ഒന്നാം വർഷ ബിഎഡ് പ്രവേശനം 20242025
സപ്ലിമെന്ററി/കമ്മ്യൂണിറ്റി ക്വാട്ട അലോട്ട്മെന്റിലേക്കായി പുതിയ രജിസ്ട്രേഷൻ ചെയ്യുന്നതിനും, ഓപ്ഷൻ നൽകുന്നതിനും ഓണ്ലൈൻ അപേക്ഷയിൽ തിരുത്തൽ വരുത്തുന്നതിനും ഇന്നുകൂടി അവസരം
ഒന്നാം വർഷ ബിഎഡ് പ്രോഗ്രാമുകളിലേയ്ക്കുള്ള പ്രവേശനത്തിന് രജിസ്ട്രേഷൻ ചെയ്യാത്ത എല്ലാ വിദ്യാർഥികൾക്കും ഇന്നുകൂടി പുതിയ രജിസ്ട്രേഷൻ നടത്താം. ഈ ഘട്ടത്തിൽ പരമാവധി 20 ഓപ്ഷനുകൾ വരെ നൽകാം. നിലവിൽ രജിസ്ട്രേഷനുള്ള എല്ലാവർക്കും പുതിയ ഓപ്ഷനുകൾ ചേർക്കൽ, റീവാല്യൂവേഷൻ/ഗ്രേസ് മാർക്ക് ഉൾപ്പെടുത്തൽ, കാറ്റഗറി മാറ്റം തുടങ്ങി എല്ലാ തിരുത്തലുകൾക്കും ഈ അവസരം പ്രയോജനപ്പെടുത്താം. നിലവിൽ അഡ്മിഷൻ ലഭിച്ച വിദ്യാർഥികൾക്ക് അക്കാദമിക് വിവരങ്ങളും (മാർക്കിലെ വർധനവ്/സ്പെഷ്യൽ വെയിറ്റേജ്) ഓപ്ഷനുകളും മാത്രമേ മാറ്റം വരുത്താൻ സാധിക്കുകയുള്ളൂ. മുൻ അലോട്ട്മെന്റുകളിൽ ഫീസ് ഒടുക്കാതെ അലോട്ട്മെന്റ് റദ്ദായ അപേക്ഷകർക്കും, ഫീസ് അടച്ചിട്ടും കോളജിൽ പ്രവേശനം നേടാൻ സാധിക്കാത്ത അപേക്ഷകർക്കും, നിലവിൽ അഡ്മിഷൻ ലഭിച്ച വിദ്യാർഥികൾക്കും സപ്ലിമെന്ററി അലോട്ട്മെന്റിൽ താത്പര്യമുള്ളപക്ഷം ആയതിലേക്ക് പരിഗണിക്കപ്പെടുന്നതിലേക്കായി ആപ്ലിക്കേഷൻ നന്പർ, പാസ്സ് വേർഡ് എന്നിവ ഉപയോഗിച്ച് പ്രൊഫൈലിൽ ലോഗിൻ ചെയ്ത ശേഷം ഓപ്ഷനുകൾ നൽകണം. പുതിയതായി നൽകിയ ഓപ്ഷനുകൾ മാത്രമേ തുടർന്നു വരുന്ന സപ്ലിമെന്ററി അലോട്ട്മെന്റുകളിലേക്ക് പരിഗണിക്കുകയുള്ളൂ. ആദ്യ രണ്ട് ഘട്ട അലോട്ട്മെന്റുകളിലും അലോട്ട്മെന്റ് ലഭിക്കാത്ത വിദ്യാർഥികൾക്കും ഈ ഘട്ടത്തിൽ പുതുതായി ഓപ്ഷനുകൾ നൽകാം. പുതിയ ഓപ്ഷനുകൾ നൽകുന്ന വിദ്യാർഥികളുടെ മുൻ അലോട്ട്മെന്റുകളിൽ നൽകിയ ഓപ്ഷനുകൾ ക്യാൻസലാകും. ടി വിദ്യാർഥികൾ പുതിയ ഓപ്ഷനുകൾ നൽകാത്തപക്ഷം ഇവരുടെ പഴയ എല്ലാ ഓപ്ഷനുകളും ഈ അലോട്ട്മെന്റിലേക്ക് പരിഗണിക്കും. നിലവിൽ ഏതെങ്കിലും ഘട്ടത്തിൽ അഡ്മിഷൻ ലഭിച്ച വിദ്യാർഥികൾ സപ്ലിമെന്ററി അലോട്ട്മെന്റിലേക്ക് ഓപ്ഷൻ നൽകുന്നപക്ഷം പുതിയ അലോട്ട്മെന്റ് ലഭിക്കുകയാണെങ്കിൽ അലോട്ട്മെന്റ് ലഭിച്ച കോളജിൽ ഹാജരായി നിർബന്ധമായും അഡ്മിഷൻ എടുക്കണം. പ്രസ്തുത വിദ്യാർഥികൾക്ക്, മുൻ അഡ്മിഷനിൽ തുടരാൻ സാധിക്കുന്നതല്ല, പുതുതായി അലോട്ട്മെന്റ് ലഭിച്ച കോളജിൽ അഡ്മിഷൻ എടുക്കാത്ത പക്ഷം രണ്ട് അഡ്മിഷനും നഷ്ടമാകും. തിരുത്തലുകൾ വരുത്തി കഴിഞ്ഞാൽ, പുതിയതായി നൽകിയ ഓപ്ഷനുകൾ/മാറ്റങ്ങൾ അപേക്ഷയിൽ വന്നിട്ടുണ്ട് എന്ന് ഉറപ്പാക്കേണ്ടതും (options for supplementary allotment) അപേക്ഷയുടെ ഏറ്റവും പുതിയ പ്രിന്റ് ഔട്ട് എടുത്ത് തുടർ ആവശ്യങ്ങൾക്കായി സൂക്ഷിക്കേണ്ടതുമാണ്.
എയ്ഡഡ് കോളജുകളിലെ കമ്മ്യൂണിറ്റി ക്വാട്ട അലോട്ട്മെന്റിലേക്ക് ഓപ്ഷൻസ് നൽകുന്നതിന് അവസരം
കേരളസർവകലാശാലയോട് അഫിലിയേറ്റ് ചെയ്തിട്ടുള്ള എയ്ഡഡ് (Aided) കോളജുകളിലെ ബിഎഡ് കോഴ്സുകളിലേക്കുള്ള കമ്മ്യൂണിറ്റി ക്വാട്ട പ്രവേശനത്തിന് ആഗ്രഹിക്കുന്ന വിദ്യാർഥികൾക്ക് അവരുടെ പ്രൊഫൈലിൽ ലഭ്യമാക്കിയിട്ടുള്ള കമ്മ്യൂണിറ്റി ക്വാട്ട ലിങ്ക് വഴി 16 വരെ ഓപ്ഷൻസ് നൽകാം. ഇതുവരെ അഡ്മിഷൻ ലഭിക്കാത്തവരും, നിലവിൽ ഏതെങ്കിലും കോളജിൽ അഡ്മിഷൻ എടുത്തവരും, അഡ്മിഷൻ എടുത്ത ശേഷം കോളജിൽ നിന്നും ടി.സി. വാങ്ങിയവരും, പല ഘട്ടങ്ങളിൽ അഡ്മിഷൻ പ്രക്രിയയിൽ നിന്നും പുറത്തായവരും ഉൾപ്പെടെ എല്ലാവരും പുതുതായി കമ്മ്യൂണിറ്റി ക്വാട്ട ഓപ്ഷൻസ് നൽകിയാൽ മാത്രമേ കമ്മ്യൂണിറ്റി ക്വാട്ട അലോട്ട്മെന്റിലേക്ക് പരിഗണിക്കുകയുള്ളൂ.
ബിഎഡ് പ്രവേശനം 2024 2025 കേരളസർവകലാശാലയോട് അഫിലിയേറ്റ് ചെയ്തിട്ടുള്ള എയ്ഡഡ് (Aided) കോളേജുകളിൽ കമ്മ്യൂണിറ്റിക്വാട്ട അലോട്ട്മെന്റിലേക്കായി ഓപ്ഷൻ നൽകാവുന്നതാണ്
കേരളസർവകലാശാലയോട് അഫിലിയേറ്റ് ചെയ്തിട്ടുള്ള ബി.എഡ്. എയ്ഡഡ് (Aided) കോളജുകളിലെ ബിഎഡ് കോഴ്സുകളിലേക്കുള്ള കമ്മ്യൂണിറ്റി ക്വാട്ട പ്രവേശനത്തിന് ആഗ്രഹിക്കുന്ന വിദ്യാർഥികൾ അവരുടെ പ്രൊഫൈലിൽ ലഭ്യമാക്കിയിട്ടുള്ള കമ്മ്യൂണിറ്റിക്വാട്ട ലിങ്ക് വഴി ഇന്നുകൂടി പുതിയ ഓപ്ഷനുകൾ നൽകണം.
നിലവിൽ ഏതെങ്കിലും കോളജിൽ അഡ്മിഷൻ എടുത്തവരും, അഡ്മിഷൻ എടുത്ത ശേഷം കോളജിൽ നിന്നും ടിസി വാങ്ങിയവരും, പല ഘട്ടങ്ങളിൽ അഡ്മിഷൻ പ്രക്രിയയിൽ നിന്നും പുറത്തായവരും ഉൾപ്പെടെ എല്ലാവരും കമ്മ്യൂണിറ്റി ക്വാട്ട ഓപ്ഷനുകൾ നൽകിയാൽ മാത്രമേ കമ്മ്യൂണിറ്റി ക്വാട്ട അലോട്ട്മെന്റിലേക്ക് പരിഗണിക്കുകയുള്ളൂ.
മാവേലിക്കര പീറ്റ് മെമ്മോറിയൽ ട്രെയിനിംഗ് കോളജ് സിഎസ്ഐ മധ്യകേരള മഹാ ഇടവകയുടെ കീഴിൽ വരുന്ന എയ്ഡഡ് കോളജായതിനാൽ സിഎസ്ഐ മധ്യ കേരളം കമ്മ്യൂണിറ്റിയിൽ ഉൾപ്പെടുന്ന, ജനറൽ ക്രിസ്ത്യൻ, ചേരമർ ക്രിസ്ത്യൻ, സാംബവ ക്രിസ്ത്യൻ എന്നീ വിഭാഗക്കാർ നിലവിൽ ഓണ്ലൈൻ രജിസ്ട്രേഷൻ പൂർത്തീകരിച്ച അപേക്ഷാർഛികൾ മാവേലിക്കര പീറ്റ് മെമ്മോറിയൽ ട്രെയിനിംഗ് കോളജിലേക്ക് കമ്മ്യൂണിറ്റി ക്വാട്ടയിലേക്ക് അപേഷിക്കാം.
ഒന്നാം വർഷ ബിരുദ പ്രവേശനം 2024;ബിഎ മ്യൂസിക്, ബിപിഎ കോഴ്സ് രണ്ടാം ഘട്ട അഭിരുചി പരീക്ഷ
ശ്രീ സ്വാതിതിരുനാൾ ഗവ. മ്യൂസിക് കോളജിലെ ബിപിഎ കോഴ്സിലേക്കും നീറമണ്കര എച്ച്എച്ച്എംഎസ്പി ബിഎൻഎസ്എസ് കോളജ് ഫോർ വിമണ്, വഴുതക്കാട് ഗവണ്മെന്റ് കോളജ് ഫോർ വിമണ്, കൊല്ലം എസ്.എൻ. കോളജ് ഫോർ വിമണ് എന്നീ കോളജുകളിൽ ബിഎ മ്യൂസിക് കോഴ്സിലേക്കും 202425 അധ്യയന വർഷത്തിലേക്കുള്ള പ്രവേശനത്തിനുള്ള രണ്ടാംഘട്ട അഭിരുചി പരീക്ഷ 17 മുതൽ 19 വരെ അതാത് കോളജുകളിൽ നടത്തും.
ഒന്നാം വർഷ ബിരുദാനന്തര ബിരുദ പ്രവേശനം 202425; അപേക്ഷ സമർപ്പിക്കുവാനുള്ള അവസാന തീയതി 18വരെ ദീർഘിപ്പിച്ചു
അഫിലിയേറ്റ് ചെയ്തിട്ടുള്ള ഗവണ്മെന്റ്/എയ്ഡഡ്/ സ്വാശ്രയ/യുഐടി കോളജുകളിലെ 202425 അധ്യയന വർഷത്തിലേക്കുള്ള ബിരുദാനന്തര ബിരുദ പ്രോഗ്രാമുകളിലേക്ക് അപേക്ഷ സമർപ്പിക്കുന്നതിനുള്ള അവസാന തീയതി 18 വരെ ദീർഘിപ്പിച്ചു. പുതുക്കിയ ഷെഡ്യുൾ വെബ്സൈറ്റിൽ പ്രസിദ്ധീകരിക്കും. അലോട്ട്മെന്റ് സംബന്ധമായ മറ്റ് വിവരങ്ങൾക്ക് അഡ്മിഷൻ വെബ്സൈറ്റ് സന്ദർശിക്കുക.
രണ്ടാംഘട്ട പ്രവേശനം
കാര്യവട്ടം കാന്പസിൽ പ്രവർത്തിക്കുന്ന ഇൻസ്റ്റിറ്റ്യൂട്ട് ഓഫ് മാനേജ്മന്റ് ഇൻ കേരള (ഐഎംകെ), സിഎസ്എസ് സ്കീമിൽ എംബിഎ (ജനറൽ) എംബിഎ (ട്രാവൽ & ടൂറിസം), എംബിഎ (ഷിപ്പിംഗ് & ലോജിസ്റ്റിക്സ്) കോഴ്സുകളിലേക്ക് 20242026 ബാച്ച് പ്രവേശനത്തിന് MBAGeneral SC2, ST2, EWS (BPL) 1, MBATravel and Tourism SC6 , ST2, SEBCEZHAVA 2, SEBCMUSLIM 1, EWS (BPL)4, MBA Shipping and Logistics SC1, ST1, EWS (BPL) 1 ഒഴിവുകളിലേക്ക് രണ്ടാംഘട്ട പ്രവേശനത്തിനുള്ള അപേക്ഷകൾ ക്ഷണിക്കുന്നു. വിശദവിവരങ്ങൾ വെബ്സൈറ്റിൽ.
പരീക്ഷാഫലം
വിദൂരവിദ്യാഭ്യാസ വിഭാഗം 2024 ജനുവരിയിൽ നടത്തിയ ഒന്ന്, രണ്ട് സെമസ്റ്റർ എംഎ സോഷ്യോളജി (റെഗുലർ 2022 അഡ്മിഷൻ, ഇംപ്രൂവ്മെന്റ്/സപ്ലിമെന്ററി 2021 അഡ്മിഷൻ, സപ്ലിമെന്ററി 2021, 2019 അഡ്മിഷൻ & മേഴ്സിചാൻസ് 2018, 2017 അഡ്മിഷൻ) പരീക്ഷകളുടെ ഫലം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
2023 നവംബറിൽ നടത്തിയ ആറാം സെമസ്റ്റർ ഇന്റഗ്രേറ്റഡ് പഞ്ചവത്സര ബിഎ/ബികോം/ബിബിഎ എൽഎൽബി പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 21 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പരീക്ഷാഫീസ്
ഓഗസ്റ്റിൽ നടത്തുന്ന നാലാം സെമസ്റ്റർ ബിഎ/ ബിഎസ്സി/ബികോം ന്യൂ ജനറേഷൻ ഡബിൾ മെയിൻ കോഴ്സുകളുടെ (റെഗുലർ 2022 അഡ്മിഷൻ, ഇംപ്രൂവ്മെന്റ്/സപ്ലിമെന്ററി 2021 അഡ്മിഷൻ, സപ്ലിമെന്ററി 2020 അഡ്മിഷൻ) പരീക്ഷ വിജ്ഞാപനം പ്രസിദ്ധീകരിച്ചു. പിഴകൂടാതെ 22 വരെയും 150 രൂപ പിഴയോടെ 25 വരെയും 400 രൂപ പിഴയോടെ 27 വരെയും SLCM മുഖേന ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ഓഗസ്റ്റിൽ നടത്തുന്ന രണ്ടാം സെമസ്റ്റർ സിബിസിഎസ്എസ് ബിഎ/ബിഎസ്സി/ബികോം (റെഗുലർ 2023 അഡ്മിഷൻ, ഇംപ്രൂവ്മെന്റ്/സപ്ലിമെന്ററി 2022 അഡ്മിഷൻ, സപ്ലിമെന്ററി 20192021 അഡ്മിഷൻ, മേഴ്സിചാൻസ് 20132016, 2018 അഡ്മിഷൻ) പരീക്ഷകൾക്ക് 22 വരെയും 150 രൂപ പിഴയോടെ 25 വരെയും 400 രൂപ പിഴയോടെ 27 വരെയും ഓാണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പ്രാക്ടിക്കൽ
2024 ഏപ്രിലിൽ നടത്തിയ ഒന്നാം സെമസ്റ്റർ എംഎസ്സി ഇലക്ട്രോണിക്സ് പരീക്ഷയുടെ പ്രാക്ടിക്കൽ 18, 19 തീയതികളിൽ നടത്തുന്നു. വിശദവിവരങ്ങൾ വെബ്സൈറ്റിൽ.
2024 ഏപ്രിലിൽ നടത്തിയ ഒന്നാം സെമസ്റ്റർ എംഎസ്സി ബയോടെക്നോളജി (2023 അഡ്മിഷൻ) പരീക്ഷയുടെ പ്രാക്ടിക്കൽ 22 മുതൽ 25 വരെ അതാത് കോളജുകളിൽ നടത്തും. വിശദമായ ടൈംടേബിൾ വെബ്സൈറ്റിൽ.
എംബിഎ. (ഫുൾടൈം) കോഴ്സിലേക്ക് രണ്ടാംഘട്ട പ്രവേശനത്തിനുള്ള ഓണ്ലൈൻ അപേക്ഷകൾ ക്ഷണിക്കുന്നു
വിവിധ മാനേജ്മെന്റ് പഠന കേന്ദ്രങ്ങളിൽ (ഡകങെ) എംബിഎ (ഫുൾടൈം) കോഴ്സിലേക്ക് 202425 വർഷത്തെ രണ്ടാം ഘട്ട പ്രവേശനത്തിന് 19ന് രാത്രി 10വരെ ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.