​ത്തു പ​റ​ഞ്ഞു.

ഉ​പ​ഭോ​ക്തൃ ത​ർ​ക്ക പ​രി​ഹാ​ര ഫോ​റ​ത്തി​ൽ കേ​സ് ന​ട​ക്കു​ന്ന സാ​ഹ​ച​ര്യ​ത്തി​ൽ വി​ഷ​യ​ത്തി​ൽ ഇ​ട​പെ​ടു​ന്നി​ല്ലെ​ന്നും ഉ​ത്ത​ര​വി​ൽ പ​റ​യു​ന്നു.

Copyright @ 2022 , Rashtra Deepika Ltd.