പെരിന്തല്മണ്ണ: ചീരട്ടമലയിലെ അനധികൃത ക്വാറികളില് പോലീസ് നടത്തിയ പരിശോധനയില് ടിപ്പര് ലോറികളും നാല് ടില്ലര് മെഷീനും ഒരു മണ്ണ് മാന്തിയന്ത്രവും പിടികൂടി.
ഇന്നലെ ഉച്ചക്ക് ശേഷം നടത്തിയ റെയ്ഡിലാണ് ഇവ പിടികൂടിയത്. ക്വാറിയില് അനധികൃതമായി ചെങ്കല്ല് ഖനനം നടക്കുന്നതായി പരാതി ലഭിച്ചിരുന്നു. സ്റ്റേഷന് ഓഫീസര് സുമേഷ് സുന്ദര്, പ്രിന്സിപ്പല് എസ്ഐ ഷിജോ സി. തങ്കച്ചന്, എസ്ഐമാരായ സെബാസ്റ്റ്യന്, രാജേഷ്, എസ്സിപിഒ ബാലചന്ദ്രന് കാവില്, സിപിഒമാരായ പ്രജീഷ്, നിസാര്, ആമിര് സുഹൈര് എന്നിവരടങ്ങുന്ന സംഘമാണ് റെയ്ഡ് നടത്തി വാഹനങ്ങള് പിടിച്ചെടുത്തത്.