മേലാറ്റൂര്‍: സെപക് താക്രോ (കിക്ക് വോളിബോള്‍) ജില്ലാ സീനിയര്‍ ചാമ്പ്യന്‍ഷിപ്പില്‍ ഇര്‍ഷാദ് ഇംഗ്ലീഷ് സ്കൂള്‍ മേലാറ്റൂര്‍ ഓവറോള്‍ ചാമ്പ്യന്‍മാരായി. എംഇഎസ് കോളജ് മമ്പാട് രണ്ടും ഡോ. അംബേദ്കര്‍ സ്മാരക ലൈബ്രറി ഇളംമ്പുഴ മൂന്നാം സ്ഥാനവും നേടി.
മമ്പാട് എംഇഎസ് കോളജില്‍ നടന്ന മത്സരംഗ്രാമപഞ്ചായത്ത് പ്രസിഡന്‍റ് സി. ശ്രീനിവാസന്‍ ഉദ്ഘാടനം ചെയ്തു. അസോസിയേഷന്‍ പ്രസിഡന്‍റ് എ.പി. ഇസ്ഹാഖ് അധ്യക്ഷത വഹിച്ചു. സംസ്ഥാന ജോയിന്‍റ് സെക്രട്ടറി ഡോ. സി. രതീഷ് ബാബു, വാര്‍ഡ് മെന്പര്‍ സുബ്രഹ്മണ്യന്‍, സ്പോര്‍ട്സ് കൗണ്‍സില്‍ ഒബ്സര്‍വര്‍ നാസര്‍ കെ. നിഷ, ഫരീദ എന്നിവര്‍ പ്രസംഗിച്ചു. ജില്ലാ സ്പോര്‍ട്സ് അക്കാഡമി ഓഫീസര്‍ മുരുഗന്‍രാജ് ട്രോഫികള് വിതരണം ചെയ്തു. 22 ടീമുകള്‍ പങ്കെടുത്തു.