പ​യ്യ​നാ​ട് ഹോ​മി​യോ ആ​ശു​പ​ത്രി : വ്യാ​ജ​രേ​ഖ​യു​ണ്ടാ​ക്കി​യ ജീ​വ​ന​ക്കാ​ര​നെ സ​സ്പെ​ൻ​ഡ് ചെ​യ്യ​ണ​മെ​ന്ന് ശി​പാ​ർ​ശ
Tuesday, September 3, 2024 7:50 AM IST
മ​ഞ്ചേ​രി: മേ​ലു​ദ്യോ​ഗ​സ്ഥ​ന്‍റെ പേ​രി​ൽ വ്യാ​ജ രേ​ഖ​യു​ണ്ടാ​ക്കി​യെ​ന്ന സം​ഭ​വ​ത്തി​ൽ ആ​രോ​പ​ണ വി​ധേ​യ​നാ​യ ജീ​വ​ന​ക്കാ​ര​നെ അ​ന്വേ​ഷ​ണ വി​ധേ​യ​മാ​യി സ​സ്പെ​ൻ​ഡ് ചെ​യ്യ​ണ​മെ​ന്ന് ഇ​ന്ന​ലെ ചേ​ർ​ന്ന ആ​ശു​പ​ത്രി മാ​നേ​ജ്മെ​ന്‍റ് ക​മ്മി​റ്റി​യി​ൽ തീ​രു​മാ​നം. ഇ​തു സം​ബ​ന്ധി​ച്ച് എ​ച്ച്എം​സി ശി​പാ​ർ​ശ ജി​ല്ലാ മെ​ഡി​ക്ക​ൽ ഓ​ഫീ​സ​ർ (ഹോ​മി​യോ) മു​ഖേ​ന ഹോ​മി​യോ​പ​തി ഡ​യ​റ​ക്ട​റി​ലേ​ക്ക് അ​യ​ക്കും.

പ​യ്യ​നാ​ട് ഹോ​മി​യോ ആ​ശു​പ​ത്രി​യി​ൽ സേ​വ​ന​ങ്ങ​ൾ​ക്കാ​യി രോ​ഗി​ക​ളി​ൽ നി​ന്നു ഈ​ടാ​ക്കു​ന്ന തു​ക സ്വ​ന്തം ഗൂ​ഗി​ൾ​പേ അ​ക്കൗ​ണ്ടി​ലേ​ക്ക് അ​ട​പ്പി​ച്ച് പ​ണം ത​ട്ടാ​ൻ ശ്ര​മി​ക്കു​ക​യും പ​രാ​തി ഉ​യ​ർ​ന്ന​തോ​ടെ വി​ര​മി​ച്ച സൂ​പ്ര​ണ്ടി​ന്‍റെ പേ​രി​ൽ വ്യാ​ജ രേ​ഖ​യു​ണ്ടാ​ക്കു​ക​യും ചെ​യ്ത ക്ല​ർ​ക് സ​നോ​ജ് റി​ഫാ​നെ​തി​രെ​യാ​ണ് എ​ച്ച്എം​സി ന​ട​പ​ടി.

ഒ​പി ടി​ക്ക​റ്റി​നും ലാ​ബി​ൽ നി​ന്നു​ള്ള വി​വി​ധ പ​രി​ശോ​ധ​ന​ക​ൾ​ക്കു​ള്ള ഫീ ​ആ​യും രോ​ഗി​ക​ൾ ന​ൽ​കു​ന്ന പ​ണ​മാ​ണ് ഓ​ഫീ​സി​ലെ ക്ല​ർ​ക്ക് സ്വ​ന്തം പേ​രി​ലു​ള്ള അ​ക്കൗ​ണ്ടി​ലേ​ക്ക് മാ​റ്റി​യ​ത്. ഒ​രു വ​ർ​ഷ​ത്തോ​ളം ഇ​ത്ത​ര​ത്തി​ൽ ജീ​വ​ന​ക്കാ​ര​ന്‍റെ സ്വ​കാ​ര്യ ബാ​ങ്ക് അ​ക്കൗ​ണ്ടി​ലേ​ക്കാ​ണ് മാ​റ്റി​യ​ത്.

ഇ​ക്കാ​ര്യം സ​ഹ​ജീ​വ​ന​ക്കാ​ർ ചോ​ദ്യം ചെ​യ്ത​പ്പോ​ൾ മു​ൻ സൂ​പ്ര​ണ്ടി​ന്‍റെ ഉ​ത്ത​ര​വു​ണ്ടെ​ന്നാ​യി​രു​ന്നു മ​റു​പ​ടി. എ​ന്നാ​ൽ ഉ​ത്ത​ര​വി​ന്‍റെ കോ​പ്പി കാ​ണി​ക്കാ​ൻ ക്ലാ​ർ​ക്ക് ത​യാ​റാ​യി​ല്ല. വി​ഷ​യം ഹോ​സ്പി​റ്റ​ൽ മാ​നേ​ജ് ക​മ്മ​റ്റി​യി​ലെ​ത്തി​യ​തോ​ടെ ഉ​ത്ത​ര​വി​ന്‍റെ കോ​പ്പി ഹാ​ജ​രാ​ക്കു​ന്ന​തി​ൽ നി​ന്നു ഒ​ഴി​ഞ്ഞു മാ​റാ​നാ​യി​ല്ല. തു​ട​ർ​ന്ന് 2021 ഡി​സം​ബ​ർ 22 ലേ​തെ​ന്ന് കാ​ണി​ച്ച് ഹാ​ജ​രാ​ക്കി​യ രേ​ഖ മു​ൻ സൂ​പ്ര​ണ്ടി​ന്‍റെ ശ്ര​ദ്ധ​യി​ൽ​പ്പെ​ടു​ത്തി​യ​തോ​ടെ​യാ​ണ് രേ​ഖ വ്യാ​ജ​മാ​ണെ​ന്ന് ക​ണ്ടെ​ത്തി​യ​ത്. സം​ഭ​വ​ത്തി​ൽ മു​ൻ സൂ​പ്ര​ണ്ട് ഡോ. ​വി. അ​നി​ൽ​കു​മാ​ർ ജി​ല്ലാ പോ​ലീ​സ് മേ​ധാ​വി​ക്കും ഡി​എം​ഒ മു​ഖേ​ന തി​രു​വ​ന​ന്ത​പു​രം ഹോ​മി​യോ​പ​തി ഡ​യ​റ​ക്ട​റേ​റ്റി​നും പ​രാ​തി ന​ൽ​കി​യി​രു​ന്നു.


എ​ന്നാ​ൽ ആ​രോ​പ​ണ വി​ധേ​യ​നാ​യ ജീ​വ​ക്കാ​ര​നെ​തി​രെ അ​ന്വേ​ഷ​ണം ന​ട​ത്താ​നോ ന​ട​പ​ടി​യെ​ടു​ക്കാ​നോ അ​ധി​കൃ​ത​ർ ത​യാ​റാ​കാ​ത്ത​ത് ഏ​റെ വി​വാ​ദ​ങ്ങ​ൾ​ക്ക് വ​ഴി വ​ച്ചി​രു​ന്നു. തു​ട​ർ​ന്ന് ഡി​എം​ഒ​യു​ടെ പ​രാ​തി​യി​ൽ ഇ​ക്ക​ഴി​ഞ്ഞ ആ​ഗ​സ്റ്റ് 16ന് ​ജീ​വ​ന​ക്കാ​ര​നെ​തി​രെ മ​ഞ്ചേ​രി പോ​ലീ​സ് കേ​സെ​ടു​ക്കു​ക​യാ​യി​രു​ന്നു.

ആ​രോ​പ​ണ വി​ധേ​യ​നാ​യ ജീ​വ​ന​ക്കാ​ര​ന്‍റെ ഭാ​ഗ​ത്തു നി​ന്നു തെ​റ്റു​പ​റ്റി​യി​ട്ടു​ണ്ടോ​യെ​ന്ന​തി​ൽ അ​ന്വേ​ഷ​ണം ന​ട​ത്തേ​ണ്ട​തു​ണ്ടെ​ന്നും അ​തു​വ​രെ ജീ​വ​ന​ക്കാ​ര​ൻ ജോ​ലി​യി​ൽ നി​ന്നു മാ​റി നി​ൽ​ക്കു​ന്ന​താ​ണ് ഉ​ചി​ത​മെ​ന്നും യോ​ഗ​ത്തി​ൽ അ​ധ്യ​ക്ഷ​ത വ​ഹി​ച്ച മു​നി​സി​പ്പ​ൽ ചെ​യ​ർ​പേ​ഴ്സ​ണ്‍ വി.​എം. സു​ബൈ​ദ പ​റ​ഞ്ഞു. വൈ​സ് ചെ​യ​ർ​മാ​ൻ വി.​പി. ഫി​റോ​സ്, ജി​ല്ലാ മെ​ഡി​ക്ക​ൽ ഓ​ഫീ​സ​ർ (ഹോ​മി​യോ) ഹ​ന്ന യാ​സ്മീ​ൻ, കൗ​ണ്‍​സി​ല​ർ മ​രു​ന്ന​ൻ മു​ഹ​മ്മ​ദ് എ​ന്നി​വ​രും സൂ​പ്ര​ണ്ട്, ആ​ർ​എം​ഒ, വി​വി​ധ രാ​ഷ്ട്രീ​യ പ്ര​തി​നി​ധി​ക​ൾ എ​ന്നി​വ​രും പ​ങ്കെ​ടു​ത്തു.