ആ​രോ​പ​ണ പ്ര​ത്യാ​രോ​പ​ണ​ങ്ങ​ളോ​ടെ നി​ല​മ്പൂ​ര്‍ ന​ഗ​ര​സ​ഭാ യോ​ഗം
Tuesday, September 3, 2024 7:50 AM IST
നി​ല​മ്പൂ​ര്‍: നി​ല​മ്പൂ​ര്‍ ന​ഗ​ര​സ​ഭ​യി​ല്‍ ക​ഴി​ഞ്ഞ യു​ഡി​എ​ഫ് ഭ​ര​ണ​സ​മി​തി വ​നി​താ ഘ​ട​ക പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി വാ​ങ്ങി​യ സാ​മ​ഗ്രി​ക​ള്‍ കാ​ണാ​നി​ല്ല. മു​ന്‍ ന​ഗ​ര​സ​ഭാ​ധ്യ​ക്ഷ​ക്ക് ബ​ന്ധ​മു​ള്ള സം​ഘം സാ​മ​ഗ്രി​ക​ള്‍ മോ​ഷ്ടി​ച്ചെ​ന്ന് ഭ​ര​ണ​പ​ക്ഷം. ഇ​തേ തു​ട​ര്‍​ന്ന് കൗ​ണ്‍​സി​ല്‍ യോ​ഗ​ത്തി​ല്‍ ബ​ഹ​ളം. 2015-2020 കാ​ല​ത്ത് യു​ഡി​എ​ഫ് ഭ​ര​ണ​സ​മി​തി വ​നി​താ ഘ​ട​ക പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി വാ​ങ്ങി​യ എ​ട്ട് ല​ക്ഷം രൂ​പ വി​ല​യു​ള്ള സാ​മ​ഗ്രി​ക​ളാ​ണ് കാ​ണാ​നി​ല്ലാ​ത്ത​ത്.

മു​ന്‍ അ​ധ്യ​ക്ഷ പ​ദ്മി​നി ഗോ​പി​നാ​ഥി​ന് ബ​ന്ധ​മു​ള്ള ക​സ്തൂ​ര്‍​ബാ മ​ഹി​ളാ സം​ഘ​ത്തി​ന്‍റെ പ​ക്ക​ല്‍ ഈ ​സാ​മ​ഗ്രി​ക​ള്‍ ക​ണ്ടെ​ത്തി​യ​താ​യും മോ​ഷ്ടി​ച്ചു കൊ​ണ്ടു​പോ​യ​താ​ണെ​ന്നും ചെ​യ​ര്‍​മാ​നും ഭ​ര​ണ​പ​ക്ഷ​വും ആ​രോ​പി​ച്ചു. ഇ​തേ തു​ട​ര്‍​ന്ന് ന​ഗ​ര​സ​ഭ കൗ​ണ്‍​സി​ല്‍ ബ​ഹ​ള​ത്തി​ല്‍ മു​ങ്ങി. നി​ല​വി​ലു​ള്ള ഭ​ര​ണ​സ​മി​തി​യു​ടെ അ​ഴി​മ​തി​യി​ല്‍ നി​ന്ന് ശ്ര​ദ്ധ തി​രി​ച്ച് വി​ടാ​നു​ള്ള നീ​ക്ക​മാ​ണ് ന​ട​ക്കു​ന്ന​തെ​ന്ന് പ്ര​തി​പ​ക്ഷം ആ​രോ​പി​ച്ചു. സാ​മ​ഗ്രി​ക​ള്‍ ന​ഷ്ട​പ്പെ​ട്ട​തി​ന്‍റെ ഉ​ത്ത​ര​വാ​ദി​ത്വം ചു​മ​ത​ല​യു​ള്ള ഉ​ദ്യോ​ഗ​സ്ഥ​ര്‍​ക്കാ​ണെ​ന്നും പ്ര​തി​പ​ക്ഷ നേ​താ​വ് പ​റ​ഞ്ഞു. തു​ട​ര്‍​ന്ന് ഭ​ര​ണ​പ്ര​തി​പ​ക്ഷ അം​ഗ​ങ്ങ​ള്‍ പ​ര​സ്പ​രം അ​ഴി​മ​തി ആ​രോ​പ​ണ​ങ്ങ​ള്‍ ഉ​ന്ന​യി​ച്ച​തോ​ടെ കൗ​ണ്‍​സി​ല്‍ പ്ര​ക്ഷു​ബ്ധ​മാ​യി. അ​തി​നി​ടെ സം​ഭ​വ​ത്തി​ല്‍ പോ​ലീ​സി​ല്‍ പ​രാ​തി ന​ല്‍​കാ​ന്‍ കൗ​ണ്‍​സി​ല്‍ തീ​രു​മാ​നി​ച്ചു.


വ​നി​താ ഘ​ട​ക പ​ദ്ധ​തി​യി​ല്‍ ഉ​ള്‍​പ്പെ​ടു​ത്തി വാ​ങ്ങി​യ സാ​മ​ഗ്രി​ക​ള്‍ മോ​ഷ്ടി​ക്ക​പ്പെ​ട്ട​താ​യി സെ​ക്ര​ട്ട​റി പോ​ലീ​സി​ല്‍ പ​രാ​തി ന​ല്‍​കു​മെ​ന്ന് ചെ​യ​ര്‍​മാ​ന്‍ പ​റ​ഞ്ഞു. ച​ന്ത​ക്കു​ന്ന് ബ​സ് സ്റ്റാ​ന്‍​ഡ് നി​ര്‍​മാ​ണ​ത്തി​ന് എ​ട്ട് ടെ​ന്‍​ഡ​ര്‍ ല​ഭി​ച്ച​താ​യും കു​റ​ഞ്ഞ തു​ക കാ​ണി​ച്ച​വ​ര്‍​ക്ക് ന​ഗ​ര​സ​ഭ നി​ര്‍​ദേ​ശ​ങ്ങ​ള്‍ പാ​ലി​ക്കാ​ന്‍ ക​ഴി​യു​മെ​ങ്കി​ല്‍ ഉ​ട​ന്‍ പ്ര​വൃ​ത്തി കൈ​മാ​റു​മെ​ന്നും ഈ ​ഭ​ര​ണ​സ​മി​തി​യു​ടെ കാ​ല​ത്ത് ബ​സ് സ്റ്റാ​ന്‍​ഡ് നി​ര്‍​മാ​ണം പൂ​ര്‍​ത്തീ​ക​രി​ക്കു​മെ​ന്നും അ​ധ്യ​ക്ഷ​ന്‍ പ​റ​ഞ്ഞു.