Play Audio

ആ ​മ​ര​ണ​വെ​പ്രാ​ളം ഇ​നി​യാ​ർ​ക്കു​മു​ണ്ടാ​ക​രു​ത്
Thursday, July 4, 2024 12:00 AM IST
വി​​​​നോ​​​​ദ​​​​യാ​​​​ത്ര​​​​യ്ക്കെ​​​​ത്തി​​​​യ കു​​​​ടും​​​​ബം മ​​​​ര​​​​ണ​​​​ത്തി​​​​നു​ തൊ​​​ട്ടു​​​മു​​​​ന്പ് ക​​​​ര​​​​യി​​​​ലേ​​​​ക്കു നോ​​​​ക്കു​​​​ന്ന വീ​​​​ഡി​​​​യോ ന​​​മ്മോ​​​ടു ചി​​​ല​​​തു പ​​​റ​​​യു​​​ന്നു​​​ണ്ട്, സ​​​​ർ​​​​ക്കാ​​​​രി​​​​നെ​​​​തി​​​​രേ​ എ​​​​ഫ്ഐ​​​​ആ​​​ർ എ​​​ഴു​​​തു​​​ന്നു​​​മു​​​ണ്ട്.

എ​ന്തൊ​രു കാ​ഴ്ച​യാ​യി​രു​ന്നു അ​ത്..! അ​വ​രു​ടെ മ​ര​ണ​വെ​പ്രാ​ളം ന​മ്മു​ടെ ക​ണ്ണി​ൽ​നി​ന്നു മാ​യു​ന്നി​ല്ല. അ​പ്ര​തീ​ക്ഷി​ത​മാ​യെ​ത്തി​യ ഒ​ഴു​ക്കി​ൽ വീ​ഴാ​തി​രി​ക്കാ​ൻ പ​ര​സ്പ​രം കെ​ട്ടി​പ്പി​ടി​ച്ചു​നി​ന്ന ഒ​രു കു​ടും​ബം ഒ​ന്നൊ​ന്നാ​യി പി​ടി​വി​ട്ടു​പോ​കു​ന്പോ​ൾ ക​ണ്ടു​നി​ൽ​ക്കാ​നേ ഒ​പ്പ​മു​ള്ള​വ​ർ​ക്കും ക​ഴി​ഞ്ഞു​ള്ളൂ. മ​ഹാ​രാ​ഷ്‌​ട്ര​യി​ലെ ലോ​ണാ​വാ​ല​യി​ൽ വി​നോ​ദ​യാ​ത്ര​യ്ക്കെ​ത്തി​യ കു​ടും​ബ​ത്തി​ലെ ഒ​ന്പ​തു പേ​രാ​ണ് ഒ​ഴു​ക്കി​ൽ പെ​ട്ട​ത്. അ​ഞ്ചു​പേ​ർ മ​രി​ച്ചു. പ്ര​ള​യം കാ​ലി​ൽ പി​ടി​ച്ചു​വ​ലി​ക്കു​ന്പോ​ൾ മ​ര​ണം ഗ്ര​സി​ച്ച​വ​രു​ടെ മു​ഖ​ഭാ​വ​മാ​യി​രു​ന്നു അ​വ​ർ​ക്ക്. നി​മി​ഷ​ങ്ങ​ൾ​ക്ക​കം ജ​ല​ശ​യ്യ​യി​ൽ കി​ട​ത്തി മ​ര​ണം അ​വ​രെ കൊ​ണ്ടു​പോ​കു​ക​യും ചെ​യ്തു.

ഇ​ത് ഒ​റ്റ​പ്പെ​ട്ട സം​ഭ​വ​മ​ല്ല. ജീ​വി​ത​ത്തി​നും മ​ര​ണ​ത്തി​നു​മി​ട​യി​ലെ മ​നു​ഷ്യ​ന്‍റെ നി​സ​ഹാ​യ​ത ക​ണ്ട​വ​ർ ഇ​നി​യെ​ങ്കി​ലും ജാ​ഗ്ര​ത പാ​ലി​ക്ക​ണം. ഉ​ത്ത​ര​വാ​ദി​ത്വ​മു​ണ്ടാ​യി​രു​ന്നി​ട്ടും സു​ര​ക്ഷ​യൊ​രു​ക്കാ​ത്ത അ​ധി​കൃ​ത​രെ ‘അ​ക​ത്തു’ കി​ട​ത്ത​ണം. വി​നോ​ദ​സ​ഞ്ചാ​ര​കേ​ന്ദ്ര​ങ്ങ​ൾ മ​ര​ണ​വി​ത​ര​ണ കേ​ന്ദ്ര​ങ്ങ​ളാ​ക​രു​ത്. മും​ബൈ​യി​ൽ​നി​ന്നു വി​വാ​ഹ​ച്ച​ട​ങ്ങി​ൽ പ​ങ്കെ​ടു​ക്കാ​ൻ പൂ​ന​യി​ലെ​ത്തി​യ പ​തി​നേ​ഴം​ഗ സം​ഘ​മാ​ണ് മി​നി​ബ​സി​ൽ 80 കി​ലോ​മീ​റ്റ​ർ അ​ക​ലെ​യു​ള്ള ഭു​ഷി അ​ണ​ക്കെ​ട്ട് കാ​ണാ​നെ​ത്തി​യ​ത്.

ഞാ​യ​റാ​ഴ്ച ഉ​ച്ച​യോ​ടെ അ​വ​ർ വെ​ള്ള​ച്ചാ​ട്ട​ത്തി​ലി​റ​ങ്ങി​യ​തി​നു പി​ന്നാ​ലെ സ​മീ​പ​ത്തെ ത​ട​യ​ണ ക​വി​ഞ്ഞ് മ​ല​വെ​ള്ളം കു​തി​ച്ചെ​ത്തി. പെ​ട്ടെ​ന്നു​ത​ന്നെ അ​ടു​ത്തു​ള്ള പാ​റ​യി​ൽ ക‍​യ​റി പ​ര​സ്പ​രം കെ​ട്ടി​പ്പി​ടി​ച്ചു നി​ന്നെ​ങ്കി​ലും ഒ​ഴു​ക്കി​ന്‍റെ ശ​ക്തി കൂ​ടു​ക​യാ​യി​രു​ന്നു. ക​ര​യി​ൽ നി​ന്ന​വ​ർ നീ​ള​ത്തി​ലു​ള്ള മ​ര​ക്ക​ന്പൊ​ടി​ച്ച് അ​വ​ർ​ക്കു നീ​ട്ടി​ക്കൊ​ടു​ക്കാ​ൻ ശ്ര​മി​ച്ചു. ഏ​താ​ണ്ട് അ​തേ സ​മ​യ​ത്ത്, കു​ഞ്ഞി​നെ​യു​മാ​യി പാ​റ​യി​ൽ നി​ന്നി​രു​ന്ന സ്ത്രീ​യു​ടെ കൈ ​വി​ട്ടു​പോ​യി. ക​ര​യി​ൽ നി​ന്ന​വ​ർ​ക്ക് എ​ന്തെ​ങ്കി​ലും ചെ​യ്യാ​നാ​കും​മു​ന്പ് മ​റ്റു​ള്ള​വ​രും കൂ​ട്ട​ത്തോ​ടെ വെ​ള്ള​ത്തി​ൽ വീ​ഴു​ക​യാ​യി​രു​ന്നു.

പി​ന്നീ​ട് അ​ഞ്ചു​പേ​രു​ടെ​യും മൃ​ത​ദേ​ഹ​ങ്ങ​ൾ വീ​ണ്ടെ​ടു​ത്തു. ഷാ​ഹി​സ്ഥ അ​ൻ​സാ​രി, അ​മീ​മ അ​ൻ​സാ​രി, ഉ​മേ​റ അ​ൻ​സാ​രി, അ​ഡ്നാ​ൻ അ​ൻ​സാ​രി, മ​റി​യ സാ​യ​ദ് എ​ന്നി​വ​ർ മ​ര​ണ​ത്തി​നു​മു​ന്പ് ര​ക്ഷാ​ക​ര​ങ്ങ​ൾ പ്ര​തീ​ക്ഷി​ച്ച് ദ​യ​നീ​യ​മാ​യി ക​ര​യി​ലേ​ക്കു നോ​ക്കു​ന്ന വീ​ഡി​യോ സ​ർ​ക്കാ​രി​നെ​തി​രേ​യു​ള്ള എ​ഫ്ഐ​ആ​റാ​ണ്.

ലോ​ണാ​വാ​ല​യി​ലെ ദു​ര​ന്ത​ത്തി​ന്‍റെ ത​ലേ​ന്നാ​ണ് അ​വി​ടെ​നി​ന്ന് 56 കി​ലോ​മീ​റ്റ​ർ അ​ക​ലെ തം​ഹി​നി ഗാ​ട്ടി​ലെ ജ​ലാ​ശ​യ​ത്തി​ൽ ചാ​ടി​യ സ്വ​പ്നി​ൽ ധാ​വ്ഡെ എ​ന്ന യു​വാ​വ് കു​ത്തൊ​ഴു​ക്കി​ൽ പെ​ട്ടു മ​രി​ച്ച​ത്. സാ​ഹ​സി​ക​ത വീ​ഡി​യോ​യി​ൽ പ​ക​ർ​ത്തി​ക്കൊ​ണ്ടി​രു​ന്ന അ​ദ്ദേ​ഹ​ത്തി​ന്‍റെ മ​ക​ൾ​ക്കു കി​ട്ടി​യ​ത് അ​ച്ഛ​ന്‍റെ മ​ര​ണ​ദൃ​ശ്യം. ര​ണ്ടു ദി​വ​സം ക​ഴി​ഞ്ഞാ​ണ് മൃ​ത​ദേ​ഹം കി​ട്ടി​യ​ത്.

ഭു​ഷി​യി​ലെ​യും തം​ഹി​നി​യി​ലെ​യും വി​നോ​ദ​സ​ഞ്ചാ​ര​കേ​ന്ദ്ര​ത്തി​ൽ സു​ര​ക്ഷാ ഉ​ദ്യോ​ഗ​സ്ഥ​രോ മു​ന്ന​റി​യി​പ്പു ബോ​ർ​ഡു​ക​ളോ പോ​ലും ഉ​ണ്ടാ​യി​രു​ന്നി​ല്ലെ​ന്നാ​ണ് മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്ത​ത്. ഭു​ഷി​യി​ൽ ഞാ​യ​റാ​ഴ്ച മാ​ത്രം 50,000 സ​ഞ്ചാ​രി​ക​ളാ​ണെ​ത്തി​യ​ത്. അ​ന്വേ​ഷ​ണ​വും കേ​സു​മൊ​ക്കെ ഉ​ണ്ടാ​യേ​ക്കാം. പ​ക്ഷേ, ഉ​ത്ത​ര​വാ​ദി​ക​ളാ​യ ഉ​ദ്യോ​ഗ​സ്ഥ​ർ ക​സേ​ര​യി​ലു​ണ്ടാ​കും.

വി​നോ​ദ​സ​ഞ്ചാ​ര​കേ​ന്ദ്ര​ങ്ങ​ളി​ലും തീ​ർ​ഥാ​ട​ന​കേ​ന്ദ്ര​ങ്ങ​ളി​ലു​മൊ​ക്കെ ജ​ന​പ്ര​വാ​ഹ​മു​ണ്ടാ​കു​ന്ന​ത് സ്വാ​ഭാ​വി​ക​മാ​ണ്. ഉ​ദ്യോ​ഗ​സ്ഥ​ർ കൃ​ത്യ​വി​ലോ​പം ന​ട​ത്തി​യി​ട്ടു​ണ്ടെ​ങ്കി​ൽ ഗു​രു​ത​ര​മാ​യ വ​കു​പ്പു​ക​ൾ ചു​മ​ത്തി കേ​സെ​ടു​ക്കു​ക​യും ജോ​ലി​യി​ൽ​നി​ന്നു പി​രി​ച്ചു​വി​ടു​ക​യും ചെ​യ്താ​ൽ മാ​ത്ര​മേ മ​ര​ണ​യാ​ത്ര​ക​ൾ​ക്ക് അ​ന്ത്യ​മു​ണ്ടാ​കൂ. ഉ​ത്ത​ർ​പ്ര​ദേ​ശി​ലെ ഹാ​ത്ര​സി​ൽ സ്വ​യം​പ്ര​ഖ്യാ​പി​ത ആ​ൾ​ദൈ​വം ഭോ​ലെ ബാ​ബ ന​ട​ത്തി​യ കൂ​ട്ട​പ്രാ​ർ​ഥ​ന​യ്ക്കി​ടെ​യു​ണ്ടാ​യ തി​ക്കി​ലും തി​ര​ക്കി​ലും പെ​ട്ട് മ​രി​ച്ച​വ​രു​ടെ എ​ണ്ണം 130 ക​വി​ഞ്ഞെ​ന്നാ​ണ് റി​പ്പോ​ർ​ട്ടു​ക​ൾ. 80,000 പേ​രെ പ​ങ്കെ​ടു​പ്പി​ക്കു​ന്ന പ​രി​പാ​ടി​ക്കാ​ണ് അ​നു​മ​തി കൊ​ടു​ത്ത​തെ​ങ്കി​ലും 2.5 ല​ക്ഷം പേ​രെ​ത്തി. സു​ര​ക്ഷ​യ്ക്ക് 40 പോ​ലീ​സു​കാ​ർ..! മ​നഃ​പൂ​ർ​വ​മ​ല്ലാ​ത്ത ന​ര​ഹ​ത്യ​ക്ക് ഭാ​ര​തീ​യ ന്യാ​യ സം​ഹി​ത പ്ര​കാ​രം സം​ഘാ​ട​ക‌​ർ​ക്കെ​തി​രേ കേ​സെ​ടു​ത്തി​ട്ടു​ണ്ട്; അ​ത്ര​ത​ന്നെ.

വി​നോ​ദ​യാ​ത്ര​യ്ക്കാ​യാ​ലും തീ​ർ​ഥാ​ട​ന​ത്തി​നാ​യാ​ലും പ​ങ്കെ​ടു​ക്കു​ന്ന​വ​ർ ജാ​ഗ്ര​ത പാ​ലി​ക്കു​ക​യേ നി​വൃ​ത്തി​യു​ള്ളൂ. ‘മ​ഞ്ഞു​മ്മ​ൽ ബോ​യ്സ്’ സി​നി​മ​യു​ടെ പ്ര​ചോ​ദ​ന​മാ​യ കൊ​ടൈ​ക്ക​നാ​ൽ ദു​ര​ന്ത​ത്തി​ൽ​പ്പെ​ട്ട യു​വാ​ക്ക​ൾ മു​ന്ന​റി​യി​പ്പു​ക​ൾ അ​വ​ഗ​ണി​ച്ചാ​ണ് ഗു​ണാ കേ​വി​ലേ​ക്കു ക​ട​ന്നു​ക​യ​റി​യ​ത്. ര​ക്ഷ​പ്പെ​ടു​ന്ന ആ​വേ​ശ​ക്ക​ഥ​ക​ൾ വി​ര​ലി​ലെ​ണ്ണാ​വു​ന്ന​തു മാ​ത്ര​മാ​ണ്.

മ​ര​ണ​ക്ക​യ​ങ്ങ​ളി​ൽ മ​റ​യു​ന്ന​വ​യാ​ണ് കൂ​ടു​ത​ൽ. കേ​ര​ള​ത്തി​ലും മ​ഴ​ക്കാ​ല യാ​ത്ര​ക​ളു​ടെ സ​മ​യ​മാ​ണ്. ബോ​ട്ട​പ​ക​ട​ങ്ങ​ൾ​ക്കും മു​ങ്ങി​മ​ര​ണ​ങ്ങ​ൾ​ക്കും കു​പ്ര​സി​ദ്ധ​മാ​ണ് കേ​ര​ളം. ബോ​ട്ടു​ക​ളി​ൽ സു​ര​ക്ഷാ സം​വി​ധാ​ന​ങ്ങ​ളു​ണ്ടോ​യെ​ന്ന് ഇ​ന്നു​ത​ന്നെ ഉ​റ​പ്പാ​ക്ക​ണം. ജ​ലാ​ശ​യ​ങ്ങ​ളി​ലും വെ​ള്ള​ച്ചാ​ട്ട​ങ്ങ​ളി​ലും ക​ട​ൽ​ത്തീ​ര​ത്തും മ​ല​ഞ്ചെ​രി​വു​ക​ളി​ലും ഉ​ൾ​പ്പെ​ടെ അ​പ​ക​ട​സാ​ധ്യ​ത​യു​ള്ളി​ട​ത്തൊ​ക്കെ സു​ര​ക്ഷ ഉ​റ​പ്പാ​ക്കു​ക​യും മു​ന്ന​റി​യി​പ്പു ബോ​ർ​ഡു​ക​ൾ സ്ഥാ​പി​ക്കു​ക​യും ചെ​യ്യ​ണം.

സു​ര​ക്ഷാ ഉ​ദ്യോ​ഗ​സ്ഥ​രു​ടെ ക​ണ്ണു​തെ​റ്റി​യാ​ൽ സാ​ഹ​സി​ക​ത​യ്ക്ക് ഇ​റ​ങ്ങി​പ്പു​റ​പ്പെ​ടു​ന്ന​വ​ർ നി​ര​വ​ധി​യു​ണ്ട്. അ​ത്ത​ര​ക്കാ​ർ ലോ​ണാ​വാ​ല​യി​ലെ കു​ടും​ബ​ത്തി​ന്‍റെ അ​വ​സാ​ന​നോ​ട്ടം ക​ണ്ടി​ട്ടു പു​റ​പ്പെ​ടു​ക. ഈ ​മ​ഴ​ക്കാ​ല​ത്ത് കേ​ര​ള​ത്തി​ലെ വി​നോ​ദ​സ​ഞ്ചാ​ര​കേ​ന്ദ്ര​ങ്ങ​ളി​ലേ​ക്ക് ചി​രി​ച്ചു​ല്ല​സി​ച്ചു പോ​കു​ന്ന​വ​ർ അ​ങ്ങ​നെ​ത​ന്നെ തി​രി​ച്ചു​വ​ര​ട്ടെ. ലോ​ണാ​വാ​ല​യി​ലെ മ​ര​ണ​ക്കാ​ഴ്ച ഇ​നി​യു​ണ്ടാ​ക​രു​ത്.
Copyright @ 2022 , Rashtra Deepika Ltd.